यहोसु 24:23 - Sunuwar Bible

²³ यहोसुमी “मुल गेपुकी नु बाक्‍शो देवी देवता ताइक्‍तीन। इन थुं परमप्रभु यावे, इस्राएली आन परमप्रभु गे हिरदीन” देंत। उत्‍पत्ती ३५:२;

यहोसु 24:23 ပူးပေါင်းရင်းမြစ်များ

१ राजा 8:57

परमप्रभु यावे इं परमप्रभु इं किकी पिपी नु बाक्‍शो खोदेंशो पा गोपुकी नु यो बाक्‍ल। मेकोमी इं कली गेनायो मप्रोनल।

१ राजा 8:58

मेकोमी इं किकी पिपी आन कली शेंशो लोव़, आ फुल्‍लुम मुशा ब्रेक्‍शो लोव़ नु आ ठीक पतीक लोव़ पना पन, इन थुं नेल्‍लेमी मेको आ लांम गाक्‍कीन।

भजन संग्रह 119:36

आं थुं कली इन देंशो ला मिम्‍पतीन। शुश क्‍येट चेम्‍तीके ममिम्‍पतीन।

भजन संग्रह 141:4

आं थुं कली मरिम्‍शो मिम्‍चा मगेने। मरिम्‍शो पाइब नु गारशा, इन मदाक्‍शो गेय पचा मगेने। मिनु गो मेको आन ब्रोव़शो जचा थोव़क जचा मदाक्‍नुङ।

भजन संग्रह 81:10

गो परमप्रभु यावे, इन परमप्रभु नङ। गो इन कली इजीप्‍त रे ग्रुंइशा एक चाक्‍तन्‍नी। इन शोव़ पाक्‍कीन, मिनु गो प्रिंनन्‍नी।

प्रस्‍थान 20:23

गे गो नु देवी देवता मसेलीन। गे आंम कली सुन नु चांदी के देवी देवता मसेलीने।

हितोपदेस 2:2

गे इ नोफा दाइश्‍शा, तुइक्‍‍तीक लोव़ नेंतीवी नु रुप्‍तीके दाक्‍तीवी हना,

होसे 14:8

एफ्राइम ङा मुरपुकी, मूर्तिपुकी नु गो आं के मार गेय बाक्‍बा ङा? गो इन कली लोव़ लेत्‍नुङ। मिनु इन कली कोव़नुङ। गो तोव़शी रवा खोदेंशो पा गिग बाक्‍नुङ। इ फल फुल सित्‍चा आं सक्ति रे जाक्‍ब।

यहोसु 24:14

मिनु यहोसुमी “मोपतीके मुल परमप्रभु यावे कली मान पा हिंशा, मेको कली थमा पा मप्रोंइथु, गेय पने। इन किकी पिपीमी खोला आइक्‍ची हांबु नु इजीप्‍त रागीमी पूजा पशो देवी देवता आन कली ताइक्‍तीन। परमप्रभु यावे कली ठेयब सेलीन। यहोसु २४:२; प्रस्‍थान ३२:-