यहोसु 24:6 - Sunuwar Bible

⁶ मिनु गो इन किकी पिपी आन कली इजीप्‍त रागी रे पा ग्रुंइ‍शा पित्‍ता। मिनु मेकोपुकी लल समुन्‍द्र सम्‍म जाक्‍तेक्‍म। इजीप्‍त ङा मुरपुकीमी इन किकी पिपी आन कली शारा नु बग्‍गीमी लल समुन्‍द्र सम्‍म खेदा पाम्‍तेक्‍म। प्रस्‍थान १२:३३,५१

यहोसु 24:6 ပူးပေါင်းရင်းမြစ်များ

नेहेम्‍याह 9:11

मेको आन ङोंइती समुन्‍द्र कली चेश्‍शा लां का सेल्‍तीनी। मेकोपुकी सोव़शो खपीम गाक्‍शा, समुन्‍द्र शोक्‍साक्‍म। मेको खेदा पाइब आन कली चहिं ब्‍वाक्‍कुम ख्रुम्‍तीनी। फुल्‍लु ब्‍वारशा, ब्‍वाक्‍कुम ताइश्‍शो खोदेंशो पा ख्रुम्‍तीनी। प्रस्‍थान १४:२१; प्रस्‍थान १५:५,१०

भजन संग्रह 78:13

मेकोमी समुन्‍द्र कली फ्राशा, लां सेल्‍तु। मिनु मेको लां रे पा मेको आन कली आइक्‍ची हांबु शोक्‍ताक्‍मी। मेकोमी ब्‍वाक्‍कु कली गारो खोदेंशो पा एर ओंथ राप्‍पाइक्‍तु। प्रस्‍थान १४:२१-२२

प्रस्‍थान 12:37

मिनु इस्राएल ङा मुरपुकी रामे‍सेस सहर रे गाक्‍शा, सुक्‍कोथ सहर जाक्‍दीत्‍तेक्‍म। मेको आन मीश नु तमी तौ नेल्‍ल महिक्‍थु, वोंइश मुर ला ६ लाख बाक्‍तेक्‍म।

प्रस्‍थान 12:51

मिनु मेको नाक्‍ती परमप्रभु यावेमी इस्राएली थर आन कली हुल हुल पा इजीप्‍त रागी रे ग्रुंइताक्‍व।

मीका 6:4

गो इन कली इजीप्‍त रे एक चाक्‍तन्‍नी। मिनु इन वाइलीम वाइल दुम्‍शो रागी रे प्रोंइतन्‍नी। इन कली लां कोंइचा कली मोसा, हारून नु मिरयाम आन कली सोइक्‍ताक्‍ङमी। प्रस्‍थान १५:२०

प्रेरित 7:36

मिनु शुश चिन्‍ड नु छक लाक्‍चा ङा गेय कोंइशा, इस्राएली आन कली इजीप्‍त रे ग्रुंइशा, लल समुन्‍द्र चाक्‍दीम्‍मी बाक्‍त। मेकेर यो शुश छक लाक्‍चा ङा गेय कोंइदीमी बाक्‍त। मिनु लल समुन्‍द्र शोक्‍शा ४० बर्स सम्‍म गोरशो रागीमी हिरशा गाक्‍मानु, शुश छक लाक्‍चा ङा गेय पाइबाक्‍माक्‍त। प्रस्‍थान ७:१०; प्रस्‍थान १४:२१

हिब्रू 11:29

मिनु थमा सुइश्‍शोमी लल समुन्‍द्रम सोव़शो लां दुम्‍माक्‍त। मिनु खोइल का यो मजित्‍थु शोक्‍समा बाक्‍त। मेको आन नोले खोइश्‍शा खेदा पाइब इजीप्‍त ङा मुरपुकी चहिं समुन्‍द्रमी ग्रुम्‍शा बेक्‍मा बाक्‍त।