यहोसु 23:12 - Sunuwar Bible

¹² तन्‍न गे नोले शोंइसाक्‍नी हना नु मेको रागी ङा इन दातेमी लीशो मुरपुकी नु गारपाइक्‍तीनी हना, गे इन तमी मेको आन तौ कली गेतीनी हना, इन तौ कली मेको आन तमी चाक्‍तीनी हना नु मेको मुरपुकी नु गारशा गेय पाइतीनी हना,

यहोसु 23:12 ပူးပေါင်းရင်းမြစ်များ

उत्पत्ती 2:24

मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१

उत्पत्ती 34:3

मिनु याकूब आ तमी दीना कली शुश दाक्‍शा, रिम्‍शो लोव़ पवा बाक्‍त।

१ राजा 11:2

परमप्रभु यावेमी इस्राएली आन कली मेको रागी ङा मुर आन पर्बम “गेपुकीम मेको आन कली ग्‍युंबे पचा मदुम्‍नीनी। मारदे हना मेकोपुकीम थमा पा इन थुं आन देवी देवता आन नोले खोइक्‍पाइक्‍नीम” देंशो बाक्‍माक्‍त। तन्‍न सोलोमनम मेको आन कली दाक्‍तीमी बाक्‍त। प्रस्‍थान ३४:१६

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

भजन संग्रह 125:5

तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६

भजन संग्रह 36:3

मेको आन लोव़ मरिम्‍शो नु जोल ला बाक्‍ब। मेकोपुकीमी रुप्‍ब थुंम मिम्‍शा, रिम्‍शो पचा प्रोंइने थुम्‍शो बाक्‍नीम।

यसैया 1:4

आबी, पापम ब्रीशो रागी, मुरपुकी मरिम्‍शो पतीकेम ब्रीशो बाक्‍नीम। मेको आन आल काइ मरिम्‍शो पाइब दुम्‍तेक्‍म। मेकोपुकी शोर गाक्‍शो बाक्‍नीम। परमप्रभु यावे कली प्रोंइशो बाक्‍नीम। इस्राएली आन का ला बाक्‍शो परमप्रभु आ पर्बम ‘ममाल्‍नीकी’ देंशो बाक्‍नीम। मेकोपुकी नोले शोंइसीशो बाक्‍नीम।

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

मत्ती 12:45

मिनु आ क्‍येङा ग्रांग्रा दिचा ङा ७ ओटा वोल आन कली माल्‍थ लशा चाक्‍ब। मिनु ओव़शा बाक्‍नीम। मिनु ङोंइती क्‍येङा मेको मुर शुश मरिम्‍शो दुम्‍ब। एको मरिम्‍शो पाला कली मोदेंशो दुम्‍ब” दे माइक्‍तीमी। २पत्रुस २:२०

यूहन्‍ना 6:66

मिनु मोदेंशो शेंशो आ पर्बम शुशेमी येसु आ नोले खोइक्‍चा प्रोंइतेक्‍म।

रोमी 12:9

थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५

ब्‍यवस्‍था 6:15

मारदे हना परमप्रभु यावे, इन परमप्रभु, रुश पाइब परमप्रभु इन दातेमी बाक्‍ब। मो पाइतीनी हना, परमप्रभु यावे, इन परमप्रभु इन पर्बम शुश गाइक्‍ब। मिनु मेकोमी इन कली रागी रे क्‍याम्‍ब। प्रस्‍थान २०:५

ब्‍यवस्‍था 7:3

मेकोपुकी नु ग्‍युंबे मपचा। इन तमी मेको आन तौ कली ग्‍युंबे पा मगेन। इन तौ कली आन तमी मचाक्‍चा। प्रस्‍थान ३४:१५-१६

ब्‍यवस्‍था 7:4

मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्‍पाइक्‍नीम। मो दुम्‍मेनु, परमप्रभु यावे शुश गाइश्‍‍शा, इन कली रीब पा साइक्‍ब।

यहोसु 23:11

मोपतीके गे परमप्रभु यावे, इन परमप्रभु कली दाक्‍तीन। मिनु होस पने।

१ यूहन्‍ना 2:9

मिनु सुमी “गो परमप्रभु यावे आ छेङछेङमी बाक्‍नुङ” देंबा, तन्‍न आ लोक्‍ब आन कली मदाक्‍बा, मेको छेङछेङमी ममाइ, छिङछिङमी बाक्‍ब। १यूहन्‍ना ४:२०

न्‍यायाधीस 14:3

मिनु आ आम आफोमी “मार, आंइ मुर नु इं थर ङा मीश आल मबाक्‍बा? मिनु गे ख्रोइक्‍तीक चिनु मख्रोइश्‍‍शो, मेको पलिस्‍ती आ तमी का चाक्‍चा दाक्‍नेवे?” देंसा बाक्‍त। तन्‍न सिम्‍सोनमी “मेको मीश आल आं कली चाक्‍कीन। मारदे हना गो मेको कली दाक्‍नुङ” देंमाक्‍त। उत्‍पत्ती ३४:१४; प्रस्‍थान ३४:१६

न्‍यायाधीस 3:6

मिनु मेकोपुकीमी मेको आन तमीपुकी ग्‍युंबे पा चाक्‍गमे बाक्‍त। मिनु आंम तमीपुकी यो मेको आन तौ आन कली ग्‍युंबे पा गेमे बाक्‍त। मिनु मेकोपुकीमी मेको आन देवी देवता आन कली यो मार मार चढ़ेशा ठेयब सेल्‍मे बाक्‍त। ब्‍यवस्‍था ७:३