यहोसु 22:29 - Sunuwar Bible

²⁹ मिनु गोपुकीमी थमा पा मुलाक्‍ती परमप्रभु यावे कली मटिथु, मेको आ नोले खोइक्‍चा प्रोंइशा एको चढ़ेतीक मसेल्‍क। मेको चढ़ेतीकेमी चोशा चढ़ेतीक, अन्‍न चढ़ेतीक नु अरु चढ़ेतीक चढ़ेचा कली यो मसेल्‍क। परमप्रभु यावे, आंइ परमप्रभु आ बाक्‍तीक आ ङोंइती बाक्‍शो चढ़ेतीके क्‍येङा लाक्‍शा अरु मसेल्‍नीकी” देंतेक्‍म।

यहोसु 22:29 ပူးပေါင်းရင်းမြစ်များ

उत्पत्ती 44:17

मिनु योसेफमी “ममाइ, मेको मपाइनुङ। तन्‍न सु मुर नु आं कचौरा बाक्‍मे, मेको ला आं वाइल दुम्‍चा माल्‍ब। गेपुकी चहिं थुं नाइश्‍शा, इन आफ आ बाक्‍तीक लने” देंमाक्‍त।

उत्पत्ती 44:7

मिनु मेकोपुकीमी “आंइ प्रभुम मारदे मोदेंशो लोव़ पाइबा? गो मो मपक।

१ राजा 21:3

तन्‍न नाबोथमी आहाब कली “परमप्रभु यावे आ ङोंइती मोदेंशो पने मचाप्‍नुङ। गो आं किकी पिपी आन गेशो रू इन कली गेने मचाप्‍नुङ” देंमाक्‍त।

२ राजा 18:22

तन्‍न गे आं कली ‘गो परमप्रभु यावे, आंइ परमप्रभु आ मुर नकी। मेकोम आंइ कली वारच पाइब’ देंतीनी हना, मार, हिज्‍कीयाहम मेको डांडा ङा थान नु चढ़ेतीक प्रेश्‍शा यहूदा नु यरूसलेम सहर ङा मुर आन कली ‘गेपुकीम यरूसलेमम बाक्‍शो चढ़ेतीकेम ला चढ़ेचा माल्‍नीनी’ मदेंम ङा? ब्‍यवस्‍था १२:१४

२ इतिहास 32:12

मार, मेको हिज्‍कीयाहमी डांडा ङा थान नु आ चढ़ेतीक बुल बाल एश्‍शा खतम मपोक्‍पदा? मिनु यहूदा नु यरूसलेम ङा मुर नेल्‍ल आन कली, चढ़ेतीक काम पूजा पा नु मेकेर ला चढ़ेचा’ मदेंम ङा?

रोमी 3:6

तन्‍न परमप्रभु यावेमी मेको आन कली सजाइ गेशो मरिम्‍शो ममाइ। परमप्रभु यावेमी निसाफ मपशो हना, मुर आन कली दोपा दोस गेशा, सजाइ पाइबा?

रोमी 6:2

मो पचा मदुम्‍ब। बेक्‍शो मुरपुकीम खांखा दोपा पाप पस ङा पस बाक्‍ने चाप्‍नीमी ङा? गो इं के पाप पतीक थुं बेक्‍त।

रोमी 9:14

मोदेंशो बाक्‍त हना, गो मार देंचा? परमप्रभु यावेमी ठीक गेय मपवा ङा? ममाइ।

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

यहोसु 22:23

गोपुकीमी परमप्रभु यावे आ नोले खोइक्‍चा प्रोंइशा, आंम कली चढ़ेतीक सेल्‍शा, मेको चढ़ेतीकेमी चोशा चढ़ेशो, अन्‍न चढ़ेशो, दुशा बाक्‍तीक चढ़ेशो चढ़ेतय हना, परमप्रभु यावेमी आंइ कली सजाइ गेवल।

यहोसु 22:26

मोपतीके गोपुकीमी ‘चढ़ेतीक का सेल्‍य। चोशा चढ़ेतीक नु अरु चढ़ेतीक चढ़ेचा कली ममाइ।

यहोसु 22:28

मिनु गोपुकीमी मेकोपुकीमी खेयप का आंइ कली कि आंइ चच युइ आन कली मोदेंशो देंतेक्‍म हना, गोपुकीमी मेको आन कली मेको आंइ किकी पिपीमी परमप्रभु यावे कली चढ़ेतीक सेल्‍शो थोव़क कोव़ङीन। चोशा चढ़ेतीक नु अरु चढ़ेतीक चढ़ेचा कली ममाइ, तन्‍न गे नु गो इं दातेमी सांकछी दुम्‍ल’ दे सेल्‍तक।

यहोसु 22:30

मिनु चढ़ेब फिनेहास, मेको नु बाक्‍ब इस्राएली आन ठेयब मुरपुकी नु थर थर ङा ठेयब मुरपुकीमी रूबेन आ थर, गाद आ थर नु मनस्‍से आ उइक्‍थ थर आन लोव़ नेंशा ग्‍येरसाक्‍म।

यहोसु 24:16

मिनु मुरपुकीमी “गो गेनायो परमप्रभु यावे कली मप्रोंइनीकी। मिनु अरु देवी देवता आन कली पूजा मपाइनीकी।

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२