यहोसु 23:13 - Sunuwar Bible

¹³ परमप्रभु यावे, इन परमप्रभुमी मेको रागी ङा मुर आन कली इन ङोंइती रे मखेरब, दे तुइक्‍तीन। तन्‍न मेकोपुकी इन कली ग्‍याइल नु ब्‍वारद दुम्‍नीम। मेकोपुकी इन ची कली युक्‍तीक नु इन मिक्‍च कली चू दुम्‍नीम। परमप्रभु यावे, इन परमप्रभुमी इन कली गेशो रिम्‍शो रागी रे गे मबेक्‍नी सम्‍म मोदेंशो दुम्‍ब। गन्‍ती ३३:५५; ब्‍यवस्‍था ७:१६; न्‍यायाधीस २:३

यहोसु 23:13 ပူးပေါင်းရင်းမြစ်များ

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

२ राजा 17:18

मोपतीके परमप्रभु यावे इस्राएल आ पर्बम थाम्‍पा गाइक्‍ता बाक्‍त। मिनु मेको आन कली आ ङोंइती रे खेरमी बाक्‍त। यहूदा आ थर ङा मुर ला प्रोंइशा वोइक्‍चा पुंइसमा बाक्‍त।

२ राजा 17:20

मोपतीके परमप्रभु यावेम इस्राएल आ चच युइ नेल्‍ल आन कली प्रोंइमी बाक्‍त। मिनु मेको आन कली सजाइ गेशा, रोइक्‍ब आन गुइमी गेमी बाक्‍त। आ ङोंइती रे मखेरा सम्‍म मो पवा बाक्‍त।

२ राजा 25:21

मिनु बेबीलोन ङा पिपम मेको आन कली हमाथ आ रागीम रिब्‍लाम साइक्‍पाइक्‍मी बाक्‍त। मोपा यहूदा ङा मुर आन रागी रे ग्‍याइश्‍शा लाइक्‍चा पुंइसमा बाक्‍त। २राजा २३:३३

२ राजा 25:26

मोपतीके कल्‍दी आन क्‍येङा हिंशा आइक्‍च रे ठेयब मुर नु लडाइ पाइब आन ठेयब मुर नेल्‍ल प्रोक्‍शा इजीप्‍त रागी जाक्‍दीम्‍मा बाक्‍त। ब्‍यवस्‍था २८:६८

भजन संग्रह 69:22

मेको आन जचा थोव़क आन ब्‍वारद दुम्‍ल। मेको आन कली वारच पाइब आन बेक्‍तीक दुम्‍ल। रोमी ११:९-१०

प्रस्‍थान 10:7

मिनु फाराओ आ दरवार ङा गेय पाइबपुकीमी फाराओ कली “मेको मुरुम आंइ कली गेना सम्‍म श्‍येत गेबा? मेको मुर आन कली परमप्रभु यावे, आन परमप्रभु कली चढ़ेचा गेने। इजीप्‍त रागी मुल थुम्‍साक्‍व, दे मतुइक्‍नीनी?” देंमा बाक्‍त।

प्रस्‍थान 23:33

मेकोपुकीम इन कली पाप पपाइक्‍नीम। मोपतीके मेको आन कली इन रागीमी बाक्‍चा मगेने। गे मेको आन देवी देवता आन कली गेय पाइतीनी हना, आन ग्‍याइलीम रेत्‍चा पुंइसीनीनी” दे परमप्रभु यावेमी इस्राएली आन कली अरेवा बाक्‍त।

प्रस्‍थान 34:12

गो इन कली गेनुङ देंशो रागी जाक्‍दीत्‍नीनु, मेको रागी ङा मुरपुकी नु काइ कबल मपावो। होस पा बाक्‍को। कबल पाप्‍तीवी हना, मेकोपुकीमी इन कली दूली पाइब सेल्‍नीम। प्रस्‍थान २३:३२-३३

प्रस्‍थान 34:16

मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२

इजीकीएल 28:24

इस्राएल आ खिं ङा मुर नु मेको आन नेक्‍था ङा मुर आन दातेमी मुल श्‍येत गेब मुर मुल मबाक्‍नीम। मेकोपुकीम ‘गोन परमप्रभु, परमप्रभु यावे नङ’ दे तुइक्‍नीम” देंशो बाक्‍ब।

गन्‍ती 33:55

तन्‍न गे मेको रागीम बाक्‍ब मुर आन कली इन ङोंइती रे मखेरतीनी हना, मेको लीशो मुर इन मिक्‍चीम कसीङगर नु इन कोव़खाम थोक्‍शो चू खोदेंशो दुम्‍नीम। मिनु गे ते बाक्‍तीनी हना यो, मेकोपुकीमी इन कली श्‍येत गेनीम। प्रस्‍थान २३:३१-३३; यहोसु २३:१२-१३

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 29:28

मिनु परमप्रभु यावेमी चुरशा, गाइश्‍शा, आ ठेयब गाइश्‍शोम मेको आन कली आन रागी रे खेरशा, अर्को रागीम ताइक्‍ताक्‍व। मेको मोदेंशो मुलाक्‍त दुम्‍शो बाक्‍ब’ देंनीम।

ब्‍यवस्‍था 30:18

गो इन कली मुलाक्‍ती “गेपुकी थमा पा बेक्‍नीनी। मिनु यर्दन आइक्‍ची हांबु इन के सेल्‍शो रागीमी गे शुश नाक्‍ती मब्रोंइनीनी” देंनुङ। ब्‍यवस्‍था ८:१९

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

२ तिमोथी 2:26

सैतानमी मेको आन कली ग्‍याइश्‍शा, आ दाक्‍शो पपदानु, मेको रे प्रोक्‍मल।

न्‍यायाधीस 2:21

मुल यहोसुमी आ बेक्‍ची ना मखेरशो रागी रागी ङा मुर कली यो इस्राएली आन ङोंइती रे मखेरनुङ” दे परमप्रभु यावेमी देंमाक्‍त।