यहोसु 5:12 - Sunuwar Bible

¹² मेको रागी ङा अन्‍न जामे नोले, आ दीसा नाक्‍त रे मन्‍ना शोब्‍ले यिचा नांइसाक्‍व। मेकोपुकीमी मेको नाक्‍त रे कनान रागी ङा अन्‍न जाम्‍तेक्‍म। प्रस्‍थान १६:३५

यहोसु 5:12 ပူးပေါင်းရင်းမြစ်များ

प्रस्‍थान 16:35

मिनु इस्राएलीपुकीमी ४० बर्स सम्‍म मन्‍ना जाम्‍तेक्‍म। मुर बाक्‍तीक कनान रागी ङा सांद मजाक्‍मा सम्‍म मेको जाम्‍तेक्‍म। यहोसु ५:१२

हितोपदेस 13:22

रिम्‍शो मुरुमी आ चच युइ आन कली शोंप हेंशा वोइक्‍ब। तन्‍न मरिम्‍शो पाइब आन शोंप ठीक पाइबपुकीम ताइनीम।

गन्‍ती 15:19

गेपुकीमी मेको रागी ङा अन्‍न जनीनु, परमप्रभु यावे कली कोसेली का गेचा माल्‍नीनी।

यूहन्‍ना 4:38

मिनु गो इन कली इन मशोक्‍शो रुप्‍‍थ सोइक्‍नन्‍नी। अर्कोमी शोक्‍तीक गेय पाम्‍तेक्‍म। गे चहिं मेको आन शोक्‍शो रुप्‍‍नीनी” देंत।

यहोसु 5:11

पास्‍सा चाड आ दीसा नाक्‍ती मेकोपुकीमी मेको रागी ङा सिश्‍शो अन्‍न रे पा बोरब ओख्‍ती मसुप्‍शो शोब्‍ले नु कारशो अन्‍न जाम्‍तेक्‍म।