यहोसु 23:6 - Sunuwar Bible

⁶ गे थम बोल्‍यो दुमीन। मिनु मोसा आ ब्रेक्‍शो अरेशो लोव़ होस पा टिने। गे ग्‍युरा पेरा गे गेनायो मलने। ब्‍यवस्‍था ५:२९

यहोसु 23:6 ပူးပေါင်းရင်းမြစ်များ

१ राजा 2:3

मिनु गे परमप्रभु यावे, इ परमप्रभु आ देंशो टिवो। मेको आ लांम गाक्‍को। मिनु मोसा आ अरेशो लोव़म गेशो खोदेंशो पा परमप्रभु यावे आ फुल्‍लुम मुशा ब्रेक्‍शो लोव़, आ शेंशो, आ देंशो पतीक लोव़ नु आ गेशो अर्ती नेल्‍ल पावो। मिनु गे मार मार पाइनेवे, ते ते लाइनेवे, मेको नेल्‍ल रिम्‍शो दुम्‍ल। ब्‍यवस्‍था १७:१४-२०; यहोसु १:७

भजन संग्रह 101:3

गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। हितोपदेस २०:८,२८

भजन संग्रह 119:102

गो इन देंशो पतीक लोव़ रे ङोन मलङ। मारदे हना गे आं कली शेंताक्‍यीनी।

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

१ कोरिन्‍थी 16:13

होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

ब्‍यवस्‍था 12:32

गो इन कली दोशो अरेङा, मेको नेल्‍ल होस पा पने। गेपुकीमी मारेइ मतेम्‍दीन, मारेइ मशोलीने” देंत।

ब्‍यवस्‍था 17:20

मेकोमी आंम लोक्‍ब आन दा‍तेमी आंम कली ठेयब मसुदल। परमप्रभु यावे आ शेंशो लोव़ रे ङोन मलल। ग्‍युरा पेरा गे मलल। मिनु आं तौ चचपुकीमी इस्राएल ङा राज्‍य कली शुश नाक्‍ती सम्‍म सासन पामेक्‍ल” देंत। ब्‍यवस्‍था ५:२९

ब्‍यवस्‍था 28:14

मिनु आं देंशो लोव़ नेल्‍ल पाइतीनी हना, आइदी आइक्‍था पा अरु देवी देवता आन हेंथे लां मलाइतीनी हना, मोदेंशो आसीक राइब दुम्‍नीनी। ब्‍यवस्‍था ५:२९-३२

ब्‍यवस्‍था 5:32

मोपतीके इन परमप्रभु यावेमी इन कली शें‍शो होस पा टिने। गेपुकी ग्‍युरा पेरा गे मलथु, आ लां खोतीन। ब्‍यवस्‍था ४:२; ब्‍यवस्‍था २८:१४; यहोसु १:७; हितोपदेस ४:२७

हिब्रू 12:4

पाप नु लडाइ पा मुल सम्‍म हुश जुइक्‍थ्री मदुम्‍नी।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।