यहोसु 6:18 - Sunuwar Bible

¹⁸ मिनु परमप्रभुमी खतम सेल्‍चा, देंशो थोव़क लाइक्‍चा मदुम्‍ब। होस पा बाक्‍कीन। गे परमप्रभु आ देंशो मटिथु, मारेइ लाइक्‍तीनी हना, गे आंमा खतम दुम्‍नीनी। सुइमी मारेइ खुइ पा, इस्राएली आन बाक्‍तीकेम वोइक्‍तीनी हना, मेको खतम दुम्‍ब। मिनु मुर नेल्‍ल आन कली श्‍येत जपाइक्‍ब। लेवी २७:२८; ब्‍यवस्‍था १३:१८

यहोसु 6:18 ပူးပေါင်းရင်းမြစ်များ

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

उपदेसक 9:18

लडाइ पतीक या क्‍येङा जोक्‍तीक तुइक्‍तीक रिम्‍शो बाक्‍ब। तन्‍न पाप पाइब कामी शुश रिम्‍शो गेय आन कली खतम सेल्‍ब।

योना 1:12

मिनु योनामी “आं कली समुन्‍द्रमी ताइक्‍ताक्‍यीनी हना, फश गिवार नाइक्‍ब। एको फश गिवार आं पतीके पशो बाक्‍ब, दे गो तुइक्‍नुङ” देंमाक्‍त।

रोमी 12:9

थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 23:10

मिनु इन दाते ङा वोंइश मुर का नाक्‍दोम ग्रांग्रा दितीके दुम्‍त हना, मेको बाक्‍तीके रे ङोन लचा माल्‍ब। मिनु लडाइ पाइब आन बाक्‍तीके मओव़चा। लेवी १५:१६-१८

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 7:13

बोक्‍को। मुर आन कली आं ङोंइती ठीक सेल्‍पतो। मिनु मेको आन कली गे दीसा कली परमप्रभु यावे आ ङोंइती ठीक सेल्‍सीन। मारदे हना परमप्रभु यावे, इस्राएली आन परमप्रभुमी इन दातेमी खतम सेल्‍चा माल्‍शो थोव़क बाक्‍नीम। मेको मग्रुंइताक्‍वी हना, इन जोरी सत्रु क्‍येङा ग्राने मचाप्‍‍नीनी। यहोसु ३:५

यहोसु 7:15

मिनु तेको मुर नु खुइ पशो थोव़क बाक्‍बा तुंइसीब, मेको नु आ मारेइ मारेइ मीम हुम्‍चा पुंइसीब। मारदे हना मेकोमी परमप्रभु यावे आ देंशो मटिथु, इस्राएली आन दातेमी काइ मरिम्‍शो ग्रांग्रा दिशो गेय पाप्‍तु” दे माइक्‍तु।

यहोसु 7:25

मिनु यहोसुमी आकान कली “गे गो आंइ कली शुश श्‍येत गेप्‍तीवी। मुलाक्‍ती परमप्रभु यावेमी इ कली श्‍येत गेब” देंत। मिनु इस्राएली नेल्‍लेमी मेको आन कली फुल्‍लुमी आप्‍शा साइक्‍तेक्‍म। मिनु मेको आन कली साइश्‍शा, मीम हुम्‍ताक्‍म। ब्‍यवस्‍था १३:१६-१७

१ यूहन्‍ना 5:21

मोपतीके “आं आइक्‍च आलपुकी, मूर्ति रे ङोन बाक्‍कीन” दे इन कली ब्रेक्‍शा अरेतन्‍नी। १कोरिन्‍थी १०:१४

१ सामुएल 15:9

सावल नु मेको आ लडाइ पाइबपुकीमी पिप अगाग आ रिम्‍शो भेडापुकी, बी ब्‍यफ, दोम्‍शो बस्‍तु भाव, पाठापुकी नु वोइक्‍चा ङा मारेइ मारेइ प्रोंइशा वोदमे बाक्‍त। मेकोपुकीम मेको आन कली खतम पोक्‍चा मदाक्‍तमे बाक्‍त।