यहोसु 4:18 - Sunuwar Bible

¹⁸ परमप्रभु यावे आ कबल पशो सन्‍दोस कुरब चढ़ेबपुकी यर्दन आ दाते रे गाक्‍शा, खोला आ सुर ङा सोव़शो खपीम थेक्‍‍त्‍मे नोले यर्दन ङा ब्‍वाक्‍कु लेंशा ङोंइती ङा खोदेंशो पा एर ओंथ सुम्‍शा शांइसाक्‍व।

यहोसु 4:18 ပူးပေါင်းရင်းမြစ်များ

१ इतिहास 12:15

मेको नेल्‍ले ङोंइती ङा महिनाम यर्दन खोला शोक्‍सामा बाक्‍त। मेना खोला बारशा लशो बाक्‍माक्‍त। मिनु यर्दन खोला शोक्‍शा, मेको आ पूर्ब नु पच्‍छिम ङा बेंसीम बाक्‍ब मुर नेल्‍ल आन कली खेदा पा खेरशो बाक्‍मा बाक्‍त।

यसैया 8:8

मिनु मेको बारशा, यहूदा आ शुर सम्‍म जाक्‍दीत्‍नीम। आ लडाइ पाइबपुकीमी हाम्‍शो फ्रांम खोदेंशो पा इन रागी नेल्‍ल सुम्‍नीम। तन्‍न इम्‍मानुएल, परमप्रभु यावे गे नु बाक्‍ब” देंत।इम्‍मानुएल आ अर्थ “परमप्रभु यावे गे नु बाक्‍ब” देंशो बाक्‍ब। यसैया ७:१४

यहोसु 3:13

गेना परमप्रभु यावे, रागी नेल्‍ल आन कली सासन पाइब परमप्रभु आ कबल पशो सन्‍दोस कुरब चढ़ेब आन खोइली यर्दन ङा ब्‍वाक्‍कुमी ख्रुम्‍नीमी, मेना इर रे यिशो यर्दन ङा ब्‍वाक्‍कु नांइसीब। मिनु गारो खोदेंशो पा राप्‍शा बाक्‍ब” देंत। भजन संग्रह ९७:५; मीका ४:१३; जकरिया ४:१४

यहोसु 3:15

मिनु बाली नाली रुप्‍ची ना, खोला गेना हना यो शुश बारशो बाक्‍ब। मिनु चढ़ेबपुकीमी आन खोइली यर्दन खोला आ सुर ङा ब्‍वाक्‍कुम ख्रुम्‍मेनु,

यहोसु 4:11

मिनु मुरपुकी शोक्‍ने थुम्‍मे नोले, परमप्रभु यावे आ कबल पशो सन्‍दोस कुरब आन ङोंइती चढ़ेबपुकी यो शोक्‍साक्‍म।

यहोसु 4:17

मोपतीके यहोसुमी मेको आन कली “यर्दन रे इर कुन” दे ब्रेत्‍ताक्‍व।

यहोसु 4:19

मिनु इस्राएलीपुकी ङोंइती ङा महिना ङा १० नाक्‍तीमी यर्दन रे ग्रूतेक्‍म। मिनु यरीको आ पूर्ब गे गिल्‍गाल माइक्‍तीकेमी बास बाक्‍तीक सेल्‍साक्‍म। यहोसु ५:९-१०