यहोसु 5:2 - Sunuwar Bible

² मेना परमप्रभु यावेमी यहोसु कली “फुल्‍लु के ख्रोइक्‍तीक सेल्‍शा, चिनु मख्रोइश्‍शो इस्राएली आन कली ख्रोइक्‍तीक चिनु ख्रोतो” दे अरेप्‍तु। प्रस्‍थान ४:२५; उत्‍पत्ती १७:१२-१४

यहोसु 5:2 ပူးပေါင်းရင်းမြစ်များ

प्रस्‍थान 4:25

मिनु सिप्‍पोरामी चहिं हेश्‍शो फुल्‍लु का गुप्‍शा, आ तौ कली ख्रोइक्‍तीक चिन्‍ड ख्रोदा बाक्‍त। मोपा मेकोमी आ तौ आ चारतीक ङा कुशुल ख्रोइश्‍शा, आ तौ आ कुशुलम मोसा आ रां थिशा “गे हुश के ग्‍युम्‍ले नवे” देंमाक्‍त। यहोसु ५:२

रोमी 2:29

मार पा यहूदी दुम्‍नीम देंशा हना, मार पचा दुम्‍बा, मार पचा मदुम्‍बा, मेको तुइश्‍शा, परमप्रभु यावे आ सोक्‍तीम थुंम ख्रोइक्‍तीक चिनु ख्रोइश्‍शा ला परमप्रभु यावे आ मुर दुम्‍नीम। मेको आन कली मुरपुकीमी ठेयब मसेल्‍नीम। तन्‍न परमप्रभु यावेमी नेल्‍ल तुइश्‍शा “रिम्‍शो पाइतीनी” देंब। ब्‍यवस्‍था ३०:६; फिलिप्‍पी ३:३; कलस्‍सी २:११

रोमी 4:11

आ थमा सुइश्‍शोमी ठीक दुम्‍पाइक्‍चा कली ख्रोइक्‍तीक चिनु छाप खोदेंशो पा ताप्‍तु। मारदे हना मेको ङोंइतीन थमा सुइक्‍ब बाक्‍त। मोपतीके मेको ख्रोइक्‍तीक चिनु मख्रोइश्‍शो थमा सुइक्‍ब, ठीक दुम्‍शो नेल्‍ल आन आफ दुम्‍त। उत्‍पत्ती १७:१०-११

ब्‍यवस्‍था 10:16

मोपतीके इन थुं कली ख्रोइक्‍तीक चिनु ख्रोतीन। मिनु मटीब मदुमीन।

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

कलस्‍सी 2:11

मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१

यहोसु 5:3

मिनु यहोसुमी फुल्‍लु के ख्रोइक्‍तीक सेल्‍शा, गिबेआथ-हारालोथमी इस्राएली आन कली ख्रोइक्‍तीक चिनु ख्रोइक्‍तु।