यहोसु 5:13 - Sunuwar Bible

¹³ यहोसु यरीको आ नेक्‍था बाक्‍मेनु, मेको आ ङोंइती गुइमी तरवार शेशा मुर का दोक राप्‍शो ताप्‍तु। मिनु यहोसु मेको आ नेक्‍था लशा “गे आंइ मुर ननी देय आंइ जोरी सत्रु आ मुर ननी?” दे हिल्‍लो पाप्‍तु। गन्‍ती २२:२३,३१

यहोसु 5:13 ပူးပေါင်းရင်းမြစ်များ

उत्पत्ती 18:1

मिनु काबु नाक्‍ती अब्राहाम माम्रे आ ब्‍वाकीमी बाक्‍माक्‍त। आ ताम्‍बु आ लाप्‍चोमी निस्‍से बाक्‍त। मारदे हना शुश हुप्‍ता बाक्‍त। मेना परमप्रभु यावे मेको कली ग्रुम्‍थ जाक्‍माक्‍त।

उत्पत्ती 18:2

मिनु मुर सां ग्रूशा, आ ङोंइती राप्‍शो तवा बाक्‍त। मेको आन कली तशा, छुल बोक्‍शा बाप्‍शा, सेउ पवा बाक्‍त। हिब्रू १३:२

उत्पत्ती 28:16

मिनु याकूब आ निन्‍द्रा रे सेंसीशा “परमप्रभु यावे थमा पा एकेर बाक्‍ब। गो मतुइक्‍तु” देंमाक्‍त।

उत्पत्ती 33:1

मिनु याकूबम लां गे कोव़ङानु, एसाव नु ४ सहे मुर पिन पिन पशो तवा बाक्‍त। मिनु आ आलपुकी लेआ, राहेल नु आस गेय पाइब मीश निक्‍शी नु गाक्‍पाइक्‍मी बाक्‍त। उत्‍पत्ती ३२:७

उत्पत्ती 33:5

मिनु एसावमी कोव़शा, आलपुकी नु मीश मुर आन कली तशा “गे नु बाक्‍ब सु नमी?” दे हिल्‍लो पवा बाक्‍त। मिनु याकूबमी “परमप्रभुमी इन गेय पाइब कली शिशी पशा, गेशो आलपुकी नम” दे मदा बाक्‍त। भजन संग्रह १२७:३

१ इतिहास 12:22

थमा पा नाक्‍त किंत किंत दाऊद आ बाक्‍तीके अर्को लडाइ पाइब वारच पथ जाक्‍मा बाक्‍त। नोले परमप्रभु आ फौज खोदेंशो शुश दुम्‍मा बाक्‍त।

१ इतिहास 21:27

मिनु परमप्रभु यावेमी आ स्‍वर्ग ङा गेय पाइब कली “इ तरवार खोतम पिप्‍तो” दे मदा बाक्‍त।

१ इतिहास 21:30

तन्‍न दाऊद परमप्रभु कली पुंइचा मेकेर लने मचाप्‍शो बाक्‍माक्‍त। मारदे हना परमप्रभु यावे आ स्‍वर्ग ङा गेय पाइब आ तरवार क्‍येङा हिंमाक्‍त।

प्रस्‍थान 23:23

आं स्‍वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्‍‍जी, नानी, हिव्‍वी नु यबुसी कनानी आन रागी चोव़दीब। मिनु गो मेको नेल्‍ल आन कली क्‍याम्‍नुङ।

दानीएल 10:5

मिनु गो इर गे कोव़ङुनु, सुती वा फेक्‍शो मुर का ताता। मेकोमी थम रिम्‍शो ओफीर ङा सुन के किप्‍शुर किप्‍शो बाक्‍त। दानीएल ८:१५; दानीएल १२:६; इजीकीएल ९:२; प्रकाश १:१३-१५

दानीएल 8:3

मिनु गो कोव़शा बाक्‍ङानु, ग्रोव़ निक्‍शी पाइश्‍शो सांड का ताता। मेको आ ग्रोव़ निम्‍फा दुइश्‍शो बाक्‍ताक्‍स। का चहिं अर्को क्‍येङा दुइश्‍शो बाक्‍त। मेको दुइश्‍शो ग्रोव़ नोले ग्रूशो बाक्‍त।

जकरिया 1:8

मिनु जकरियामी “गो नाक्‍दो लल शारा ङोइक्‍ब का गाक्‍शो ता‍ता। मेको दिंममी बाक्‍शो मूरे रवा आन दातेमी दिक्‍शा राप्‍शा बाक्‍शो बाक्‍त। मिनु मेको आ नोले अरु लल, खाइरो नु बुश शारापुकी राप्‍शो बाक्‍तेक्‍म। जकरिया ६:१-८

गन्‍ती 22:23

मिनु मेको गधामी परमप्रभु यावे आ स्‍वर्ग ङा गेय पाइब शोइश्‍शो तरवार शेशा, लांम बाक्‍शो ताप्‍तु। मिनु मेको गधा हिंशा, लां रे रूम लत। मिनु बालामम गधा कली लां गे सोइक्‍चा कली तुप्‍तु। यहोसु ५:१३

गन्‍ती 22:31

मिनु परमप्रभु यावेमी बालाम कली मिक्‍च ताइब सेल्‍तु। मिनु मेकोमी तरवार शोइश्‍शो परमप्रभु यावे आ स्‍वर्ग ङा गेय पाइब का लांम राप्‍शो ताप्‍तु। मिनु बालाम खुम्‍की पा बाप्‍त।

प्रेरित 1:10

मोपा यो सरीङ गे कोव़ना कोव़न बाक्‍मानु, बुश वा फेक्‍शो मुर निक्‍शी फो फु ग्रूशा, आन ङोंइती राप्‍शो तामे बाक्‍त। लूका २४:४

यहोसु 6:2

मिनु परमप्रभु यावेमी यहोसु कली “गो यरीको, मेकेर ङा पिप नु मेकेर ङा लडाइ पाइब नेल्‍ल इ कली गेता।

प्रकाश 1:13

मेको ७ ओटा दियारी आन दातेमी मुर का बाक्‍शो खोदेंशो ताता। मेको मुर दोदेंशो तांइसाक्‍व देंशा हना, खोइली सम्‍म लाइश्‍शो वा फेक्‍शो नु सुन के किप्‍तीके कुचुमी किप्‍शो बाक्‍त। प्रकाश २:१; दानीएल ७:१३

न्‍यायाधीस 13:11

मिनु मानोआह बोक्‍शा, आ मीश नु लशा, मेकेर जाक्‍दीशा, मेको कली “आं मीश नु लोव़ पाइब गे ननी?” दे हिल्‍लो पवा बाक्‍त। मिनु मेकोमी “गो नङ” देंमाक्‍त।

न्‍यायाधीस 13:22

मिनु मेकोमी आ मीश कली “गो थमा पा बेक्‍नस। मारदे हना गो परमप्रभु कली ताइतस” देंमाक्‍त। प्रस्‍थान ३३:२०