यहोसु 23:9 - Sunuwar Bible

⁹ परमप्रभु यावेमी इन ङोंइती रे ठेयब सक्ति पाइश्‍शो रागी ङा मुर आन कली खेरशो बाक्‍ब। मिनु मुलाक्‍त सम्‍म मेको रागी ङा मुर सुइमी यो गे इन कली ग्राने मचाप्‍शो बाक्‍तेक्‍म। लेवी २६:७-८; ब्‍यवस्‍था २८:७

यहोसु 23:9 ပူးပေါင်းရင်းမြစ်များ

१ राजा 21:26

मेको परमप्रभु यावेमी इस्राएली आन ङोंइती रे खेरशो एमोरी खोदेंशो पा मेको आन ग्रांग्रा दिशो मूर्ति आन नोले खोदा बाक्‍त।

२ इतिहास 20:7

आंइ परमप्रभु, मार, गे इन मुर इस्राएली जाक्‍‍मानु, एको रागी ङा मुर आन कली मखेरनी ङा? इन वारच अब्राहाम नु आ चच युइ आन कली मेको रागी गेना हना यो कली गेशो मननी ङा?

प्रस्‍थान 23:23

आं स्‍वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्‍‍जी, नानी, हिव्‍वी नु यबुसी कनानी आन रागी चोव़दीब। मिनु गो मेको नेल्‍ल आन कली क्‍याम्‍नुङ।

प्रस्‍थान 23:30

गे शुश दुम्‍शा, मेको रागी मब्रीनी सम्‍म, गो मेको आन कली इन ङोंइती रे का का पा ग्रुंइनुङमी। ब्‍यवस्‍था ७:२२

प्रेरित 7:45

मिनु नोले इं किकी पिपी यहोसु मेको आन लां कोंइब दुम्‍शा, मेको ताम्‍बु कुरशा गाक्‍मा बाक्‍त। मिनु कनान रागीमी जाक्‍दीम्‍मानु, मेको ताम्‍बु आन ङोंइती कुरशा गाक्‍शो बाक्‍तेक्‍म। परमप्रभु यावेमी मेकेर बाक्‍ब मुर आन कली ग्राशा खेरशा, मेको रागी आन के सेल्‍शा, मेको ताम्‍बु मेकेन वोदमे बाक्‍त। मिनु पिप दाऊद आ पाला सम्‍म मेको ताम्‍बु मोदेंशोन लीमाक्‍त। यहोसु ३:१४; यहोसु १६:१

ब्‍यवस्‍था 11:23

परमप्रभु यावेमी मेकेर ङा रागी रागी ङा मुर नेल्‍ल कली इन ङोंइती रे खेरब। मिनु गे इन क्‍येङा शुश नु सक्ति पाइश्‍शो रागी रागी ङा मुर आन रागी इन के सेल्‍नीनी। ब्‍यवस्‍था ७:१-२

ब्‍यवस्‍था 7:24

मिनु मेकोमी मेको आन पिप यो इन कली जिम्‍मा गेब। मिनु गे मेको आन नें रागी रे क्‍याम्‍नीनी। इन ङोंइती सुइ मबाक्‍नीम।

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

यहोसु 15:14

मिनु कालेबमी हेब्रोन रे अनाक आ चच युइ सां शेशै, अहीमान नु तल्‍मै आन कली खेरतीमी।

यहोसु 23:5

परमप्रभु यावे, इन परमप्रभुमी मेको लीशो मुर आन कली इन ङोंइती रे ग्रुंइब। मिनु मेकोमी मेको आन कली इन ङोंइती रे खेरब। मिनु परमप्रभु यावे, इन परमप्रभुमी देंशो खोदेंशो पा, मेको आन रागी इन के सेल्‍नीनी।

यहोसु 23:8

तन्‍न गेपुकी मुलाक्‍त ङा नाक्‍त सम्‍म पशो खोदेंशो पा परमप्रभु यावे, इन परमप्रभु नु ला बाक्‍कीन।

यहोसु 24:18

मिनु परमप्रभु यावेमी आंइ ङोंइती रे एको रागीम बाक्‍ब एमोरी आन कली खेरतु। मोपतीके गोपुकीमी यो परमप्रभु यावे कली ठेयब सेल्‍नीक। मारदे हना मेको आंइ परमप्रभु बाक्‍ब” देंतेक्‍म।