यहोसु 23:7 - Sunuwar Bible

⁷ गे इन दातेमी बाक्‍शो अर्को रागी ङा मुरपुकी नु मब्‍वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्‍शा सेउ मपने। प्रस्‍थान २३:१३-२४

यहोसु 23:7 ပူးပေါင်းရင်းမြစ်များ

२ राजा 17:12

मेकोपुकीमी मूर्ति पूजा पामे बाक्‍त। ङोंइती परमप्रभु यावेमी “मोदेंशो पचा मदुम्‍ब” देंशो बाक्‍माक्‍त।

२ राजा 5:18

तन्‍न एको गेय काम ला परमप्रभु यावेम इन गेय पाइब कली माफ गेवल। मेको आं होव़प रिम्‍मोन कली पूजा पथ लमेनु, आं गुइमी ग्‍याइक्‍पाइश्‍शा आगा ओव़ब। मिनु मेकोमी मेकेर पूजा पवानु, गो यो बाप्‍चा माल्‍नुङ। मोपतीके मेको आ पर्बम परमप्रभु यावेमी आ गेय पाइब, आं कली माफ गेयील” देंमाक्‍त।

२ इतिहास 7:19

तन्‍न गे नोले शोंइसीशा, गो इ ङोंइती वोइश्‍शो आं फुल्‍लुम मुशा ब्रेक्‍शो लोव़ नु आं शेंतीके मटिप्‍तीवी हना, नु लशा अर्को देवी देवता आन कली सेउ पा पूजा पाप्‍तीवी हना,

भजन संग्रह 16:4

मिनु देवी देवता आन नोले खोइक्‍ब आन श्‍येत बारना बारन लाइब। मेको आन तूतीक चढ़ेतीक ङा हुश गेनायो मचढ़ेनुङ। मेको आन नें यो मथीनुङ।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

प्रस्‍थान 23:13

आं अरेशो नेल्‍ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२

प्रस्‍थान 23:33

मेकोपुकीम इन कली पाप पपाइक्‍नीम। मोपतीके मेको आन कली इन रागीमी बाक्‍चा मगेने। गे मेको आन देवी देवता आन कली गेय पाइतीनी हना, आन ग्‍याइलीम रेत्‍चा पुंइसीनीनी” दे परमप्रभु यावेमी इस्राएली आन कली अरेवा बाक्‍त।

हितोपदेस 4:14

परमप्रभु यावे आ अरेशो मटीब नु मगाक्‍को। मरिम्‍शो पाइब आन लां मगाक्‍को भजन संग्रह १:१

येरमीया 12:16

मिनु मेकोपुकीमी मोपा बाल आ नेंम कसम जाम्‍तेक्‍म, मोपा आं मुर आन लां थमा पा शेंताक्‍म हना, मेकोपुकीम परमप्रभु यावे ब्रोंइशा बाक्‍शो खोदेंशो पा, आं नेंम कसम जाइनीम। आं मुर आन पतीके रिम्‍शो पा शेंसाक्‍म हना, मेकोपुकी आं मुर आन दातेमी बाक्‍चा ताइनीम। ब्‍यवस्‍था ६:१८; येरमीया ४:२

येरमीया 5:7

मिनु परमप्रभु यावेम “गो इन कली दोपा माफ गेने चाप्‍नुङा ङा? इन आलपुकीम आं कली प्रोंइतेक्‍म। मिनु परमप्रभु आ नेंम ममाइ, अर्को देवी देवता आन नेंमी कसम जाम्‍तेक्‍म। गो मेको आन माल्‍शो नेल्‍ल खाप्‍ता हना यो, मेकोपुकीम तेल्‍लेम पाम्‍तेक्‍म। मिनु तेल्‍ले‍म आन खिंम क्राक्‍थ्री चोक्‍थ्री दुम्‍तेक्‍म।

होसे 2:17

गो बाल देवता आन नें यो मेको आ शोव़ रे ग्रुंइ‍नुङ। मिनु लेंशा मेकोमी मेको आन नें गेनायो मथोइब।

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

गन्‍ती 32:38

नेबो, बाल-मेओन नु सिब्‍मा लेंशा सेल्‍तेक्‍म। मिनु मेकोपुकीमी आन लेंशा सेल्‍शो सहर कली नक नें वोइक्‍तेक्‍म।

गन्‍ती 33:55

तन्‍न गे मेको रागीम बाक्‍ब मुर आन कली इन ङोंइती रे मखेरतीनी हना, मेको लीशो मुर इन मिक्‍चीम कसीङगर नु इन कोव़खाम थोक्‍शो चू खोदेंशो दुम्‍नीम। मिनु गे ते बाक्‍तीनी हना यो, मेकोपुकीमी इन कली श्‍येत गेनीम। प्रस्‍थान २३:३१-३३; यहोसु २३:१२-१३

१ कोरिन्‍थी 15:33

सुइमी जोल थमा मसुतीन। मारदे हना मरिम्‍शो मुर नु बाक्‍बम, मुर कली मरिम्‍शो सेल्‍ब।

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

ब्‍यवस्‍था 10:20

गेपुकीमी परमप्रभु यावे, इन परमप्रभु कली मान पा हिंचा माल्‍नीनी। मेको आ गेय पचा माल्‍नीनी। मेको आ नोले खोइश्‍शा, आ नेंमी कसम जचा माल्‍नीनी।

ब्‍यवस्‍था 6:13

गेपुकी परमप्रभु यावे, इन परमप्रभु कली मान पा हिनीन। मेको कली गेय पने। मिनु मेको आ नेंम ला कसम जने। ब्‍यवस्‍था १०:२०; मत्ती ४:१०

ब्‍यवस्‍था 6:14

गे इन एर ओंथ ङा रागीम बाक्‍शो जात जात ङा मुर आन देवी देवता आन नोले मखोतीन।

यहोसु 23:12

तन्‍न गे नोले शोंइसाक्‍नी हना नु मेको रागी ङा इन दातेमी लीशो मुरपुकी नु गारपाइक्‍तीनी हना, गे इन तमी मेको आन तौ कली गेतीनी हना, इन तौ कली मेको आन तमी चाक्‍तीनी हना नु मेको मुरपुकी नु गारशा गेय पाइतीनी हना,

यहोसु 23:8

तन्‍न गेपुकी मुलाक्‍त ङा नाक्‍त सम्‍म पशो खोदेंशो पा परमप्रभु यावे, इन परमप्रभु नु ला बाक्‍कीन।