यहोसु 3:7 - Sunuwar Bible

⁷ मिनु परमप्रभु यावेमी यहोसु कली “मुलाक्‍त रे गो इ कली इस्राएली नेल्‍ल आन ङोंइती ठेयब सेल्‍नन। दोपा गो मोसा नु बाक्‍ङा, मोपा गे नु यो बाक्‍नुङ, दे नेल्‍ल आन कली तुइक्‍पाइक्‍नुङ। यहोसु ४:१४; यहोसु १:५,१७

यहोसु 3:7 ပူးပေါင်းရင်းမြစ်များ

१ इतिहास 29:25

मिनु परमप्रभु यावेमी सोलोमन कली इस्राएली नेल्‍ल आन ङोंइती ठेयब सेला बाक्‍त। मिनु मेको कली राज्‍य नु मान ततीके शुश गेवा बाक्‍त। इस्राएलम मेको क्‍येङा ङोंइती ङा तेकोइ पिप आन कली मोदेंशो मान ततीके मगेशो बाक्‍माक्‍त।

२ इतिहास 1:1

दाऊद आ तौ सोलोमन पिप दुम्‍शा, आ राज्‍य बोल्‍यो दुम्‍माक्‍त। मारदे हना परमप्रभु यावे, आ परमप्रभु मेको नु बाक्‍शा, मेको कली थाम्‍पा ठेयब मान ताइब सेला बाक्‍त। १राजा २:१२,४६

अय्‍युब 7:17

मुर मार नमी ङा? गे मेको आन पर्बम शुश मिम्‍नीनी? मारदे गे मेको आन कली शुश दाक्‍नीनी। भजन संग्रह ८:४; भजन संग्रह १४४:३

भजन संग्रह 18:35

गे ब्रोंइतीके ङा इन तेक्‍तीक आं कली गेतीनी। इन ग्‍युरा गुइमी आं कली वारच पाइश्‍शा, ठेयब सेल्‍तीनी।

यूहन्‍ना 17:1

मिनु येसुमी मेको लोव़ पने थुम्‍शा, सरीङ गे कोव़शा “आं आफ, आं लची जाक्‍त, इन सक्ति गेयीनी। मिनु गो इन सक्ति कोंइनुङ।

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

यहोसु 1:17

दोपा मोसा आ लोव़ नेल्‍ल टिशो नया, मोपान इन लोव़ यो टीनीकी। दोपा परमप्रभु यावे, इन परमप्रभु मोसा नु बाक्‍मे, मोपान गे नु यो बाक्‍ल।

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

यहोसु 3:6

यहोसुमी चढ़ेब आन कली “परमप्रभु आ कबल पशो सन्‍दोस कुरशा, मुर आन ङोंइती गाक्‍कीन” देंत। मिनु मेकोपुकी सन्‍दोस कुरशा, मुर आन ङोंइती गाक्‍तेक्‍म। यहोसु ६:६

यहोसु 3:8

गे कबल पशो सन्‍दोस कुरब चढ़ेब आन कली ‘गेपुकी यर्दन खोला आ सुर ङा ब्‍वाक्‍कुम जाक्‍दीश्‍शा, मेक उइ राप्‍शा, बाक्‍चा माल्‍नीनी’ दे अरेचा माल्‍नेवे” देंत।

यहोसु 4:14

मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७