यहोसु 4:11 - Sunuwar Bible

¹¹ मिनु मुरपुकी शोक्‍ने थुम्‍मे नोले, परमप्रभु यावे आ कबल पशो सन्‍दोस कुरब आन ङोंइती चढ़ेबपुकी यो शोक्‍साक्‍म।

यहोसु 4:11 ပူးပေါင်းရင်းမြစ်များ

यसैया 52:12

मारदे हना गे रीब पा लचा ममाल्‍नीनी। प्रोक्‍शा लचा यो ममाल्‍नीनी। मारदे हना परमप्रभु यावे इन ङोंइती गाक्‍ब। मिनु मेको इस्राएली आन परमप्रभुमी इन कली लां कोंइशा खुल्‍ब। प्रस्‍थान १२:११; ब्‍यवस्‍था १६:३; प्रस्‍थान १३:२१

यहोसु 24:11

मिनु नोले गेपुकी यर्दन शोक्‍सीशा यरीकोमी जाक्‍तीनी। मिनु यरीको ङा मुरपुकी एमोरी, परिज्‍जी, कनानी, हित्ती, गिरगाशी, हिव्‍वी नु यबुसीपुकीमी गेपुकी नु लडाइ पाम्‍तेक्‍म। तन्‍न गो मेको आन कली इन गुइमी गेता। यहोसु ३:१०; यहोसु ६:१-२१

यहोसु 3:17

मिनु मुरपुकी गाक्‍शा, सोव़शो खपीम यर्दन शोक्‍सीचा गोम्‍तेक्‍म। मिनु परमप्रभु यावे आ कबल पशो सन्‍दोस कुरब चढ़ेबपुकी यर्दन आ दातेमी सोव़शो खपीम राप्‍शा, रिम्‍शा बाक्‍तेक्‍म। मिनु इस्राएली नेल्‍ल सोव़शो खपीम गाक्‍शा, यर्दन आइक्‍ची हांबु जाक्‍दीत्‍तेक्‍म।

यहोसु 3:8

गे कबल पशो सन्‍दोस कुरब चढ़ेब आन कली ‘गेपुकी यर्दन खोला आ सुर ङा ब्‍वाक्‍कुम जाक्‍दीश्‍शा, मेक उइ राप्‍शा, बाक्‍चा माल्‍नीनी’ दे अरेचा माल्‍नेवे” देंत।

यहोसु 4:10

मिनु सन्‍दोस कुरब चढ़ेबपुकी यर्दन आ दातेमी परमप्रभु यावेमी यहोसु कली देंशो लोव़ नेल्‍ल मपामे सम्‍म राप्‍शा बाक्‍तेक्‍म। ङोंइती मोसामी अरेशो खोदेंशो पा यहोसुमी मुर आन कली मअरेवा सम्‍म राप्‍शा बाक्‍तेक्‍म। मिनु मुरपुकी रीब पा शोक्‍साक्‍म।

यहोसु 4:12

मोसामी मेको आन कली देंशो खोदेंशो पा, रूबेन आ थर, गाद आ थर नु मनस्‍से आ उइक्‍थ थर ङा वोंइश मुर या कुरशा, इस्राएली आन ङोंइती गाक्‍तेक्‍म। यहोसु १:१२-१६

यहोसु 4:18

परमप्रभु यावे आ कबल पशो सन्‍दोस कुरब चढ़ेबपुकी यर्दन आ दाते रे गाक्‍शा, खोला आ सुर ङा सोव़शो खपीम थेक्‍‍त्‍मे नोले यर्दन ङा ब्‍वाक्‍कु लेंशा ङोंइती ङा खोदेंशो पा एर ओंथ सुम्‍शा शांइसाक्‍व।