यहोसु 6:1 - Sunuwar Bible

¹ मिनु यरीको ङा मुरपुकीमी इस्राएली आन कली तशा, आन गारो ङा ठेयब लाप्‍चो चोक्‍तेक्‍म। मिनु सुइ मुर सहर रे खिंङगा लाङगा मपाम।

यहोसु 6:1 ပူးပေါင်းရင်းမြစ်များ

२ सामुएल 10:5

मेको आन कली मो पशो दाऊदम नेना बाक्‍त। मिनु दाऊदमी मेको आन कली ग्रुम्‍थ मुर सोइक्‍ता बाक्‍त। मारदे हना मेकोपुकी थम मुने तोक्‍चा पुंइस‍मा बाक्‍त। मिनु दाऊदमी “मेको आन गल शोक्रे ङोंइती ङा खोदेंशो मदु‍म सम्‍म यरीको सहरमी बाक्‍मल” देंमाक्‍त।

२ राजा 17:4

तन्‍न अस्‍सुर ङा पिपमी होशेआम आ कली मटिशो तवा बाक्‍त। मारदे हना मेकोमी इजीप्‍त ङा पिप सो कली लोव़ कुरब मुर सोइश्‍शो तुइक्‍ता बाक्‍त। मिनु बर्स बर्सम गेतीक तिरो यो अस्‍सुर ङा पिप कली मथाप्‍ता बाक्‍त। मोपतीके अस्‍सुर ङा पिपमी मेको कली ग्‍याइश्‍शा जेल्‍खानम चोक्‍गा बाक्‍त। होसे १२:२

२ राजा 2:4

मिनु एलीयामी मेको कली “एलीशा गे एक बाक्‍को। मारदे हना परमप्रभु यावेमी आं कली यरीको सोइश्‍शो बाक्‍ब” देंमाक्‍त। तन्‍न मेकोमी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी यरीको सम्‍म ब्रुप्‍सा बाक्‍त।

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।

यहोसु 16:7

मिनु नोले यानोह रे पा अतारोथ नु नाराह सम्‍म तोइश्‍‍शा यरीको जाक्‍दीश्‍शा, यर्दन सम्‍म बाक्‍त।

यहोसु 18:21

बेन्‍यामीन आ खिं खिं ङा मुरपुकीमी तेको तेको सहर ताम्‍तेक्‍म देंशा हना, यरीको, बेथ-होग्‍ला, एमेक-केसीस,

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 2:24

मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९

यहोसु 2:7

मिनु मेको निक्‍शी आस कली खेदा पाइबपुकी यर्दन ङा लां लशा, खोला सम्‍म जाक्‍दीम्‍मा बाक्‍त। मेको खेदा पाइबपुकी सहर रे ग्रूमा नोले ठेयब लाप्‍चो चोक्गमे बाक्‍त।

यहोसु 5:15

मिनु परमप्रभु यावे आ फौज आन कली चलेबमी यहोसु कली “इ लिक्‍शो जुत्ता प्रुतो। मारदे हना इ बाक्‍शो परमप्रभु यावे आ बाक्‍तीक बाक्‍ब” देंत। मिनु यहोसुमी मेको आ देंशो खोदेंशो पा आ जुत्ता प्रुइक्‍तु। प्रस्‍थान ३:५

यहोसु 6:2

मिनु परमप्रभु यावेमी यहोसु कली “गो यरीको, मेकेर ङा पिप नु मेकेर ङा लडाइ पाइब नेल्‍ल इ कली गेता।