यहोसु 2:3 - Sunuwar Bible

³ मिनु यरीको ङा पिपमी राहाब आ बाक्‍तीकेमी मुर सोइक्‍ता नाक्‍त। मेकोपुकीमी राहाब कली “इ खिंमी जाक्‍शो मेको मुर निक्‍शी आस कली ग्रुंइशा, एक चाक्‍को। मारदे हना मेको निक्‍शी इं रागी नेल्‍ल कली क्‍यारी पथ जाक्‍शो नसी” दे लोव़ सोइक्‍ता बाक्‍त।

यहोसु 2:3 ပူးပေါင်းရင်းမြစ်များ

उत्पत्ती 38:24

मिनु महिना सां नोले मुर कामी यहूदा कली “इ चाइमी तामारम तेल्‍लेम पाप्‍तु। तेल्‍लेम पा कोव़ज कुरशो बाक्‍त” देंमाक्‍त। मिनु यहूदामी “मेको चोचा कली चाक्‍कीन” दे लोव़ लेत्‍ता बाक्‍त।

उत्पत्ती 42:31

गोपुकीमी ‘गो ठीक पाइब बाक्‍नीकी, गो क्‍यारी पाइब मनकी।

२ सामुएल 10:3

अम्‍मोनी आन कली सासन पाइबम आन प्रभु हानुन कली “दाऊदमी इन आफ कली ठेयब सेल्‍चा आ पर्बम इन कली लेम्‍शो लोव़ नेंपाइक्‍थ सोइश्‍‍शो बाक्ब, दे थमा सुइक्‍नीनी? एको मुरपुकी क्‍यारी पाइब नम। दाऊदमी एको आन कली इन सहर दोपा ओव़चा, दे क्‍यारी पथ सोइश्‍शो बाक्‍ब” देंमा बाक्‍त।

२ सामुएल 17:20

मिनु अब्‍सालोम आ गेय पाइब मुरपुकी जाक्‍शा, मेको मीश मुर कली “अहीमाज नु योनाथन ते बाक्‍सा” दे हिल्‍लो पामे बाक्‍त। मिनु मेकोमी “मेको निक्‍शी आइक्‍ची हांबु लाक्‍ताक्‍स” देंमाक्‍त। मेको मुरपुकीम एर ओंथ माल्‍मे बाक्‍त, तन्‍न मथिदमे बाक्‍त। मोपतीके मेकोपुकी यरूसलेम लेम्‍मा बाक्‍त।

१ इतिहास 19:3

मिनु अम्‍मोनी आन ठेयब मुरपुकीम हानुन कली “दाऊदमी इन कली रिम्‍शो लोव़ पथ मुर सोइक्‍तानु, गे दाऊदमी इन आफ कली मान पा मुर सोइश्‍शो बाक्‍ब, दे मिम्‍नीनी? इन रागीम तेरे ओव़शा खतम पोक्‍चा, दे कोव़थ कका सोइश्‍शो बाक्‍ब। आ मुरपुकी क्‍यारी पथ जाक्‍शो मनमी ङा?” दे मदमे बाक्‍त।

अय्‍युब 21:30

शुश हिंचा ङा श्‍येत दुम्‍मेनु, परमप्रभु यावे आ अरेशो मटीबपुकी ब्रोंइचा ताइनीम। मिनु परमप्रभु आ गाइक्‍ची नाक्‍त मेकोपुकी प्रोंइचा पुंइसीनीम।

लेवी 24:14

“मेको सराप पाइब कली मुर आन बाक्‍तीक रे लाङगा ग्रुंइदीन। मिनु मेको आ नेक्‍था बाक्‍ब मुर नेल्‍लेमी मेको आन गुइ आ पिया तारी वोइक्‍चा माल्‍नीम। मिनु मेको नोले नेल्‍लेमी मेको कली फुल्‍लु आप्‍शा साइक्‍चा माल्‍नीम। गन्‍ती १५:३६; ब्‍यवस्‍था १५:५; प्रेरित ७:५६

यूहन्‍ना 19:4

मिनु पिलातस लेंशा, खिं रे ग्रूशा, लाङगामी रिम्‍शा बाक्‍शो आन कली “कोव़ङीन, गो एको कली ग्रुंइशा, गेपुकी नु ग्रुम्‍पाइक्‍नुङ। मारदे हना मरिम्‍शो पाइब मसुइक्‍नुङ, दे तुइक्‍तीन” दे माइक्‍तीमी।

प्रेरित 12:4

मोपतीके पास्‍सा चाड थुम्‍शा, मुर आन ङोंइती राप्‍पाइक्‍चा, दे जेल्‍खानमी चोक्‍शा, ४, ४ जना पालो पालो पा बाक्‍कीन, दे १६ जना सिपाही वोइक्‍पदा बाक्‍त।

प्रेरित 12:6

हेरोदमी पत्रुस कली मुर आन ङोंइती राप्‍पाइक्‍चा देंशो नाक्‍त आ ङोंइती नाक्‍दो पत्रुस साङलो निक्‍शीमी पाइश्‍शा, सिपाही निक्‍शी आस दातेम इप्‍पाइश्‍शो बाक्‍माक्‍त। लाप्‍चो आ ङोंइती यो खाल पाइबपुकी बाक्‍मा बाक्‍त।

यहोसु 10:23

मिनु मेकोपुकीमी मेको ५ जना पिप आन कली चाक्‍तेक्‍म। यरूसलेम ङा पिप, हेब्रोन ङा पिप, यरमुथ ङा पिप, लाकीश ङा पिप नु एग्‍लोन ङा पिप कली पुक्‍खी रे ग्रुंइ‍शा, यहोसु आ बाक्‍तीकेम चाक्‍तेक्‍म।

यहोसु 2:2

मिनु मेकेर ङा मुर कामी यरीको ङा पिप कली “हजुर, मुलाक्‍त नाक्‍दो इस्राएल ङा मुर निक्‍शी एको रागी कली क्‍यारी पथ, जाक्‍ताक्‍स” दे मदा बाक्‍त।

यहोसु 2:4

तन्‍न मेको मीश मुरुमी मेको निक्‍शी आस कली लाइश्‍शा, ख्रुइक्‍तीम्‍सी बाक्‍त। मिनु मेकोमी लोव़ चाक्‍ब आन कली “मेको निक्‍शी थमा पा आं बाक्‍तीकेमी जाक्‍ताक्‍स। तन्‍न ते रे जाक्‍शो नसी गो मतुइक्‍तु।

न्‍यायाधीस 4:20

मिनु सीसेरामी मेको कली “ताम्‍बु आ लाप्‍चोमी राप्‍शा बाक्‍को, सुइ जाक्‍शा ‘एकेर सुइ मुर जाक्‍मा?’ दे हिल्‍लो पाम्‍तेक्‍म हना, मजाक्‍म देनो” देंमाक्‍त।