यहोसु 24:32 - Sunuwar Bible

³² इस्राएलीपुकीमी योसेफ आ रुश कली इजीप्‍त रागी रे लाइश्‍शा, शेकेम सहरम थिम्‍तेक्‍म। याकूबमी मेको रू कली हमोर आ तौपुकी रे सहे का चांदी के शेकेलमी ग्‍याप्‍शो बाक्‍त। हमोर चहिं शेकेम सेल्‍ब बाक्‍त। शेकेम योसेफ आ चच युइ आन थेरशो रू दुम्‍त। शेकेल का ११.५ ग्राम खोदेंशो बाक्‍ब। उत्‍पत्ती ५०:२५; उत्‍पत्ती ३३:१९

यहोसु 24:32 ပူးပေါင်းရင်းမြစ်များ

उत्पत्ती 33:19

मिनु आ ताम्‍बु कीतीके रू हमोर आ तौ आन दाते शेकेम आ आफ रे सहे का केसीता थाप्‍शा, ग्‍यबा बाक्‍त। केसीता मेकेर ङा क्‍येट बाक्‍त। सुन के बाक्‍बा कों, चांदी के बाक्‍बा कों, गिश हेल्‍शो बाक्‍ब मतुंइसीब। यहोसु २४:३२

उत्पत्ती 48:22

गो इ कली इ लोक्‍ब आन क्‍येङा निक्‍शी अङस गेतन। आं तरवार नु लिब्रामी एमोरी आन गुइ रे रोइश्‍शो रू इ कली गेतन” दे याकूबमी योसेफ कली मदा बाक्‍त। यूहन्‍ना ४:५

उत्पत्ती 50:24

मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।

उत्पत्ती 50:25

मिनु योसेफमी आ लोक्‍ब आन कली “परमप्रभुमी इन कली थमा पा एकेर रे लेप्‍पाइक्‍ब। मेना आं रुश यो लतीने” दे कसम जपाइक्‍मी बाक्‍त। प्रस्‍थान १३:१९; यहोसु २४:३२

प्रस्‍थान 13:19

मोसामी योसेफ आ रुश यो कुरतु। मारदे हना योसेफमी इस्राएली आन कली “परमप्रभुम इन कली थमा पा एको रागी रे ग्रुंइशा लाइब। मेना आं रुश यो लाइक्‍चा माल्‍नीनी” दे कसम जपाइश्‍शो बाक्‍माक्‍त। उत्‍पत्ती ५०:२५; यहोसु २४:३२

यूहन्‍ना 4:5

सामरीया रागीमी गाक्‍शा, सीकार सहर जाक्‍दीत्‍तेक्‍म। सीकार सहर आ नेक्‍था याकूब आ रू बाक्‍‍त। मेको रू आ तौ योसेफ आ थेरशो रू बाक्‍त। उत्‍पत्ती ४८:२२; यहोसु २४:३३

प्रेरित 7:15

मिनु याकूब इजीप्‍त जाक्‍दीश्‍शा, शुश बर्स बाक्‍शा, मेकेर उइ बेक्‍माक्‍त। नोले इं किकी पिपी याकूब आ तौ यो मेकेर बेक्‍मा बाक्‍त।

प्रेरित 7:16

इजीप्‍तमी बेक्‍तेक्‍म हना यो, आन बेक्‍शो रां शेकेम सहर लाइश्‍शा थिम्‍मे बाक्‍त। अब्राहाममी शेकेम सहरम मेको थिम्‍तीके रू हमोर आ तौपुकी रे चांदी गेशा, ग्‍याप्‍शो बाक्‍माक्‍त।

हिब्रू 11:22

मिनु नोले योसेफमी यो आ बेक्‍ची जाक्‍त, दे तुइश्‍शा ङा मिन “इस्राएलीपुकी इजीप्‍त रे ग्रूशा गाक्‍नीम” दे परमप्रभु यावे आ देंशो लोव़ मिम्‍शा, आ मुर आन कली “गे लेन्‍नीनु, आं रुश यो लाइश्‍शा लने” दे माइक्‍मी बाक्‍त। मारदे हना आ यो “परमप्रभु यावे आ देंशो जाक्‍दीप्‍ब” दे थमा सुइश्‍शो बाक्‍माक्‍त।