यहोसु 22:24 - Sunuwar Bible

²⁴ तन्‍न ममाइ, गोपुकीमी मारदे एको चढ़ेतीक सेल्‍तक देंशा हना, इन चच युइमी आंइ चच युइ आन कली ‘गे परमप्रभु यावे, इस्राएली आन परमप्रभु नु मार पाइक्‍मुनी ङा?

यहोसु 22:24 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

उत्पत्ती 30:33

मोदेंशो दुम्‍मेनु, आं ठीक पतीके तुइक्‍नीनी। तेको क्‍यारश आन दातेमी पुत्‍ले पाङग्रे मपाइश्‍शो नु पाठा आन दातेमी क्‍येर मबाक्‍मा, मेको आं खुइ पशो, दे तुइक्‍नीनी” दे मदा बाक्‍त।

प्रस्‍थान 13:14

मिनु काबु इन आलपुकीमी ‘गे मारदे ओदेंशो पाइनीनी?’ दे हिल्‍लो पाइनीम। मेना गेपुकीमी ‘परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व। वाइलीम वाइल दुम्‍शो रे यो प्रोंइतु’ दे इन आल आन कली शेंचा माल्‍नीनी। प्रस्‍थान १२:२६,२९

ब्‍यवस्‍था 6:20

मिनु नोले इन तौपुकीमी इन कली ‘परमप्रभु यावे, इं परमप्रभुमी आ देंशो लोव़, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ आन अर्थ मार में?’ दे हिल्‍लो पाम्‍तेक्‍म हना, प्रस्‍थान १३:१४

यहोसु 22:23

गोपुकीमी परमप्रभु यावे आ नोले खोइक्‍चा प्रोंइशा, आंम कली चढ़ेतीक सेल्‍शा, मेको चढ़ेतीकेमी चोशा चढ़ेशो, अन्‍न चढ़ेशो, दुशा बाक्‍तीक चढ़ेशो चढ़ेतय हना, परमप्रभु यावेमी आंइ कली सजाइ गेवल।

यहोसु 22:25

परमप्रभु यावेमी यर्दन कली गो आंइ सांद सेल्‍शा गेप्‍तु। गे रूबेन आ थर नु गाद आ थर परमप्रभु यावे के मबाक्‍नीनी। मिनु इन चच युइमी आंइ चच युइ आन कली परमप्रभु यावे कली मान पा हिंचा तेक्‍नीमी’ देंनीमी कों।

यहोसु 4:6

मिनु मेको इन कली मिम्‍तीके दुम्‍ल। दीसा नित्‍थी इन तमी तौपुकीमी ‘एको फुल्‍लु आ अर्थ मार बाक्‍म?’ दे हिल्‍लो पाम्‍तेक्‍म हना, प्रस्‍थान १२:२६;