यहोसु 24:11 - Sunuwar Bible

¹¹ मिनु नोले गेपुकी यर्दन शोक्‍सीशा यरीकोमी जाक्‍तीनी। मिनु यरीको ङा मुरपुकी एमोरी, परिज्‍जी, कनानी, हित्ती, गिरगाशी, हिव्‍वी नु यबुसीपुकीमी गेपुकी नु लडाइ पाम्‍तेक्‍म। तन्‍न गो मेको आन कली इन गुइमी गेता। यहोसु ३:१०; यहोसु ६:१-२१

यहोसु 24:11 ပူးပေါင်းရင်းမြစ်များ

उत्पत्ती 15:19

मेकेर बाक्‍बपुकी केनी, केनीज्‍जी, कादमोनी,

भजन संग्रह 105:44

मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।

भजन संग्रह 114:3

मोदेंशो दुम्‍शो तशा समुन्‍द्र प्रोक्‍त। यर्दन खोला दूली पा शाइक्‍त। प्रस्‍थान १४:२१-२२; यहोसु ३:१३,१६

भजन संग्रह 114:5

समुन्‍द्र, गे मारदे प्रोक्‍ङे? यर्दन खोला, मारदे दूली गे शांइसे? यहोसु ४:२३-२४

प्रस्‍थान 13:5

मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८

प्रस्‍थान 23:23

आं स्‍वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्‍‍जी, नानी, हिव्‍वी नु यबुसी कनानी आन रागी चोव़दीब। मिनु गो मेको नेल्‍ल आन कली क्‍याम्‍नुङ।

प्रस्‍थान 23:28

गो इन ङोंइङोंइती हिकवा सोइश्‍शो खोदेंशो पा हिंतीक सोइक्‍नुङ। मिनु हिव्‍वी, कनानी नु हित्ती इन ङोंइती रे प्रोक्‍पाइक्‍नुङ। ब्‍यवस्‍था ७:२०; यहोसु २४:१२

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

प्रस्‍थान 33:2

आं स्‍वर्ग ङा गेय पाइब इन ङोंइङोंइती सोइक्‍नुङ। मिनु गो कनानी, एमोरी, हित्ती, परि‍ज्‍जी, हिव्‍वी नु यबुसी आन कली खेरनुङमी। प्रस्‍थान २३:२०

प्रेरित 13:19

कनान रागीमी बाक्‍ब ७ रागी ङा मुर नेल्‍ल आन कली साइश्‍शा, मेको आन रागी आंइ किकी पिपी आन कली गेवा बाक्‍त। ब्‍यवस्‍था ७:१; यहोसु १४:२

प्रेरित 7:45

मिनु नोले इं किकी पिपी यहोसु मेको आन लां कोंइब दुम्‍शा, मेको ताम्‍बु कुरशा गाक्‍मा बाक्‍त। मिनु कनान रागीमी जाक्‍दीम्‍मानु, मेको ताम्‍बु आन ङोंइती कुरशा गाक्‍शो बाक्‍तेक्‍म। परमप्रभु यावेमी मेकेर बाक्‍ब मुर आन कली ग्राशा खेरशा, मेको रागी आन के सेल्‍शा, मेको ताम्‍बु मेकेन वोदमे बाक्‍त। मिनु पिप दाऊद आ पाला सम्‍म मेको ताम्‍बु मोदेंशोन लीमाक्‍त। यहोसु ३:१४; यहोसु १६:१

ब्‍यवस्‍था 7:1

मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३

यहोसु 3:10

मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।

यहोसु 4:1

मिनु मुर नेल्‍ल यर्दन आइक्‍ची हांबु शोक्‍ने थुम्‍मे नोले परमप्रभु यावेमी यहोसु कली

यहोसु 4:19

मिनु इस्राएलीपुकी ङोंइती ङा महिना ङा १० नाक्‍तीमी यर्दन रे ग्रूतेक्‍म। मिनु यरीको आ पूर्ब गे गिल्‍गाल माइक्‍तीकेमी बास बाक्‍तीक सेल्‍साक्‍म। यहोसु ५:९-१०

यहोसु 4:23

दोपा परमप्रभु यावे, इन परमप्रभुमी लल समुन्‍द्र मशोक्‍सीशो सम्‍म सोव़पदा, मोपान आंइ ङोंइती यर्दन मशोक्‍सीशो सम्‍म मेकेर ङा ब्‍वाक्‍कु यो सोव़पाइक्‍तु। यहोसु ३:९-१७; प्रस्‍थान १४:२१-२२

यहोसु 9:2

मेकोपुकी थुं का दुम्‍शा, यहोसु नु इस्राएलीपुकी नु लडाइ पचा कली बुक्‍तेक्‍म।