यहोसु 4:13 - Sunuwar Bible

¹³ मिनु परमप्रभु यावे आ ङोंइती हेररा ४० हजार लडाइ पाइब, या कुरशो वोंइश मुरपुकी शोक्‍शा, लडाइ पचा कली यरीको ङा दिंम गे लाम्‍तेक्‍म।

यहोसु 4:13 ပူးပေါင်းရင်းမြစ်များ

२ राजा 25:5

तन्‍न कल्‍दी ङा लडाइ पाइबपुकीम पिप कली खेदा पामे बाक्‍त। मिनु मेको कली यरीको ङा दिंममी थि‍त्‍मे बाक्‍त। आ लडाइ पाइब नेल्‍ल मेको कली प्रोंइशा एर ओंथ ब्रमा बाक्‍त।

प्रस्‍थान 13:18

मोपा परमप्रभुमी इस्राएली आन कली गोरशो रागी रे लल समुन्‍द्र गे ङा लां कोंइताक्‍व। मिनु इस्राएली इजीप्‍त रागी रे गाक्‍मानु, लडाइ पचा कली यो ठीक दुम्‍शो बाक्‍तेक्‍म।

येरमीया 39:5

तन्‍न कल्‍दी आन लडाइ पाइबपुकीम मेको आन कली खेदा पाम्‍तेक्‍म। मिनु सिदकीयाह कली यरीको ङा दिंमम थित्‍तेक्‍म। मिनु मेकोपुकीमी मेको कली ग्‍याइश्‍शा, हमाथ रागी ङा रिब्‍ला देंशो सहरमी बेबीलोन ङा पिप नेबुकदरेसर आ बाक्‍तीके चाक्‍दीत्‍तेक्‍म। मिनु मेकोमी सिदकीयाह कली सजाइ गेतीक देंत।

येरमीया 52:8

तन्‍न कल्‍दी ङा लडाइ पाइबपुकीम पिप सिदकीयाह कली खेदा पाम्‍तेक्‍म। मिनु मेको कली यरीको ङा दिंमम थित्‍तेक्‍म। मेको आ लडाइ पाइब नेल्‍ल ब्रशा एर ओंथ दुम्‍तेक्‍म।

गन्‍ती 32:17

तन्‍न गोपुकी चहिं इस्राएली आन कली मेको आन बाक्‍तीकेमी मचाक्‍दीश्‍शो सम्‍म मेको आन ङोंइङोंइती लडाइ पा लाइनीकी। मेना आंइ मीशपुकी नु आंइ आलपुकी चहिं एको रागी ङा मुर आन रे मारेइ पाइक्‍चा मपुंइसीथु, मेको सहर ङा गारो आगाम बाक्‍नीम।

एफिसी 6:11

मिनु परमप्रभु यावे आ गेशो या नेल्‍ल लतीन। सैतानमी आ मरिम्‍शो थुंमी इन कली खतम सेल्‍चा माल्‍तु हना, गेपुकी परमप्रभु यावे आ गेशो यामी ग्रानीनी।

ब्‍यवस्‍था 3:18

मेना गो इन कली ‘परमप्रभु यावे, इन परमप्रभुमी एको रागी इन के दुम्‍चा कली गेशो बाक्‍ब। मो हना यो इन दाते ङा लडाइ पाइब वोंइश मुरपुकी इन या पिम्‍सीशा, इन लोक्‍ब इस्राएली आन ङोंइती यर्दन खोला शोक्‍चा माल्‍नीनी।

यहोसु 4:12

मोसामी मेको आन कली देंशो खोदेंशो पा, रूबेन आ थर, गाद आ थर नु मनस्‍से आ उइक्‍थ थर ङा वोंइश मुर या कुरशा, इस्राएली आन ङोंइती गाक्‍तेक्‍म। यहोसु १:१२-१६

यहोसु 4:14

मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७

यहोसु 5:10

इस्राएलीपुकी गिल्‍गाल सहरम बाक्‍शो बाक्‍तेक्‍म। मिनु मेकोपुकीमी महिना ङा १४ नाक्‍ती पास्‍सा चाड मानेम्‍तेक्‍म। मेको यरीको ङा दिंमम बाक्‍शो बाक्‍तेक्‍म। प्रस्‍थान १२:६,३९; लेवी २३:१०,१४; २राजा २३:२१:२२; होसे ९:१५

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५