यहोसु 6:22 - Sunuwar Bible

²² मिनु यहोसुमी मेको क्‍यारी पाइब निक्‍शी आस कली “गे मेको तेल्‍लेम आ खिं लस। मिनु इस कसम जशो खोदेंशो पा मेको मीश मुर नु आ खिं ङा मुर नेल्‍ल आन कली ग्रुंइदीस” देंत। यहोसु २:१२-१४

यहोसु 6:22 ပူးပေါင်းရင်းမြစ်များ

२ सामुएल 21:2

मिनु पिपमी गिबोनी आन कली ब्रेश्‍शा, मेकोपुकी नु लोव़ पवा बाक्‍त। गिबोनी इस्राएली आन थर ङा मुर मबाक्‍मा बाक्‍त। मेकोपुकी एमोरी रे ब्रोंइशा लीशो बाक्‍मा बाक्‍त। इस्राएलीपुकीम मेको आन कली प्रोंइतीक कसम जशो बाक्‍मा बाक्‍त। मो हना यो सावलमी इस्राएल नु यहूदा आ पर्बम मेको आन कली क्‍याम्‍चा माल्‍शो बाक्‍माक्‍त। यहोसु ९:३,१५,१९

२ सामुएल 21:7

तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

भजन संग्रह 15:4

सुमी परमप्रभु आ अरेशो मटीब आन कली महिक्‍थु, परमप्रभु यावे कली मान पा हिंब आन कली चहिं हिक्‍ना हिक्‍न बाक्‍बा, कसम जशा, श्‍येत दुम्‍मेनु यो, आ कसम जशो मप्रोंइथु बाक्‍बा,

इजीकीएल 17:13

मिनु मेकोम पिप आ खिं ङा मुर का कली लाइश्‍शा, कसम जपाइश्‍शा, मेको नु कबल का पाप्‍तु। मिनु मेकोमी मेको रागी ङा ठेयब मुर आन कली लाइक्‍तु। २राजा २४:१७; २इतिहास ३६:१३

इजीकीएल 17:16

परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मेकोमी मेको कली पिप सेल्‍ब पिप नु जशो कसम प्रेंशा, आ पशो कबल प्रोंइशा, बेबीलोन ङा पिप आ बाक्‍तीक सहरम बेक्‍ब।

हिब्रू 11:31

ङोंइती राहाब तेल्‍लेममी मोसाम सोइश्‍शो क्‍यारी पाइब आन कली जतीक बाक्‍तीक गेशा मान पशो बाक्‍माक्‍त। मिनु आन देंशो लोव़ थमा सुइक्‍तीके मटीब नेल्‍ल नु मबेक्‍थु, ब्रोंइचा तवा बाक्‍त। याकूब २:२५

यहोसु 6:17

एको सहर नु एको आगा बाक्‍शो मारेइ मारेइ खतम सेल्‍तीक परमप्रभु यावे केन बाक्‍ब। राहाब तेल्‍लेम नु आ खिंमी बाक्‍ब मुर ला ब्रोंइचा ताइनीम। मारदे हना मेकोमी आंइ सोइश्‍शो क्‍यारी पाइब मुर आस कली ख्रुइश्‍शा प्रोंइशो बाक्‍त। ब्‍यवस्‍था २०:१६-१७; यहोसु २:१२-१३; हिब्रू ११:३१

यहोसु 6:23

मिनु मेको ङोंइती क्‍यारी पाइब ठिटा निक्‍शी मेको आ खिं ओव़शा, राहाब कली ग्रुंइताक्‍स। मेको नु आ आम आफ आ लोक्‍ब नु आ खिं ङा मुर नेल्‍ल आन कली यो ग्रुंइताक्‍स। मिनु मेको आन कली इस्राएली आन बाक्‍तीके आ लाङगाम बाक्‍चा गेम्‍ताक्‍स। गन्‍ती ३१:१९

यहोसु 9:15

मिनु यहोसुमी मेको आन कली “इन थुं नांइसीन। ब्रोंइचा ताइनीनी” दे कबल पाप्‍तु। मिनु मेकेर ङा ठेयब मुरपुकीमी यो कसम जाम्‍तेक्‍म।

न्‍यायाधीस 1:25

मिनु मेको मुरुमी सहर दोपा ओव़चा, मेको नेल्‍ल कोंइदा बाक्‍त। मिनु योसेफ आ थर ङा मुरपुकीमी मेको सहर ओव़शा, मेकेर ङा मुर नेल्‍ल आन कली तरवारमी क्‍योरशा सदमे बाक्‍त। तन्‍न मेको लां शोव़ब नु आ खिं ङा मुर आन कली मारेइ यो मपामे बाक्‍त। यहोसु ६:२५