यहोसु 3:13 - Sunuwar Bible

¹³ गेना परमप्रभु यावे, रागी नेल्‍ल आन कली सासन पाइब परमप्रभु आ कबल पशो सन्‍दोस कुरब चढ़ेब आन खोइली यर्दन ङा ब्‍वाक्‍कुमी ख्रुम्‍नीमी, मेना इर रे यिशो यर्दन ङा ब्‍वाक्‍कु नांइसीब। मिनु गारो खोदेंशो पा राप्‍शा बाक्‍ब” देंत। भजन संग्रह ९७:५; मीका ४:१३; जकरिया ४:१४

यहोसु 3:13 ပူးပေါင်းရင်းမြစ်များ

१ इतिहास 29:11

परमप्रभु यावे, नेल्‍ल क्‍येङा ठेयब दुम्‍तीके, सक्ति, छेङछेङ, ग्रातीके नु मान तचा पुंइसीतीके नेल्‍ल इन के बाक्‍नीम। मारदे हना रागी नु सरीङम बाक्‍शो मारेइ मारेइ इन के नम। परमप्रभु यावे, मेको राज्‍य इन के बाक्‍ब। गे नेल्‍ल क्‍येङा ठेयब बाक्‍नीनी। प्रकाश ४:११;५:१३

भजन संग्रह 33:7

मेकोमी समुन्‍द्र ङा ब्‍वाक्‍कु कली गारो खोदेंशो पा राप्‍पाइश्‍शो बाक्‍त। मिनु मेको कली वोइक्‍तीकेमी वोइश्‍शो बाक्‍त। भजन संग्रह १०४:९

भजन संग्रह 74:15

ब्‍वाक्‍कु बुक्‍पाइक्‍ब नु खोल्‍सा सेल्‍ब गे बाक्‍नीनी। मिनु गे गेना हना यो यिस ङा यिस बाक्‍ब ठेयब खोला आन कली सोव़पाइक्‍तीनी।

भजन संग्रह 78:13

मेकोमी समुन्‍द्र कली फ्राशा, लां सेल्‍तु। मिनु मेको लां रे पा मेको आन कली आइक्‍ची हांबु शोक्‍ताक्‍मी। मेकोमी ब्‍वाक्‍कु कली गारो खोदेंशो पा एर ओंथ राप्‍पाइक्‍तु। प्रस्‍थान १४:२१-२२

प्रस्‍थान 15:8

इन नेंमी मुइश्‍शा, समुन्‍द्र ङा ब्‍वाक्‍कु कली ग्‍येत्‍थ गे पोक्‍तीनी। समुन्‍द्र गारो बुदी सोजो पा ग्‍येत्‍थ गे बोक्‍शा, आ पुं चहिं सोव़शो लां दुम्‍त। यसैया ५१:१०

यसैया 54:5

मारदे हना इ कली सेल्‍ब इ वोंइश बाक्‍‍ब। मेको आ नें मुर नेल्‍ल आन परमप्रभु यावे बाक्‍ब। इ कली श्‍येत रे प्रोंइब इस्राएली आन का ला बाक्‍शो परमप्रभु बाक्‍ब। मेको आ नें रागी नेल्‍ल ङा परमप्रभु बाक्‍ब।

हबकुक 3:15

गे ठेयब समुन्‍द्रमी आन शारा ओव़पाइश्‍शा, ठेयब ब्‍वाक्‍कु नेल्‍ल शाक्‍पाइक्‍तीनी। प्रस्‍थान १४:२६-२९

जकरिया 4:14

मिनु मेकोमी “मेको रागी नेल्‍ल ङा परमप्रभु यावे आ ङोंइती राप्‍चा कली तेल लुक्‍चा पुंइसीशो बाक्‍नीसी” देंत। जकरिया ६:५; प्रकाश ११:४

यहोसु 3:11

कोव़ङीन, रागी नेल्‍ल आन कली सासन पाइब परमप्रभु आ कबल पशो सन्‍दोस इन ङोंइङोंइती यर्दन शोक्‍चा कली लाइब।

यहोसु 4:7

गेपुकीमी मेको आन कली ‘परमप्रभु यावेमी आ कबल पशो सन्‍दोस यर्दन शोक्‍ची ना, मेको आ ङोंइती यर्दन ङा ब्‍वाक्‍कु तेक्‍‍पाइक्‍तु। मेको यर्दन शोक्‍ची ना, यर्दन ङा ब्‍वाक्‍कु नाइक्‍पाइक्‍तु। एको फुल्‍लु इस्राएली आन कली गेना हना यो मिम्‍तीक दुम्‍ल’ देंचा माल्‍नीनी” देंत।