यहोसु 21:4 - Sunuwar Bible

⁴ मिनु योव़ङमेनु, कोहाथ आ मुर आन खिं खिं ङा ग्रूतेक्‍म। मेकोपुकी लेवी आ थर चढ़ेब हारून आ चच युइ बाक्‍तेक्‍म। मेकोपुकीमी यहूदा आ थर, सिमियोन आ थर नु बेन्‍यामीन आ थर रे पा १३ ओटा सहर ताम्‍तेक्‍म। गन्‍ती ३:१७-३९

यहोसु 21:4 ပူးပေါင်းရင်းမြစ်များ

१ इतिहास 6:39

हेमान आ लोक्‍ब आसाफ आ ग्‍युरा गे बाक्‍शो बाक्‍माक्‍त। आसाफ बेरेक्‍याह आ तौ बाक्‍माक्‍त। बेरेक्‍याह शिमेआ आ तौ बाक्‍माक्‍त। १इतिहास १५:१७,१९

प्रस्‍थान 6:16

मिनु लेवी आ तौ आन खिं खिं ङा मुर सु सु बाक्‍मा बाक्‍त देंशा हना, गेरशोन, कोहाथ नु मेरारी बाक्‍मा बाक्‍त। मिनु लेवी सहे का ३७ बर्स ब्रोंइमाक्‍त। १इतिहास ५:२७-३०; १इतिहास ६:१-४

प्रस्‍थान 6:20

मिनु अम्राममी आ आफ आ समी चाक्‍गा बाक्‍त। मेको आ नें योकेबेद बाक्‍माक्‍त। मेकोमी हारून नु मोसा थिमाक्‍त। अम्राम सहे का ३७ बर्स ब्रोंइमाक्‍त। प्रस्‍थान २:१; लेवी १८:१२

गन्‍ती 3:27

कोहाथ रे पा अम्राम आ खिं ङा मुर, इच्‍हार आ खिं ङा मुर, हेब्रोन आ खिं ङा मुर नु उज्‍जीएल आ खिं ङा मुरपुकी दुम्‍तेक्‍म। मेको कोहाथ आ खिं खिं ङा मुर बाक्‍नीम।

यहोसु 21:3

मिनु परमप्रभु यावेमी अरेशो खोदेंशो पा इस्राएलीपुकीमी लेवी आन कली आंम आंम रागी रे पा सहर नु बी ब्‍यफ, क्‍यारश भेडा योव़तीक रूपुकी गेम्‍तेक्‍म।

यहोसु 21:5

लीशो खिं खिं ङा कोहाथ आ चच युइमी एफ्राइम आ थर, दान आ थर नु मनस्‍से आ उइक्‍थ थर रे पा १० ओटा सहर ताम्‍तेक्‍म।

यहोसु 24:33

मिनु हारून आ तौ एलाजर यो बेक्‍त। मेको कली गिबा सहरमी थिम्‍तेक्‍म। मेको एफ्राइम ङा पहाड रागीमी बाक्‍शो सहर, मेको आ तौ फिनेहास कली गेम्‍तेक्‍म। ब्‍यवस्‍था १०:६