यहोसु 6:13 - Sunuwar Bible

¹³ मिनु परमप्रभु यावे आ कबल पशो सन्‍दोस आ ङोंइती गाक्‍ब ताप्‍तीक ग्रोव़ कुरब ७ जना चढ़ेबपुकीमी ग्रोव़ ताम्‍ना ताम्‍न गाक्‍तेक्‍म। या कुरब मेको आन ङोंइङोंइती गाक्‍तेक्‍म। अर्को नेल्‍ल परमप्रभु यावे आ कबल पशो सन्‍दोस आ नोले मेको ताप्‍शो नेंना नेंन खोइक्‍तेक्‍म।

यहोसु 6:13 ပူးပေါင်းရင်းမြစ်များ

१ इतिहास 15:26

मिनु परमप्रभु यावेमी आ कबल पशो सन्‍दोस कुरब लेवी आन कली वारच पाइक्‍तीके मेकोपुकीम ७ ओटा ब्‍यफ नु ७ ओटा सांड चढ़ेमे बाक्‍त।

गन्‍ती 10:25

मिनु नेल्‍ल आन क्‍येङा नोले दान आ बाक्‍तीक ङा मुर हुल हुल पा आन छेदर कुरशा, गाक्‍तेक्‍म। मेको आन ठेयब मुर अम्‍मी-शदै आ तौ अही-एजेर बाक्‍त।

मत्ती 24:13

सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। मत्ती १०:२२; प्रकाश १३:१०

गलाती 6:9

रिम्‍शो गेय पचा मदने। मोपा ला गो रुप्‍ची ना रुप्‍ने चाप्‍नीकी। २थिस्‍सलोनिकी ३:१३

यहोसु 6:12

मिनु यहोसु सुनी कना बोक्‍त। मिनु चढ़ेबपुकीमी परमप्रभु यावे आ कबल पशो सन्‍दोस कुरतेक्‍म।

यहोसु 6:14

मोपा आ दीसा नाक्‍त यो खेयप का सहर आ एर ओंथ हिरताक्‍म। मिनु आन बाक्‍तीकेमी लेत्‍तेक्‍म। मोपा ६ नाक्‍त सम्‍म मोदेंशो पाम्‍तेक्‍म।

यहोसु 6:4

मिनु ७ जना चढ़ेब ७ ओटा ताप्‍तीक ग्रोव़ कुरशा, परमप्रभु यावे आ सल्‍ला पतीक सन्‍दोस कुरशो चढ़ेब आन ङोंइङोंइती गाक्‍चा माल्‍नीम। मिनु ७ नाक्‍तीमी गे ७ खेयप मेको सहर एर ओंथ हिरचा माल्‍नीनी। मेना मेको ७ जना चढ़ेबपुकीमी आन ग्रोव़ ताम्‍ना ताम्‍न गाक्‍चा माल्‍नीम।

यहोसु 6:9

मिनु या कुरब चहिं ग्रोव़ ताप्‍ब चढ़ेब आन ङोंइङोंइती गाक्‍तेक्‍म। मिनु मुर नेल्‍ल सन्‍दोस आ नोनोले गाक्‍तेक्‍म। चढ़ेबपुकी ताप्‍तीक ग्रोव़ ताम्‍ना ताम्‍न गाक्‍तेक्‍म।