यहोसु 22:27 - Sunuwar Bible

²⁷ तन्‍न मेको चढ़ेतीक गे नु गो आंइ दातेमी नु आंइ चच युइ आन दातेमी एको चढ़ेतीक सांकछी दुम्‍ल। मिनु गोपुकीमी परमप्रभु यावे कली आ बाक्‍तीकेमी ठेयब सेल्‍या। मिनु मेकेर गो आंइ चोशा चढ़ेशो नु दुशा बाक्‍तीक चढ़ेशो चाक्‍शा चढ़ेनय। मिनु इन चच युइमी गो आंइ चच युइ आन कली “गे परमप्रभु यावे आ मुर मबाक्‍नीनी” दे देंने मचाप्‍नीम, दे एको चढ़ेतीक सेल्‍तक। यहोसु २४:२७

यहोसु 22:27 ပူးပေါင်းရင်းမြစ်များ

उत्पत्ती 31:48

मिनु लाबानमी “एको फुल्‍लु खुप्‍तीके मुलाक्‍ती इस पशो कबल आ सांकछी बाक्‍ब” देंमाक्‍त। मोपतीके मेको कली गलेद देंनीम। गलेद आ अर्थ सांकछी ङा फुल्‍लु खुप्‍तीके बाक्‍ब। यहोसु २४:२७

उत्पत्ती 31:52

एको खुप्‍शो फुल्‍लु गो रे इ बाक्‍तीके, गे रे आं बाक्‍तीके श्‍येत गेथ मलमल।

भजन संग्रह 16:5

परमप्रभु यावे, गे आं भाग बाक्‍नीनी। मिनु आं कचौरा प्रिंनीनी। गे आं थेरशो रू कोव़ब बाक्‍नीनी। भजन संग्रह ७३:२६; गन्‍ती १८:२०; बिलाप ३:२४

यसैया 19:19

मेको नाक्‍ती इजीप्‍त रागी आ दातेमी परमप्रभु यावे कली चढ़ेतीके का सेल्‍नीम। मिनु मेको आ सांदमी परमप्रभु यावे कली थाम का सेल्‍‍नीम। लेवी २६:१

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

यहोसु 22:10

मिनु मेकोपुकी कनान रागी ङा यर्दन खोला आ नेक्‍था गेलीलोत सहर जाक्‍दीत्‍तेक्‍म। मिनु मेको रूबेन आ थर, गाद आ थर नु मनस्‍से आ उइक्‍थ थरमी यर्दन खोला नेक्‍था थम ठेयब चढ़ेतीक का सेल्‍तेक्‍म।

यहोसु 22:26

मोपतीके गोपुकीमी ‘चढ़ेतीक का सेल्‍य। चोशा चढ़ेतीक नु अरु चढ़ेतीक चढ़ेचा कली ममाइ।

यहोसु 22:28

मिनु गोपुकीमी मेकोपुकीमी खेयप का आंइ कली कि आंइ चच युइ आन कली मोदेंशो देंतेक्‍म हना, गोपुकीमी मेको आन कली मेको आंइ किकी पिपीमी परमप्रभु यावे कली चढ़ेतीक सेल्‍शो थोव़क कोव़ङीन। चोशा चढ़ेतीक नु अरु चढ़ेतीक चढ़ेचा कली ममाइ, तन्‍न गे नु गो इं दातेमी सांकछी दुम्‍ल’ दे सेल्‍तक।

यहोसु 22:34

मिनु रूबेन नु गाद आस थर ङा मुरुमी मेको चढ़ेतीक आ नें “सांकछी” वोइक्‍तेक्‍म। मिनु मेको आ अर्थ मार बाक्‍त देंशा हना “गे नु गो इं दातेमी परमप्रभु यावे थमा पा परमप्रभु बाक्‍ब, दे मेको चढ़ेतीक सांकछी बाक्‍ब” देंतेक्‍म।

यहोसु 24:27

मिनु यहोसुमी मुर नेल्‍ल आन कली “कोव़ङीन, एको फुल्‍लु आंइ सांकछी बाक्‍ब। परमप्रभु यावेमी आंइ कली देंशो लोव़ नेल्‍ल एको फुल्‍लुमी यो तुइश्‍शो बाक्‍ब। मोपतीके गेपुकीमी इन परमप्रभु कली प्रोंइतीनी हना, गे जोल पाइब बाक्‍नीनी, दे एको फुल्‍लु सांकछी बाक्‍ब” देंत। यहोसु २२:२७; उत्‍पत्ती ३१:४८

१ सामुएल 7:12

मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।