यहोसु 2:6 - Sunuwar Bible

⁶ तन्‍न मेकोमी मेको निक्‍शी आस कली तला तारी वोइश्‍शा, पले आ डाठमी सुम्‍शा, ख्रुइश्‍शा वोइश्‍शो बाक्‍माक्‍त।

यहोसु 2:6 ပူးပေါင်းရင်းမြစ်များ

२ सामुएल 11:2

काबु नाक्‍ती नाक्‍नाक्‍दो दाऊद आ इप्‍तीक रे बोक्‍शा, खिं तार हिरसेनु, मेकोमी मीश मुर का चिक्‍शो तवा बाक्‍त। मेको थम दारशो बाक्‍माक्‍त। मत्ती ५:२८-२९

२ सामुएल 17:19

मेको खिं ङा मुर आ मीशेमी सुम्‍तीक का चाक्‍‍शा, मेको तार बिस्‍कुन हामा बाक्‍त। सुइम मारेइ मतुइक्‍तमे बाक्‍त।

१ राजा 18:13

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

२ राजा 11:2

तन्‍न पिप येहोराम आ तमी, अहाज्‍याह आ समी येहो-शेबा बाक्‍माक्‍त। मेकोमी अहाज्‍याह आ तौ योआश कली मेको साइक्‍चा पुंइसीब पिप आ आल आन दाते रे लाइश्‍शा, मेको आ खाल पाइब मीश मुर नु इप्‍तीके कोठा काम ख्रुइक्‍ता बाक्‍त। मोपा अथाल्‍याहमी मेको आल कली साइक्‍चा मतवा बाक्‍त।

प्रस्‍थान 2:2

मिनु मेको मीश मुरुमी तमी का नु तौ का थिमाक्‍त। नोले लेंशा आल कुरशा, तौ का थिमाक्‍त। आ थिशो तौ कली तशा “शुश दारशो आल बाक्‍ब” दे महिना सां सम्‍म ख्रुइश्‍‍शा वोदा बाक्‍त। प्रेरित ७:२०; हिब्रू ११:२३

येरमीया 36:26

मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

मत्ती 24:17

बारदलीम बाक्‍बमी ‘खिं ओव़शा, मारेइ लाइक्‍चा ताइनुङ’ दे ममिम्‍तमेक्‍ल, तन्‍न दिव दाव प्रेक्‍शा प्रोक्‍मल। लूका १७:३१

ब्‍यवस्‍था 22:8

गे नक खिं सेल्‍तीनी हना, खिं तार एर ओंथ नेल्‍ल थरपु हिरचा माल्‍नीनी। मारदे हना मुर का दोक्‍त हना, गे इन खिं तार दोस मतशो मुर कली साइक्‍तीक पाप राइब।

कलस्‍सी 3:3

मारदे हना गे बेक्‍तीनी। इन थुं ख्रीस्‍त नु परमप्रभु यावेमी ख्रुइश्‍शा वोइश्‍शो बाक्‍ब। रोमी ६:२

हिब्रू 11:23

मोसा जरमेसेनु, आम आफोमी थमा सुइश्‍शा “परमप्रभु यावेमी एको आल कली ब्रोंइपाइक्‍ने चाप्‍ब। मोपतीके एको इश दारशो आल कली मसाइक्‍चा” देंशा, पिप आ हुकुम मटिथु महिंथु, आस तौ मोसा कली महिना सां सम्‍म ख्रुइश्‍शा वोदसे बाक्‍त। प्रस्‍थान २:१२,१४

याकूब 2:25

अब्राहाम खोदेंशो पा राहाब माइश्‍शो तेल्‍लेम मीश मुरुमी यो थमा सुइक्‍ब दुम्‍शा, आ पशो गेयमी ठीक दुम्‍माक्‍त। दोदेंब गेय पवा बाक्‍त देंशा हना, इस्राएल ङा मुर निक्‍शी आस कली अरु लां कोंइशा, सोइक्‍ता बाक्‍त। हिब्रू ११:३१; यहोसु २:-

यहोसु 2:5

मिनु नां रिक्‍शा, सहर ङा ठेयब लाप्‍चो चोक्‍ची ना, मेको निक्‍शी ग्रूशा गाक्‍ताक्‍स। मेको ते लसा गो मतुइक्‍नुङ। रीब पा माल्‍तीनी हना, थित्‍नीनी कों” दे लोव़ लेत्‍ता बाक्‍त।

यहोसु 2:7

मिनु मेको निक्‍शी आस कली खेदा पाइबपुकी यर्दन ङा लां लशा, खोला सम्‍म जाक्‍दीम्‍मा बाक्‍त। मेको खेदा पाइबपुकी सहर रे ग्रूमा नोले ठेयब लाप्‍चो चोक्गमे बाक्‍त।

यहोसु 2:8

मेको मीश मुर इप्‍चा क्‍येङा ङोंइती मेको निक्‍शी आस बाक्‍तीक ङोइश्‍शा, ग्रुम्‍थ लमाक्‍त।

यहोसु 6:25

तन्‍न यहोसुमी राहाब तेल्‍लेम नु आ खिं ङा मुर आन कली प्रोंइतु। मारदे हना मेकोमी यहोसु आ यरीको सोइश्‍शो क्‍यारी पाइब निक्‍शी आस कली ख्रुइश्‍शा प्रोंइशो बाक्‍त। मेको नाक्‍त रे राहाब आ खिं ङा मुरपुकी इस्राएली आन दातेमी बाक्‍तेक्‍म। मत्ती १:५; न्‍यायाधीस १:२५