यहोसु 24:21 - Sunuwar Bible

²¹ मिनु मुरपुकीमी यहोसु कली “ममाइ, गोपुकीम परमप्रभु यावे कली ठेयब सेल्‍नीकी” देंतेक्‍म।

यहोसु 24:21 ပူးပေါင်းရင်းမြစ်များ

प्रस्‍थान 19:8

मिनु मुर नेल्‍ल का दुम्‍शा “परमप्रभु यावे आ देंशो नेल्‍ल पाइनीकी” देंतेक्‍म। मिनु मोसामी मेको मुर आन देंशो लोव़ परमप्रभु यावे कली दें‍त। प्रस्‍थान २४:३-८

प्रस्‍थान 20:19

मिनु मेकोपुकीमी मोसा कली “गे आंइ कली लोव़ पाइतीनी हना, गो नेंनीकी। तन्‍न परमप्रभुमी आंइ कली लोव़ पाप्‍तु हना, बेक्‍नीकी” देंतेक्‍म।

प्रस्‍थान 24:3

मिनु मोसा डांडा रे तोइश्‍शा, मुर आन कली परमप्रभु यावेमी देंशो नु अरेशो लोव़ नेल्‍ल नेंपाइक्‍तीमी। मिनु मुर नेल्‍लेमी मुर का खोदेंशो पा “परमप्रभु यावेमी देंशो लोव़ नेल्‍ल गो पाइनीकी” देंतेक्‍म। प्रस्‍थान १९:८

प्रस्‍थान 24:7

नोले कबल ङा लोव़ ब्रेक्‍शो किताब मुर आन कली नेंपाइक्‍चा कली पढेप्‍तु। मिनु मेकोपुकीमी “परमप्रभु यावे आ देंशो नेल्‍ल पाइनीकी। आ लोव़ टीनीकी” देंतेक्‍म।

यसैया 44:5

मिनु कामी ‘गो परमप्रभु यावे आ मुर नङ’ देंब। अर्कोमी ‘आ नें याकूब बाक्‍ब’ देंब। मिनु अर्कोमी ‘गो परमप्रभु यावे आ मुर नङ’ दे आ गुइम ब्रेक्‍शा ‘आं नें इस्राएल बाक्‍ब’ देंब” देंत।

ब्‍यवस्‍था 26:17

गेपुकीमी मुलाक्‍ती परमप्रभु यावे कली ‘गे आंइ परमप्रभु बाक्‍नीनी। गो इन लां खोइक्‍नीकी। मिनु इन फुल्‍लुम मुशा ब्रेक्‍शो लोव़, इन शेंशो नु इन निसाफ पतीके लोव़ पाइनीकी नु इन देंशो टीनीकी’ दे परमप्रभु कली लोव़ पाइतीनी।

यहोसु 24:20

गेपुकीमी परमप्रभु यावे कली प्रोंइशा, अरु देवी देवता आन कली पूजा पाइतीनी हना, इन कली ङोंइती रिम्‍शो पा, नोले मरिम्‍शो पचा गोइब। मिनु इन कली खतम पोक्‍ब” देंत।

यहोसु 24:22

मिनु यहोसुमी “गेपुकीमी परमप्रभु यावे कली ‘ठेयब सेल्‍नीक’ देंशा, गे आंमा सांकछी दुम्‍तीनी” देंत। मिनु मेकोपुकीमी “गो थमा पा सांकछी दुम्‍तक” देंतेक्‍म।