यहोसु 5:9 - Sunuwar Bible

⁹ मिनु परमप्रभु यावेमी यहोसु कली “मुलाक्‍त ङा नाक्‍ती इजीप्‍त ङा इन मुने नेल्‍ल क्‍याम्‍ताक्‍ङ” देंत। मोपतीके मुलाक्‍त सम्‍म मेको आन बाक्‍शो बाक्‍तीके कली गिल्‍गाल देंशो बाक्‍नीम। यहोसु ४:१९

यहोसु 5:9 ပူးပေါင်းရင်းမြစ်များ

उत्पत्ती 34:14

“गो आंइ समी ख्रोइक्‍तीक चिनु मख्रोइश्‍शो मुर आन कली गेने मचाप्‍नीकी। मेको आंइ कली मशिरब।

२ सामुएल 19:15

मोपतीके पिप लेश्‍शा यर्दन जाक्‍माक्‍त। ङोंइती यहूदा ङा मुरपुकी गिल्‍गालम पिप ग्रुम्‍चा कली जाक्‍मा बाक्‍त। मेकोपुकीमी पिप कली यर्दन खोला शोक्‍पाइक्‍थ जाक्‍मा बाक्‍त।

नेहेम्‍याह 12:29

बेथ-गिल्‍गाल नु गेबा सहर नु अज्‍मावेथ रे यो जाक्‍तेक्‍म। मारदे हना कुम्‍सो पाइबपुकीमी यरूसलेम आ एर ओंथम आंम आंम कली बाक्‍तीके सेल्‍शा बाक्‍शो बाक्‍तेक्‍म।

भजन संग्रह 119:39

हिंचा ङा शुक्‍शी पाइक्‍चा पुंइसीतीक आं क्‍येङा ङोन वोतीन। मारदे हना इन पतीक लोव़ रिम्‍शो बाक्‍नीम।

येरमीया 9:25

परमप्रभु यावेम “रांम ला ख्रोइक्‍तीक चिनु ख्रोइश्‍शो मुर आन ग्रुम्‍तीक नाक्‍ती थमा पा जाक्‍ब।

इजीकीएल 23:3

मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।

इजीकीएल 23:8

मेकोम इजीप्‍त रागीम पशो तेल्‍लेम गेय मप्रोन। मारदे हना मेको ठिटी बाक्‍मेनु, मुरपुकी मेको नु इप्‍तेक्‍म। मिनु मेकोपुकीमी आ कुचु थिम्‍तेक्‍म। मिनु आन दाक्‍शो मेको नु पाम्‍तेक्‍म। २राजा १७:४

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

लेवी 24:14

“मेको सराप पाइब कली मुर आन बाक्‍तीक रे लाङगा ग्रुंइदीन। मिनु मेको आ नेक्‍था बाक्‍ब मुर नेल्‍लेमी मेको आन गुइ आ पिया तारी वोइक्‍चा माल्‍नीम। मिनु मेको नोले नेल्‍लेमी मेको कली फुल्‍लु आप्‍शा साइक्‍चा माल्‍नीम। गन्‍ती १५:३६; ब्‍यवस्‍था १५:५; प्रेरित ७:५६

आमोस 5:5

बेथेल कली ममालीन। मिनु गिल्‍गाल मलने। बेयर-शेबामी मगाक्‍कीन। मारदे हना गिल्‍गाल ङा मुर थमा पा ग्‍याइश्‍शा लाइक्‍चा पुंइसीनीम। मिनु बेथेल खतम दुम्‍ब। आमोस ४:४; होसे ४:१५

मीका 6:5

आं मुरपुकी, मोआब ङा पिप बालाकम मार सल्‍ला पशो बाक्‍मे, मेको मिम्‍तीन। बेओर आ तौ बालाममी मेको कली मार लोव़ लेत्‍ता, मेको मिम्‍तीन। शित्तीम रे गिल्‍गाल सम्‍म ङा लांमी गाक्‍शोनु, मार मार दुम्‍मे, मेको मिम्‍तीन। मिनु परमप्रभु यावेमी इन कली दोपा प्रोंइशो बाक्‍मे, मेको तुइक्‍नीनी” देंत। गन्‍ती २२:-२४:-; यहोसु २:१; यहोसु ४:१९

सेफन्‍याह 2:8

मिनु “गो मोआब नु अम्‍मोनी आन शुक्‍शी पशो नेंता। मेकोपुकीमी आं मुर आन कली मरिम्‍शो पाम्‍तेक्‍म। मेको आन रागी कली ‘खतम पोक्‍नीक’ दे हिंच कोंइताक्‍म। येरमीया ४८:-; येरमीया ४९:१-६

यहोसु 24:14

मिनु यहोसुमी “मोपतीके मुल परमप्रभु यावे कली मान पा हिंशा, मेको कली थमा पा मप्रोंइथु, गेय पने। इन किकी पिपीमी खोला आइक्‍ची हांबु नु इजीप्‍त रागीमी पूजा पशो देवी देवता आन कली ताइक्‍तीन। परमप्रभु यावे कली ठेयब सेलीन। यहोसु २४:२; प्रस्‍थान ३२:-

यहोसु 4:19

मिनु इस्राएलीपुकी ङोंइती ङा महिना ङा १० नाक्‍तीमी यर्दन रे ग्रूतेक्‍म। मिनु यरीको आ पूर्ब गे गिल्‍गाल माइक्‍तीकेमी बास बाक्‍तीक सेल्‍साक्‍म। यहोसु ५:९-१०

यहोसु 5:8

मिनु नेल्‍ल मुर आन कली ख्रोइक्‍तीक चिनु ख्रोइक्‍ने थुम्‍मे नोले, मेकोपुकी ख्रोइश्‍‍शो गार मसाम सम्‍म आन बाक्‍तीकेमी बाक्‍शो बाक्‍तेक्‍म।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।

१ सामुएल 7:16

मेकोमी बर्स बर्सम बेथेल, गिल्‍गाल नु मिस्‍पाम हिरशा, इस्राएली आन कली निसाफ पाइक्‍बाक्‍माक्‍त।