यहोसु 2:2 - Sunuwar Bible

² मिनु मेकेर ङा मुर कामी यरीको ङा पिप कली “हजुर, मुलाक्‍त नाक्‍दो इस्राएल ङा मुर निक्‍शी एको रागी कली क्‍यारी पथ, जाक्‍ताक्‍स” दे मदा बाक्‍त।

यहोसु 2:2 ပူးပေါင်းရင်းမြစ်များ

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 43:13

गो परमप्रभु नङ। नोले सम्‍म गो मेको नङ। सुइमी आं गुइ रे प्रोंइने मचाप्‍‍ब। गो गेय पङानु, सुइमी आं कली तेक्‍ने मचाप्‍ब” देंत।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 2:3

मिनु यरीको ङा पिपमी राहाब आ बाक्‍तीकेमी मुर सोइक्‍ता नाक्‍त। मेकोपुकीमी राहाब कली “इ खिंमी जाक्‍शो मेको मुर निक्‍शी आस कली ग्रुंइशा, एक चाक्‍को। मारदे हना मेको निक्‍शी इं रागी नेल्‍ल कली क्‍यारी पथ जाक्‍शो नसी” दे लोव़ सोइक्‍ता बाक्‍त।

न्‍यायाधीस 18:2

मोपतीके दान आ थर ङा मुरपुकीमी सोराह नु एश्‍ताओल रे ५ जना मुर आन कली क्‍यारी पथ सोइक्‍त्‍मे बाक्‍त। मिनु मेको आन कली “लन, मिनु मेको रागी कली क्‍यारी पन” देंमा बाक्‍त। मिनु मेकोपुकी एफ्राइम आ पहाडी रागी, मीकाह आ खिंमी जाक्‍शा, बास बाक्‍मा बाक्‍त। न्‍यायाधीस १३:२५