यहोसु 2:12 - Sunuwar Bible

¹² मोपतीके गो इस कली वारच पाता। गे परमप्रभु यावे आ नें थिशा, कसम जसे। मार कसम जस देंशा हना, गो इस कली वारच पशो खोदेंशो पा, गे लडाइ पनीनु, आं खिं ङा मुर नेल्‍ल आन कली यो वारच पसे। आं कली वारच पतीके चिन्‍ड का गेयीसी। यहोसु ६:२३,२५

यहोसु 2:12 ပူးပေါင်းရင်းမြစ်များ

उत्पत्ती 21:23

मोपतीके गो इन कली मार पुंइनुङ देंशा हना, आं कली, आं तमी तौ नु आं चच युइ आंइ कली श्‍येत मगेकी। गो इन कली रिम्‍शो पशो खोदेंशो पा, आं कली यो रिम्‍शो पने। इन बाक्‍शो रागी कली यो रिम्‍शो पने। ‘रिम्‍शो पाइनुङ’ दे परमप्रभु आ नें थिशा, कसम जने” दे पुना बाक्‍त। उत्‍पत्ती २०:१५

उत्पत्ती 24:3

गो इ कली परमप्रभु यावे, सरीङ नु रागी ङा परमप्रभु आ नेंमी कसम जपाइक्‍नुङ। मार कसम जपाइक्‍नुङ देंशा हना, आं तौ कली आं बाक्‍शो कनान रागी ङा मीश आल मचाक्‍को। उत्‍पत्ती २८:१; प्रस्‍थान ३४:१६

उत्पत्ती 24:9

मिनु मेको वाइलमी आ होव़प अब्राहाम आ फिला तारी गुइ वोइश्‍शा, आ देंशो आ पर्बम कसम जवा बाक्‍त।

उत्पत्ती 40:14

इन कली रिम्‍शो दुम्‍मेनु, आं कली यो मप्रेंदीन। आं कली शिशी पने। फाराओ कली आं कली मेको जेल्‍खान रे ग्रुंइचा, दे लोव़ पने।

२ इतिहास 36:13

मिनु पिप नेबुकदनेसरमी मेको कली परमप्रभु आ नेंम कसम जपदा बाक्‍त। तन्‍न मेको पिप कली यो मरिम्‍शो पवा बाक्‍त। मेको मरिम्‍शो पाइब नु काइ मटीब दुम्‍शा, परमप्रभु यावे, इस्राएली आन परमप्रभु गे लेन्‍ने मबिस्‍से बाक्‍त।

एस्‍तर 8:6

मारदे हना आं जात नु आं खिं ङा मुरपुकी खतम दुम्‍शो गो दोपा फाल्‍ने चाप्‍नुङा ङा?” देंत।

प्रस्‍थान 12:13

मेको ख्रेक्‍शो हुश इन खिं ङा चिन्‍ड दुम्‍ब। तेको खिंम हुश ख्रेक्‍शो तङा, मेको खिं कली हेरशा लाक्‍नुङ। गो इजीप्‍त रागी ङा मुर आन कली बेक्‍चा ङा श्‍येत गेनुङमी। इन कली चहिं मेको श्‍येत मगेनुङ। हिब्रू ११:२८; प्रस्‍थान ३०:१२

येरमीया 12:16

मिनु मेकोपुकीमी मोपा बाल आ नेंम कसम जाम्‍तेक्‍म, मोपा आं मुर आन लां थमा पा शेंताक्‍म हना, मेकोपुकीम परमप्रभु यावे ब्रोंइशा बाक्‍शो खोदेंशो पा, आं नेंम कसम जाइनीम। आं मुर आन पतीके रिम्‍शो पा शेंसाक्‍म हना, मेकोपुकी आं मुर आन दातेमी बाक्‍चा ताइनीम। ब्‍यवस्‍था ६:१८; येरमीया ४:२

मर्कूस 14:44

यहूदामी “सु कली पुक्‍पु पदु, मेको कली ग्‍याइश्‍शा लतीने” दे ग्‍याइक्‍थ जाक्‍ब आन कली तुइक्‍पाइश्‍शो बाक्‍माक्‍त।

रोमी 1:31

बी ब्‍यफ खोदेंशो दुम्‍तेक्‍मे, देंशो लोव़ मखबेमे, अरु आन कली वारच मपामे, सुइ आन कली मदाक्‍तमे, शिशी यो मपामे।

१ तिमोथी 5:8

सुमी आ खिं ङा मुर आन कली मकोव़बा, मेको आ थमा सुइक्‍तीके जाम्‍शा लशा, थमा मसुइक्‍ब आन क्‍येङा यो मरिम्‍शो दुम्‍ब। मत्ती १५:५-६

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

यहोसु 2:13

मिनु आं आम आफ, आं लोक्‍बपुकी नु मेको आन खिं ङा मुर नेल्‍ल आन कली ब्रोंइचा गेन। बेक्‍चा रे प्रोनीन” दे मेकोमी देंमाक्‍त।

यहोसु 2:18

गो लेंशा एक जाक्‍कानु, गे आंस कली तोइक्‍तीक झेलम मेको लल डोरी फ्रेंशा वोतो। इ आम आफ, इ लोक्‍ब नु इ खिं ङा मुर नेल्‍ल यो इ खिंम बाक्‍चा माल्‍नीम।

यहोसु 2:19

मेना सु इन खिं रे लांम ग्रूबा, मेको साइक्‍चा पुंइसीब। मिनु आंइ कली मारेइ यो दोस मदुम्‍ब। सु चहिं इ खिंम बाक्‍शा यो, साइक्‍चा पुंइसीबा, मेको आ दोस आंइ तारी दुम्‍ल।

यहोसु 6:22

मिनु यहोसुमी मेको क्‍यारी पाइब निक्‍शी आस कली “गे मेको तेल्‍लेम आ खिं लस। मिनु इस कसम जशो खोदेंशो पा मेको मीश मुर नु आ खिं ङा मुर नेल्‍ल आन कली ग्रुंइदीस” देंत। यहोसु २:१२-१४

यहोसु 9:15

मिनु यहोसुमी मेको आन कली “इन थुं नांइसीन। ब्रोंइचा ताइनीनी” दे कबल पाप्‍तु। मिनु मेकेर ङा ठेयब मुरपुकीमी यो कसम जाम्‍तेक्‍म।

न्‍यायाधीस 1:24

मेको क्‍यारी पाइबपुकीमी मुर का कली बेथेल सहर रे ग्रूशो तशा, मेको कली “सहर दोपा ओव़चा? आंइ कली शेंदीन। गो इन कली मारेइ यो मरिम्‍शो मपाइनीकी” देंमा बाक्‍त।

१ सामुएल 30:15

मिनु दाऊदमी “गे आंइ कली लां कोंइशा मेको आन बाक्‍तीके चाक्‍दीन्‍ने चाप्‍नेवे?” देंमाक्‍त। मिनु मेकोमी “गे परमप्रभु आ ङोंइती ‘आं कली मसाइक्‍नीकी नु आं होव़प आ गुइम जिम्‍मा मगेनीकी’ दे कसम जने। मिनु गो लां कोंइशा मेको आन बाक्‍तीक चाक्‍दीत्‍नुङ” देंमाक्‍त।