यहोसु 23:1 - Sunuwar Bible

¹ मिनु शुश नाक्‍त नोले परमप्रभु यावेमी इस्राएली आन कली आन जोरी सत्रु रे पा प्रोंइशा, नाइश्‍शा बाक्‍चा गेप्‍तु। मेना यहोसु खाल्‍पा दुम्‍शा, शुश बर्स दुम्‍शो बाक्‍‍त। यहोसु २१:४४

यहोसु 23:1 ပူးပေါင်းရင်းမြစ်များ

उत्पत्ती 25:8

मिनु नोले शुश बर्स ङा खाल्‍पा दुम्‍शा बेक्‍शा, आ किकी पिपी नु लमाक्‍त। उत्‍पत्ती १५:१५

१ राजा 1:1

मिनु दाऊद पिप शुश बर्स दुम्‍शा, थम खूशो दुम्‍माक्‍त। मिनु वा फेक्‍सेनु, यो महोमाक्‍त।

१ इतिहास 23:25

मिनु दाऊदमी “परमप्रभु यावे, इस्राएली आन परमप्रभुमी आ मुर आन कली थुं नाइक्‍चा गेशो बाक्‍ब। मिनु परमप्रभु यरूसलेम सहरम गेना हना यो बाक्‍ब।

१ इतिहास 27:1

मिनु इस्राएली आन खिं खिं ङा ठेयब मुरपुकी, हजार हजार लडाइ पाइब आन कप्‍तानपुकी, सहे सहे ङा लडाइ पाइब आन कप्‍तानपुकी नु मेको आन ठेयब मुरपुकी बाक्‍मा बाक्‍त। मेकोपुकीमी लडाइ पाइब आन हुल हुल आन कली बर्सम महिना महिनामी पालो पा पिप आ गेय पपाइक्‍बाक्‍मा बाक्‍त। लडाइ पाइब आन हुल का का पालो पा बर्स ङा महिना का गेय पपदमे बाक्‍त। हुल काम १४ हजार मुर बाक्‍मा बाक्‍त। पिप आ नेल्‍ल क्‍येङा ठेयब कप्‍तान सु सु बाक्‍मा बाक्‍त देंशा हना,

२ इतिहास 14:1

मिनु अबीयाह बेक्‍माक्‍त। मिनु मुरपुकीम मेको कली दाऊद आ सहरमी थिम्‍मे बाक्‍त। मिनु मेको आ पा ङा आ तौ आसा पिप दुम्‍माक्‍त। मेकोमी सासन पवानु, आ रागीमी १० बर्स सम्‍म लडाइ मदुम्‍माक्‍त।

२ इतिहास 14:5

मेकोमी यहूदा ङा नेल्‍ल सहरम बाक्‍शो डांडा ङा थान नु धूप चोतीके यो प्रेश्‍शा गेवा बाक्‍त। मेको आ सासनमी आ राज्‍य नाइक्‍चा तवा बाक्‍त। २इतिहास १५:१५

२ इतिहास 20:30

मिनु येहो-शाफात आ राज्‍यम लडाइ मदुम्‍थु, नांइसे बाक्‍त। मारदे हना आ परमप्रभुमी मेको रागी कली एर ओंथ नेल्‍ल रे नाइक्‍पदा बाक्‍त। २इतिहास १५:१५

भजन संग्रह 46:9

मेकोमी नेल्‍ल क्‍येङा ङोन रागी सम्‍म ङा लडाइ तेक्‍ब। मेकोमी लिब्रा जिक्‍शा नु तूतीक नेल्‍ल टुक्रा टुक्रा सेल्‍ब। तेक्‍तीके नेल्‍ल मीम हुम्‍ब। भजन संग्रह ७६:४

यसैया 63:14

बी ब्‍यफ बेंसी ब्रुप्‍शो खोदेंशो पा परमप्रभु यावे आ सोक्‍तीम मेको आन कली नाइक्‍पाइक्‍तु। इन नें ठेयब सेल्‍चा कली इन मुर आन कली मोदेंशो पा खुल्‍तीनी।

ब्‍यवस्‍था 31:2

मिनु मेकोमी “मुलाक्‍ती गो सहे का २१ बर्स गाप्‍ती। गो मुल रे इन कली लां कोंइने मचाप्‍नुङ। मिनु परमप्रभु यावेमी आं कली ‘गे मेको यर्दन मशोक्‍नेवे’ दे माइक्‍ती। प्रस्‍थान ७:७; गन्‍ती २०:१२

यहोसु 11:23

परमप्रभु यावेमी मोसा कली देंशो खोदेंशो पा यहोसुमी रागी नेल्‍ल ग्राशा, आंम के सेल्‍तु। मिनु यहोसुमी इस्राएली आन थर थर ङा मुर आन कली कोव़शा, रागी रागी योक्‍शा गेप्‍तु। मिनु नोले रागी लडाइ रे नांइसाक्‍म। यहोसु १४:१५

यहोसु 13:1

मिनु यहोसु शुश खाल्‍पा दुम्‍त। मिनु परमप्रभु यावेमी मेको कली “गे मुल शुश खाल्‍पा दुम्‍ते। रागी शुश इन के सेल्‍चा माल्‍शो लीशो बाक्‍नीम।

यहोसु 21:44

मिनु परमप्रभु यावेमी इस्राएली आन किकी पिपी आन कली कसम जशो खोदेंशो पा नेल्‍ल रे पा नाइक्‍चा गेप्‍तु। मेको आन जोरी सत्रु नेल्‍ल मेको नु ब्रुम्‍तेक्‍म। परमप्रभु यावेमी मेको आन जोरी सत्रु इस्राएली नेल्‍ल आन गुइमी गेप्‍तु। ब्‍यवस्‍था १२:९-१०

यहोसु 22:4

मुल परमप्रभु यावे, इन परमप्रभुमी आ देंशो खोदेंशो पा इन लोक्‍ब आन कली नाइक्‍चा गेशो बाक्‍त। मुल गेपुकी परमप्रभु यावे आ गेय पाइब मोसामी इन कली यर्दन आइक्‍ची हांबु गेशो इन खिं खिं लेतीन। हिब्रू ४:८

१ सामुएल 12:2

मुल एको पिप इन ठेयब मुर दुम्‍शो बाक्‍ब। मुल गो खूशो दुम्‍ती। आं चां बोइश्‍शो बाक्‍ब। आं तौ गेपुकी नु बाक्‍शो बाक्‍नीस। गो आं ठिटा रेन इन कली लां कोंइब दुम्‍शो नङ।