यहोसु 22:30 - Sunuwar Bible

³⁰ मिनु चढ़ेब फिनेहास, मेको नु बाक्‍ब इस्राएली आन ठेयब मुरपुकी नु थर थर ङा ठेयब मुरपुकीमी रूबेन आ थर, गाद आ थर नु मनस्‍से आ उइक्‍थ थर आन लोव़ नेंशा ग्‍येरसाक्‍म।

यहोसु 22:30 ပူးပေါင်းရင်းမြစ်များ

उत्पत्ती 28:8

मिनु एसावम कनान रागी ङा तमीपुकी आ आफ इसहाकम मदाक्‍शो तुइश्‍शा,

२ इतिहास 30:4

मिनु पिप नु खुम्‍सीशो मुर नेल्‍लेमी मेको चाड मानेतीक लोव़ आ पर्बम “ठीक बाक्‍ब” देंमा बाक्‍त।

एस्‍तर 1:21

मिनु मेमुकान आ लोव़ पिप नु सासन पाइबपुकीमी “रिम्‍शो बाक्‍ब” दे दाक्‍ताक्‍म। मिनु पिपमी मेमुकान आ देंशो खोदेंशो पाप्‍तु।

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

प्रेरित 11:18

पत्रुसम मो देंशो नेंशा, मेको आन पोक्‍शो लोव़ साम्‍शा “मोदेंशो बाक्‍त हना, परमप्रभु यावेमी इं कली गेशो खोदेंशो पा अर्को रागी ङा मुर आन कली यो आन थुं लेप्‍पा आन पाप क्‍याम्‍बाक्‍माक्‍त” दे परमप्रभु यावे कली ठेयब सेल्‍मे बाक्‍त।

यहोसु 22:29

मिनु गोपुकीमी थमा पा मुलाक्‍ती परमप्रभु यावे कली मटिथु, मेको आ नोले खोइक्‍चा प्रोंइशा एको चढ़ेतीक मसेल्‍क। मेको चढ़ेतीकेमी चोशा चढ़ेतीक, अन्‍न चढ़ेतीक नु अरु चढ़ेतीक चढ़ेचा कली यो मसेल्‍क। परमप्रभु यावे, आंइ परमप्रभु आ बाक्‍तीक आ ङोंइती बाक्‍शो चढ़ेतीके क्‍येङा लाक्‍शा अरु मसेल्‍नीकी” देंतेक्‍म।

यहोसु 22:31

मिनु चढ़ेब एलाजर आ तौ फिनेहासमी रूबेन, गाद नु मनस्‍से आ थर ङा मुर आन कली “परमप्रभु यावे गो आंइ दातेमी बाक्‍ब, दे मुलाक्‍ती गोपुकीमी तुइक्‍ताक्‍क। मारदे हना एको चढ़ेतीक सेल्‍चा कली परमप्रभु यावे रे पा नोले मशोंइसीनी। मुल चहिं गेपुकीमी इस्राएली आन कली परमप्रभु यावे आ गुइ रे प्रोंइतीनी” देंत।

यहोसु 22:33

मेको लोव़ नेंशा नेल्‍ल ग्‍येरसाक्‍म। मिनु परमप्रभु कली “गे रिम्‍शो पाइब बाक्‍नीनी” दे ठेयब सेल्‍तेक्‍म। मिनु मेकोपुकीमी लेंशा रूबेन नु गाद आस थर बाक्‍शो रागी कली खतम सेल्‍तीक नु लडाइ पतीक लोव़ गेनायो मपाम।

न्‍यायाधीस 8:3

परमप्रभुमी मिदयान ङा कप्‍तान ओरेब नु जेयब आस कली इन गुइमी गेशो बाक्‍ब। गेपुकीमी पशो खोदेंशो गो पङा ङा?” देंमाक्‍त। मिनु आ लोव़ नेंशा आन गाइश्‍शो नांइसे बाक्‍त।

१ सामुएल 29:6

मिनु अकीशमी दाऊद कली ब्रेश्‍शा “परमप्रभु यावे ब्रोंइशा बाक्‍शो खोदेंशो पा, गे थमा सुइक्‍चा पुंइसीब मुर बाक्‍नेवे। मिनु गे गो नु लडाइ पचा कली आं कली ठीक बाक्‍ब। मारदे हना इ जाक्शो रे मुल सम्‍म गेम मारेइ मरिम्‍शो पशो मतङ। तन्‍न मेको कप्‍तानपुकीमी इ कली थमा मसुइक्‍नीम।