यहोसु 23:8 - Sunuwar Bible

⁸ तन्‍न गेपुकी मुलाक्‍त ङा नाक्‍त सम्‍म पशो खोदेंशो पा परमप्रभु यावे, इन परमप्रभु नु ला बाक्‍कीन।

यहोसु 23:8 ပူးပေါင်းရင်းမြစ်များ

२ राजा 18:6

मेकोमी परमप्रभु यावे आ नोले खोइक्‍चा गेनायो मप्रोना बाक्‍त। मिनु परमप्रभु यावेमी मोसा कली शेंशो लोव़ नेल्‍ल टिवा बाक्‍त।

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

ब्‍यवस्‍था 10:20

गेपुकीमी परमप्रभु यावे, इन परमप्रभु कली मान पा हिंचा माल्‍नीनी। मेको आ गेय पचा माल्‍नीनी। मेको आ नोले खोइश्‍शा, आ नेंमी कसम जचा माल्‍नीनी।

ब्‍यवस्‍था 11:22

गेपुकीमी गो इन कली दें‍शो अरेशो लोव़ नेल्‍ल होस पा पाइतीनी नु परमप्रभु यावे, इन परमप्रभु कली दाक्‍ताक्‍नी हना, मेको आ लां नेल्‍ल गाक्‍शा, मेको कली मप्रोंइतीनी हना,

ब्‍यवस्‍था 13:4

गेपुकी परमप्रभु यावे, इन परमप्रभु कली ला खोतीन। मिनु मेको कली ला मान पा हिनीन। मिनु मेको आ शेंशो पचा माल्‍नीनी। मेको आ देंशो टिशा, मेको कली गेय पशा, मप्रोंइथु बाक्‍कीन। ब्‍यवस्‍था ८:२

ब्‍यवस्‍था 13:5

मिनु गेपुकीमी परमप्रभु यावे आ लोव़ पाइब मेको ङोमु ङा लोव़ शेंब कली साइक्‍चा माल्‍नीनी। मारदे हना मेकोमी परमप्रभु यावे, इन परमप्रभु कली प्रोंइपाइक्‍चा, दे इन कली दूली शेंताक्‍व। मिनु इन कली वाइलीम वाइल दुम्‍तीके रे इजीप्‍त रे ग्रुंइशा एक चाक्‍ब परमप्रभु यावे, इन परमप्रभु बाक्‍ब। मोदेंशो मुरपुकीमी इन कली परमप्रभु यावे आ कोंइ‍शो लां रे हेंथे गाक्‍पाइक्‍चा दाक्‍नीम।

ब्‍यवस्‍था 4:4

गे परमप्रभु यावे, इन परमप्रभु कली आ नोले खोइक्‍बपुकी चहिं नेल्‍ल ब्रोंइशो बाक्‍नीनी।

ब्‍यवस्‍था 8:20

मिनु परमप्रभु यावेमी इन ङोंइती रागी रागी ङा मुर आन कली खतम सेल्‍शो खोदेंशो पा, गेपुकीमी आ लोव़ मनेंथु, मटीतीनी हना, परमप्रभु यावे, इन परमप्रभुमी इन कली यो खतम सेल्‍ब” देंत।

यहोसु 22:5

मुल गे परमप्रभु यावे आ गेय पाइब मोसामी अरेशो लोव़ होस पा पने। परमप्रभु यावे, इन परमप्रभु कली दाक्‍तीन। मेको आ लां गाक्‍कीन। आ अरेशो लोव़ टिने। मेको कली मप्रोनीन। गे इन थुं नेल्‍लेमी परमप्रभु यावे आ गेय पने” देंत। ब्‍यवस्‍था १०:१२

यहोसु 23:7

गे इन दातेमी बाक्‍शो अर्को रागी ङा मुरपुकी नु मब्‍वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्‍शा सेउ मपने। प्रस्‍थान २३:१३-२४

यहोसु 23:9

परमप्रभु यावेमी इन ङोंइती रे ठेयब सक्ति पाइश्‍शो रागी ङा मुर आन कली खेरशो बाक्‍ब। मिनु मुलाक्‍त सम्‍म मेको रागी ङा मुर सुइमी यो गे इन कली ग्राने मचाप्‍शो बाक्‍तेक्‍म। लेवी २६:७-८; ब्‍यवस्‍था २८:७