यहोसु 24:15 - Sunuwar Bible

¹⁵ तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४

यहोसु 24:15 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

उत्पत्ती 35:2

मिनु याकूब आ खिं ङा मुर नु आ बाक्‍शो मुर नेल्‍ल आन कली “इन गुइमी बाक्‍शो मूर्ति ताइक्‍तीन। इन फेक्‍शो वा प्रुइश्‍शा, चिक्‍शा, अर्को फेक्‍सीन। उत्‍पत्ती ३१:१९; ब्‍यवस्‍था २७:१५; यहोसु २४:२३

१ राजा 18:21

मिनु एलीया मुर नेल्‍ल आन ङोंइती राप्‍शा “गे गेना सम्‍म थुं निक्‍शी पा बाक्‍नीनी? परमप्रभु यावे, थमा परमप्रभु बाक्‍ब देंनीनी हना, मेको आ नोले खोतीन। बालन परमप्रभु बाक्‍ब देंनीनी हना, मेको आ नोले खोतीन” देंमाक्‍त। तन्‍न मुरपुकीम लोव़ का यो मलेत्‍थु, सिक्‍सी पा बाक्‍मा बाक्‍त। यहोसु २४:१४; मत्ती ६:२४

१ इतिहास 1:14

मेको निक्‍शी रे यबुसी, एमोरी, गिरगाशी,

भजन संग्रह 101:2

गो दोस मततीक लां शेंसीचा दाक्‍नुङ। गो मेको गेना पने चाप्‍नुङा? गो आं खिंमी रिम्‍शो थुं पाइश्‍शो मुर दुम्‍शा बाक्‍चा दाक्‍नुङ।

भजन संग्रह 119:106

गो इन निसाफ पतीक लोव़ पाइनुङ, दे कसम जशा खाप्‍ता।

प्रस्‍थान 23:2

मिनु ठेयब हुल का मरिम्‍शो पाइब बाक्‍तेक्‍म हना, मेको आन नोले मखोतीन। निसाफ पाइब आ ङोंइती ‘ठेयब हुल ङा मुर ठीक बाक्‍नीम’ मदेनीन। मोपा आं ठीक पतीके रे ङोन मलने।

प्रस्‍थान 23:24

गेपुकी मेको आन खोदेंशो मपने। मेको आन देवी देवता आन ङोंइती बाप्‍शा सेउ मपने। मेको आन कली गेय मपने। तन्‍न मेको आन मूर्ति जिक्‍शा प्रोल्‍शा ताइक्‍तीन। प्रस्‍थान २०:५; ब्‍यवस्‍था १२:३०; लेवी १८:३

प्रस्‍थान 34:15

मेको रागी ङा मुर नु काइ कबल मपने। मारदे हना मेको रागी ङा मुरुमी आन देवी देवता आन कली पूजा पा क्‍योरशा चढ़ेनीमी। मिनु इन कली ब्रेम्‍मानु, गे मेको आन देवी देवता आन कली चढ़ेशो जाइनीनी।

इजीकीएल 20:39

ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्‍नीनी हना, मुल रे गे नेल्‍लेम इन इन मूर्ति आन कली पूजा पने। तन्‍न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।

दानीएल 3:18

तन्‍न आंइ कली मप्रोंइतु हना यो, हजुर, इन कली एको लोव़ तुइक्‍पाइक्‍चा दाक्‍नीकी ‘गोपुकी इन देवी देवता आन कली सेउ मपाइनीकी। मिनु इन राप्‍पाइश्‍शो सुन के मूर्ति आ ङोंइती खुम्‍की पा मबाप्‍नीकी’ देंतेक्‍म” दे पिप कली माइक्‍तेक्‍म। प्रस्‍थान २०:३-५

लेवी 14:42

मिनु नोले मेकोपुकीमी ताइश्‍शो फुल्‍लु आ पा ङा अर्को फुल्‍लु चाक्‍शा, मेको फुल्‍लु बाक्‍तीकेम प्रोव़चा माल्‍नीम। मिनु नक खप चाक्‍शा, खिं सिल्‍चा माल्‍नीम।

मीका 4:5

मिनु “जात जात ङा मुर नेल्‍ल आन देवी देवता आन नेंम गाक्‍नीम। तन्‍न गोपुकी चहिं गेना हना यो परमप्रभु यावे, इं परमप्रभु आ नेंम गाक्‍नय” देंतेक्‍म।

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

ब्‍यवस्‍था 13:7

इन एर ओंथ बाक्‍शो जात जात ङा इन नेक्‍था रागी ङा बाक्‍ल कि ङोन रागी ङा बाक्‍ल आन देवी देवता बाक्‍तेक्‍म हना यो,

ब्‍यवस्‍था 29:18

मिनु इन दाते रे सुइ वोंइश मुर, मीश मुर, खिं ङा मुर नु थर ङा सुइ आन थुं परमप्रभु यावे, इं परमप्रभु रे नोले शोंइसी‍शा, मेको रागी रागी ङा देवी देवता आन कली पूजा पचा दाक्‍ब बाक्‍नीम कों? इन दातेमी मोदेंशो ओश्‍येर पाइश्‍शो शाक्‍श का बाक्‍बा कों? ब्‍यवस्‍था ३२:३२; होसे १०:४; आमोस ६:१२; हिब्रू १२:१५

यहोसु 24:16

मिनु मुरपुकीमी “गो गेनायो परमप्रभु यावे कली मप्रोंइनीकी। मिनु अरु देवी देवता आन कली पूजा मपाइनीकी।

न्‍यायाधीस 6:10

मिनु गो इन कली गो परमप्रभु यावे, इन परमप्रभु नङ। गेपुकी एमोरी आन रागीमी बाक्‍तीनी हना यो, मेको आन देवी देवता आन कली ठेयब मसेलीन’। तन्‍न गे आं लोव़ मनेनी” दे मेको परमप्रभु यावे आ लोव़ पाइबमी माइक्‍मी बाक्‍त।