9 मिनु यहोसुमी कबल ङा सन्दोस कुरशा चढ़ेबपुकी राप्तीकेमी यो यर्दन खोला आ दातेमी १२ ओटा फुल्लु वोइक्तु। मिनु मेको फुल्लुपुकी मुलाक्त सम्म बाक्नीम।
मिनु मेको इनार कली शिबा नें वोदा बाक्त। मोपतीके मेको सहर आ नें मुल सम्म बेयर-शेबा बाक्ब।
मिनु याकूब सुनी कना बोक्शा, आ पिया आगा ङा वोइश्शो फुल्लु राप्पाइश्शा तेल लुक्ता बाक्त। उत्पत्ती ३५:१४-१५
मिनु बेयरोथ सहर ङा मुर गित्ताइम सहर प्रोक्शा लशो बाक्मा बाक्त। मिनु मेना रे मेकेर अर्को रागी ङा मुर दुम्शा बाक्मा बाक्त। नेहेम्याह ११:१३
मिनु एलीयाम १२ ओटा फुल्लु चाक्मी बाक्त। मेको याकूब आ १२ जना तौ आन थर का का पा १२ ओटा फुल्लु गुबा बाक्त। ङोंइती परमप्रभु यावेमी याकूब कली “इ नें इस्राएल दुम्ब” देंशो बाक्माक्त। प्रस्थान २४:४; उत्पत्ती ३२:२९
मेको कोक्के चहिं थम लाइश्शो बाक्तीके नेल्ल क्येङा चोव़खो कोठा रे ठेयब बाक्तीकेम तांइसीशो बाक्माक्त। तन्न मेको लाङगा रे मतांइसीबाक्माक्त। मेको मुल सम्म यो बाक्नीम।
मिनु परमप्रभु यावेमी मोसा कली “गे डांडा ङोइश्शा, आं नेक्था जाक्शा रिम्शा बाक्को। गो आं अरेशो लोव़ नु आं शेंशो लोव़ इस्राएली आन कली शेंचा कली फुल्लु निक्शीम मुशा ब्रेक्ताक्ङ। गो मेको फुल्लु इ कली गेनन्न” देंत। प्रस्थान ३१:१८; २कोरिन्थी ३:६
मेको हीरा १२ ओटा दुम्चा माल्नीम। मिनु इस्राएल आ तौ आन नें का का पा मेको आन तार छाप थोक्शो खोदेंशो पा मुशा ब्रेक्पाइक्चा माल्नेवे। हीरा का आ तारी थर का आ नें दुम्चा माल्ब।
मेको रू कली मुल सम्म “हुश रू” देंसीब।
मिनु सिपाहीपुकीमी क्येट ताक्शा लशा, मेको मोदेंशो लोव़ तेइ तेइ फ्रामे बाक्त। मुल सम्म यहूदी आन दातेमी एको लोव़ लीशो बाक्ब।
मिनु परमप्रभुमी मोसा कली मोआब रागी बेथ-पेओर आ ङोंइती दिंम कामी थिम्तु। तन्न मुल सम्म मोसा आ तुरस सुइमी मतुइक्नीम।
मिनु यहोसुमी मेको ब्रेक्स नेल्ल परमप्रभु आ अरेशो लोव़ ब्रेक्तीक किताबमी ब्रेक्ताक्व। मिनु मेकोमी ठेयब फुल्लु का लाइश्शा, परमप्रभु यावे आ बाक्तीक आ नेक्था ङा ठेयब रवा आ पुंम ख्रुक्तु। उत्पत्ती ३५:४; न्यायाधीस ९:६
मिनु सन्दोस कुरब चढ़ेबपुकी यर्दन आ दातेमी परमप्रभु यावेमी यहोसु कली देंशो लोव़ नेल्ल मपामे सम्म राप्शा बाक्तेक्म। ङोंइती मोसामी अरेशो खोदेंशो पा यहोसुमी मुर आन कली मअरेवा सम्म राप्शा बाक्तेक्म। मिनु मुरपुकी रीब पा शोक्साक्म।
मिनु मेको लां कोंइब मुर हित्ती आन रागी लमाक्त। मिनु मेकेर सहर का सेल्शा, मेको सहर आ नें लूज वोदा बाक्त। मेको सहर कली मुलाक्त सम्म लूज देंनीम।
मिनु दाऊदमी इस्राएलम मेको फुल्लुम मुशा ब्रेक्शो खोदेंशो पा नु निसाफ पतीक लोव़ पवा बाक्त। मेको मेना रे मुल सम्म लीशो बाक्ब।
मिनु सामुएलमी फुल्लु का लाइश्शा, मिस्पा नु येशाना आस दातेमी ख्रुक्गा बाक्त। मेको कली एबेन-एजेर नें वोइश्शा “परमप्रभु यावेम आंइ कली एक सम्म वारच पाप्तु” देंमाक्त।