यहोसु 2:24 - Sunuwar Bible

²⁴ मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९

यहोसु 2:24 ပူးပေါင်းရင်းမြစ်များ

प्रस्‍थान 15:15

मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

हितोपदेस 25:13

थमा लोव़ क्‍याक्‍ब मुर, आ होव़प कली हुप्‍शो नाक्‍त अन्‍न रुप्‍ची ना ङा फुं खोदेंशो पा रिम्‍शो बाक्‍ब। मेको लोव़म आ होव़प आ थुं बारपाइक्‍ब।

यहोसु 1:8

एको आं अरेशो लोव़ ङा किताब इ थुं रे ङोन मवोतो। मेको कली नाक्‍दो नाक्‍ती मिम्‍तो। मेकेर ब्रेक्‍सीशो नेल्‍ल होस पा टिवो। मो पाप्‍तीवी हना, गे ग्राना ग्रान गाक्‍नेवे। मिनु इ पतीक नेल्‍ल थम रिम्‍शो दुम्‍ब। भजन संग्रह १:२-३

यहोसु 2:23

मिनु मेको निक्‍शी डांडा रे ब्रुप्‍शा, लेश्‍शा, खोला आइक्‍ची हांबु नून आ तौ यहोसु आ बाक्‍तीक जाक्‍दीश्‍शा, मेको कली मार मार दुम्‍मे, मेको नेल्‍ल शोव़ताक्‍स।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

यहोसु 6:2

मिनु परमप्रभु यावेमी यहोसु कली “गो यरीको, मेकेर ङा पिप नु मेकेर ङा लडाइ पाइब नेल्‍ल इ कली गेता।

यहोसु 8:1

मिनु परमप्रभु यावेमी यहोसु कली “महिनो। इ थुं लुक्‍च मलल। मुल लडाइ पाइब नेल्‍ल लाइश्‍शा, ऐ सहर कली लडाइ तोवो। मारदे हना गो ऐ सहर ङा पिप, मेकेर ङा मुरपुकी, सहर नु रागी इ कली गेता।

न्‍यायाधीस 1:2

मिनु परमप्रभु यावेमी “यहूदा आ थर ङा मुर कुचा माल्‍नीम। नेनीन, गो मेको रागी मेको आन कली गेनुङ” देंमाक्‍त।

न्‍यायाधीस 18:10

गे मेकेर जाक्‍दीश्‍शा, कोव़नीनु, ठेयब रागीमी थम रिम्‍शो पा बाक्‍शो जात का ङा मुर आन कली ताइनीनी। मेको मुरपुकीमी लडाइ आ पर्बम मारेइ ममिम्‍शो बाक्‍नीम। मेको रागी परमप्रभुमी इन गुइमी गेशो बाक्‍ब। मेको रागीमी बाक्‍शो मारेइ मारेइ थीसीब” देंमा बाक्‍त।

न्‍यायाधीस 7:9

मिनु मेको नाक्‍दो परमप्रभु यावेमी गिदोन कली “बोक्‍को, मिदयानी आन बाक्‍तीके ब्रुपो। मारदे हना गो मेको आन कली इ गुइमी गेता।