यहोसु 22:18 - Sunuwar Bible

¹⁸ मुलाक्‍त गेपुकी परमप्रभु यावे रे नोले शोंइसीनी? गे मुलाक्‍ती परमप्रभु यावे कली टिचा प्रोंइतीनी हना, मेको आ दीसा इस्राएली नेल्‍ल आन कली तशा, गाइक्‍ब, दे मतुइक्‍तीनी?

यहोसु 22:18 ပူးပေါင်းရင်းမြစ်များ

२ सामुएल 24:1

मिनु परमप्रभु यावे इस्राएली आन पर्बम लेंशा गाइक्‍ता बाक्‍त। मिनु मेकोमी दाऊद कली मेको आन पर्बम मरिम्‍शो पपाइक्‍चा कली क्‍युक्‍गा बाक्‍त। मिनु दाऊदमी “इस्राएल नु यहूदा ङा मुर आन कली हिक्‍कीन” देंमाक्‍त।

१ राजा 9:6

तन्‍न गे नु इ आलपुकी आं नोले खोइक्‍चा प्रोंइशा, गो इन ङोंइती वोइश्‍शो आं शेंशो नु आं फुल्‍लुम मुशा ब्रेक्‍शो लोव़ मपाइतीनी हना नु देवी देवता आन कली पूजा पाइतीनी हना,

२ राजा 17:21

मेकोमी “इस्राएली आन कली दाऊद आ खिं रे तिल्‍नुङ” दे नेबात आ तौ येरोबाम कली पिप सेल्‍पदा बाक्‍त। मिनु येरोबामम इस्राएली आन कली परमप्रभु यावे कली प्रोंइपाइश्‍शा, ठेयब पाप पपाइक्‍मी बाक्‍त। १राजा १२:२०

१ इतिहास 21:1

मिनु सैतानमी इस्राएली आन कली मरिम्‍शो पचा कली दाऊद कली आ मुर इस्राएली आन कली हिक्‍पाइक्‍मी बाक्‍त।

१ इतिहास 21:14

मोपतीके परमप्रभु यावेमी इस्राएल रागीम बेक्‍चा ङा रोइ पपाइक्‍मी बाक्‍त। मिनु ७० हजार बेक्‍मा बाक्‍त।

२ इतिहास 25:27

मेको अमस्‍याह परमप्रभु यावे रे ङोन दुम नाक्‍त रे यरूसलेमम मेको कली साइक्‍चा, दे सल्‍ला पा गारशो बाक्‍मा बाक्‍त। मेको प्रोक्‍शा ब्रोंइचा कली लाकीशम लमाक्‍त। तन्‍न मेकोपुकीम लाकीशम आ नोनोले खेदा पाइब मुर सोइश्‍शा, मेको कली मेक उइ साइक्‍पदमे बाक्‍त। २इतिहास २४:२५

२ इतिहास 34:33

मिनु योसीयाहम इस्राएली आन रागी नेल्‍ल रे ग्रांग्रा दिशो मूर्ति नेल्‍ल ग्रुंइशा ताइक्‍ता बाक्‍त। मिनु इस्राएलम बाक्‍ब मुर नेल्‍ल आन कली परमप्रभु यावे, आंम परमप्रभु आ नोले ठेयब सेल्‍पदा बाक्‍त। मेको पिप ब्रोंइम सम्‍म मुरपुकीम परमप्रभु यावे, आन किकी पिपी आन परमप्रभु कली खोदमे बाक्‍त।

लेवी 10:6

मिनु मोसाम हारून नु आ तौ एलाजर नु इथामार आन कली “रोंका पा इन पिया ङा चां मप्रेक्‍कीन। इन वा मखाक्‍कीन। मो पाइतीनी हना, गेपुकी बेक्‍नीनी। मिनु परमप्रभु यावे आ गाइक्‍तीक नेल्‍ल मुर आन तारी जुक्‍ब। तन्‍न परमप्रभु यावे आ सोइश्‍शो मीम दुप्‍शा बेक्‍ब आस पर्बम इन खिं ङा मुर नु इस्राएली ङा मुर नेल्‍ल रोंका पचा दुम्‍ब। लेवी २१:१०

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

गन्‍ती 32:15

गेपुकीम मेको आ नोले खोइक्‍ने मबिस्‍साक्‍नी हना, मेकोमी एको मुर नेल्‍ल आन कली एको गोरशो रागीमीन प्रोंइब। मिनु गे मेको मुर नेल्‍ल आन कली खतम सेल्‍ब दुम्‍नीनी” दे माइक्‍तीमी।

ब्‍यवस्‍था 7:4

मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्‍पाइक्‍नीम। मो दुम्‍मेनु, परमप्रभु यावे शुश गाइश्‍‍शा, इन कली रीब पा साइक्‍ब।

यहोसु 22:15

मिनु मेकोपुकी रूबेन आ थर, गाद आ थर नु मनस्‍से आ उइक्‍थ थर बाक्‍तीक गिलाद रागी जाक्‍दीश्‍शा, मेको आन कली

यहोसु 22:16

“परमप्रभु यावे आ मुर नेल्‍लेमी ‘मारदे गेपुकीमी परमप्रभु यावे, इस्राएली आन परमप्रभु रे नोले शोंइसीनी? गे दोपा परमप्रभु यावे रे पा ङोन लशा, मेको कली मटिथु, आंम कली चढ़ेतीक सेल्‍नी? लेवी १७:८-९; ब्‍यवस्‍था १२:१३-१४

यहोसु 22:20

मिनु जेराह आ तौ आकानमी मटिथु, खुइ पवानु, परमप्रभु यावे आ गाइश्‍शोमी नेल्‍ल आन कली मार दुम्‍मे? आकान ला मबे, इस्राएली नेल्‍लेमी श्‍येत जाम्‍तेक्‍म’ ” देंतेक्‍म। यहोसु ७:६-१३

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 7:11

इस्राएलीपुकीमी पाप पाम्‍तेक्‍म। मेकोपुकीमी आं माइश्‍शो ‘पचा माल्‍ब’ दे पशो कबल प्रोंइ‍तेक्‍म। खतम सेल्‍चा माल्‍शो थोव़क खुइ पा लाइश्‍शा, आंम थोव़क नु ब्‍वाइश्‍शा, ख्रुइश्‍शा वोइक्‍तेक्‍म।

यहोसु 7:21

गो खतम सेल्‍चा माल्‍शो थोव़क रे पा शिनार रागी ङा रिम्‍शो फेक्‍तीक वा, सहे निक्‍शी शेकेल चांदी नु ५० शेकेल हेल्‍शो सुन के कोक्‍के का ताता। गो मेको साप्‍पा दाक्‍ताक्‍ङ ङा मिन लांइसाक्‍यी। मिनु मेको आं ताम्‍बु आगाम थिम्‍शा वोइक्‍ता। मेको चांदी नेल्‍ल क्‍येङा आगाम बाक्‍ब” देंत। शेकेल का ११.५ ग्राम बाक्‍ब।

१ सामुएल 12:14

गेपुकीम परमप्रभु यावे कली मान पा हिंशा ठेयब सेल्‍तीनी हना, मेको आ देंशो टीतीनी हना, इन कली सासन पाइब पिपमी यो परमप्रभु यावे, इन परमप्रभु आ नोले खोइक्‍तु हना, परमप्रभु यावे गेपुकी नु बाक्‍ब।

१ सामुएल 12:20

मिनु सामुएलम मुर आन कली “महिनीन। गेपुकी मेको मरिम्‍शो नेल्‍ल पाइतीनी हना यो, परमप्रभु यावे आ नोले खोइक्‍चा मप्रोनीन। मिनु इन थुं नेल्‍लेम परमप्रभु यावे कली ठेयब सेलीन।