यहोसु 6:19 - Sunuwar Bible

¹⁹ सुन चांदी, कांसा नु फलाम के सेल्‍शो थोव़क नेल्‍ल परमप्रभु यावे केन बाक्‍नीम। मेको परमप्रभु यावे आ शोंप वोइक्‍तीकेमी वोइक्‍चा माल्‍नीम” देंत।

यहोसु 6:19 ပူးပေါင်းရင်းမြစ်များ

२ सामुएल 8:11

पिप दाऊदमी मेको यो परमप्रभु यावे कली गेवा बाक्‍त। आ फ्रुशो रागी नेल्‍ल ङा सुन चांदी मोपा गेबाक्‍माक्‍त।

१ राजा 14:26

मिनु मेकोमी परमप्रभु यावे आ खिं नु पिप आ खिं ङा शुश क्‍येट लाइब मारेइ मारेइ रोइश्‍शा लदा बाक्‍त। मेकोम सोलोमन आ सेल्‍शो सुन के तेक्‍तीक नेल्‍ल योल्‍दा बाक्‍त। १राजा १०:१६

१ राजा 7:51

मिनु पिप सोलोमनम परमप्रभु यावे आ खिं ङा गेय नेल्‍ल थुम्‍पदा बाक्‍त। मिनु मेकोमी आ आफ दाऊदमी जिम्‍मा गेशो थोव़कपुकी, सुन, चांदी नु दारपाइक्‍तीक चाक्‍पाइश्‍शा, परमप्रभु यावे आ खिं ङा शोंप वोइक्‍तीकेमी वोइक्‍पाइक्‍मी बाक्‍त।

२ राजा 24:13

मेकोमी परमप्रभु यावे आ खिं ङा शोंप नु पिप आ खिं ङा शोंप नेल्‍ल लदा बाक्‍त। मेकोमी सोलोमनम सेल्‍शो परमप्रभु यावे आ खिं ङा सुन के बोस ख्रोइश्‍शा लदा बाक्‍त। मोपा परमप्रभु यावे आ देंशो लोव़ गाम्‍माक्‍त। २राजा २०:१७

१ इतिहास 18:11

मिनु दाऊद पिपम मेको आ चाक्‍शो सुन नु चांदी के ग्‍योंब नेल्‍ल परमप्रभु यावे कली चढ़ेवा बाक्‍त। मेकोमी अर्को जात नेल्‍ल एदोम, मोआब, अम्‍मोनी, पलिस्‍ती नु अमालेकी रे चाक्‍शो सुन चांदी यो चढ़ेवा बाक्‍त।

१ इतिहास 26:20

मिनु अरु लेवी आ थर ङा मुर आन गेय मार बाक्‍त देंशा हना, परमप्रभु आ खिं ङा मार मार शोंप वोइक्‍तीके नु मार मार परमप्रभु कली गेशो वोइक्‍तीके कोव़ब अहीयाह बाक्‍माक्‍त।

१ इतिहास 26:26

शेलोमोथ नु आ लोक्‍बपुकी पिप दाऊदमी गेशो, खिं खिं ङा ठेयब मुरपुकीमी गेशो, हजार हजार लडाइ पाइब आन कप्‍तानपुकीमी गेशो नु सहे सहे ङा लडाइ पाइब आन कप्‍तानपुकीमी गेशो शोंप वोइक्‍तीके कोव़ब बाक्‍मा बाक्‍त।

१ इतिहास 26:27

मेकोपुकीमी लडाइम रोइश्‍शा चाक्‍शो मार मार परमप्रभु यावे आ खिंम चालेचा कली गेशो बाक्‍मा बाक्‍त।

१ इतिहास 26:28

परमप्रभु यावे आ लोव़ पाइब सामुएल, कीश आ तौ सावल, नेर आ तौ आब्‍नेर नु सेरूयाह आ तौ योआबमी गेशो मारेइ मारेइ शेलोमोथ नु आ लोक्‍बपुकी कोव़ब बाक्‍मा बाक्‍त।

१ इतिहास 28:12

दाऊद आ मिम्‍शो नेल्‍ल मेको ब्रेक्‍सम बाक्‍शो बाक्‍त। मेकोमी परमप्रभु यावे आ खिं ङा लाङगा, आ एर ओंथ नेल्‍ल ङा कोठापुकी, परमप्रभु आ खिं ङा मार मार वोइक्‍तीक कोठा नु नेल्‍ल गेशो थोव़क कली वोइक्‍तीक कोठा आ तौ कली गेवा बाक्‍त।

२ इतिहास 15:18

मेकोमी आ आफोम परमप्रभु कली गेशो थोव़क नु आ गेशो थोव़क सुन चांदी नु ग्‍योंबपुकी परमप्रभु आ खिंम चाक्‍गा बाक्‍त।

२ इतिहास 31:12

मिनु मुर नेल्‍लेमी जोल मपथु, आन १० भाग ङा भाग का नु परमप्रभु कली गेशो नेल्‍ल चाक्‍गमे बाक्‍त। मेको १० भाग ङा भाग का ताक्‍शो कोव़ब ठेयब लेवी कोनन्‍याह बाक्‍माक्‍त। मिनु मेको आ लोक्‍ब शिमेइ चहिं मेको आ दी ङा ठेयब मुर बाक्‍माक्‍त।

नेहेम्‍याह 10:38

मोदेंशो पा लेवीपुकी पोक्‍थ गाक्‍मानु, चढ़ेब हारून आ चच युइ यो लेवीपुकी नु गाक्‍चा माल्‍नीम। मिनु लेवीपुकी मेको आन पोक्‍शो रे पा १० भाग ङा भाग का परमप्रभु आ खिं ङा वोइक्‍तीक कोठामी वोइक्‍चा माल्‍नीम। गन्‍ती १८:२६,२८

येरमीया 38:11

मोपतीके एबेद-मेलेकम मेको मुर आन कली लाइक्‍तु। मिनु पिप आ खिं ङा मार मार वोइक्‍तीक आगा ङा कोठाम लत। मिनु मेकेर रे माइत जेक्‍शो वासी ग्रुंइताक्‍व। मिनु मेकोमी येरमीया कली मेको वासी डोरीम फ्रेंशा तोक्‍तु।

लेवी 19:24

मिनु ४ बर्सम चहिं फल फुल नेल्‍ले परमप्रभु यावे कली ग्‍येरशो गेचा माल्‍नीनी। परमप्रभु यावे कली ठेयब मान पचा कली बाक्‍ब।

मीका 4:13

सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।

गन्‍ती 31:11

मेको आन ग्राशो मुर, बी ब्‍यफ, क्‍यारश भेडा, नु शोंप नेल्‍ल लाइश्‍शा गाक्‍तेक्‍म।

गन्‍ती 31:12

मिनु यरीको आ आइक्‍ची हांबु यर्दन खोला आ शुंइचीम मोआब ङा दिंममी बाक्‍शो ताम्‍बुम मोसा, चढ़ेब एलाजर नु इस्राएली नेल्‍ल आन ङोंइती चाक्‍तेक्‍म।

गन्‍ती 31:22

‘सुन, चांदी, कांसा, फलाम, टीन नु सिसा,

मत्ती 27:6

ठेयब चढ़ेबपुकीमी मेको ताइश्‍शो चांदी गुप्‍शा “परमप्रभु यावे कली चढ़ेशो क्‍येट नु काथा वोइक्‍चा मदुम्‍ब। मारदे हना हुश के दाम बाक्‍ब” देब्‍यवस्‍था २३:१९

मर्कूस 12:41

मिनु येसुमी क्‍येट चढ़ेतीक एरे निश्‍शा, शुश मुरुमी क्‍येट चढ़ेशो कोव़ना कोव़न बाक्‍माक्‍त। क्‍येट थीब शुशेमी शुश क्‍येट चढ़ेमे बाक्‍त। २राजा १२:१०

यहोसु 7:11

इस्राएलीपुकीमी पाप पाम्‍तेक्‍म। मेकोपुकीमी आं माइश्‍शो ‘पचा माल्‍ब’ दे पशो कबल प्रोंइ‍तेक्‍म। खतम सेल्‍चा माल्‍शो थोव़क खुइ पा लाइश्‍शा, आंम थोव़क नु ब्‍वाइश्‍शा, ख्रुइश्‍शा वोइक्‍तेक्‍म।