यहोसु 19:46 - Sunuwar Bible

⁴⁶ मे-यारकोन, रक्‍कोन नु योप्‍पा आ ङोंइती ङा रागी बाक्‍तेक्‍म। योना १:३

यहोसु 19:46 ပူးပေါင်းရင်းမြစ်များ

२ इतिहास 2:15

इन ब्रेक्‍शो खोदेंशो पाइन गेय पाइब आन कली चेरब, क्‍योव़ज, तेल नु अङगुर शांबु सोइक्‍तीन।

२ इतिहास 2:16

गो इन माल्‍शो शी नेल्‍ल लेबानोनम तिम्‍नीकी। मिनु फ्रेंशा योप्‍पा सहर सम्‍म ठेयब समुन्‍द्र रे पा सोइक्‍नीकी। मिनु गे मेकेर रे यरूसलेम सम्‍म ल‍तीन” दे चिठी ब्रेक्‍शा सोइक्‍ता बाक्‍त।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

प्रेरित 10:8

मिनु मेको मुर सां आन कली मार दुम्‍मे, दोदेंशो लोव़ नेंना, मेको लोव़ नेल्‍ल शेंशा, पत्रुस कली माल्‍शा, चाक्‍चा, दे योप्‍पा सहर सोइक्‍तीमी बाक्‍त। प्रेरित ११:५-१७

प्रेरित 9:36

योप्‍पा सहरमी तबीता नें पाइश्‍शो थमा सुइक्‍ब मीश मुर का बाक्‍माक्‍त। ग्रीक लोव़मी मेको आ नें दोरकास, किश्‍श रुम्‍सीब। तबीता गेना हना यो सुइ सुइ आन कली रिम्‍शो पाइबाक्‍माक्‍त। मथीब आन कली शुश वारच पाइबाक्‍माक्‍त।

प्रेरित 9:38

लिडडा नु योप्‍पा नेक्‍नेक्‍था बाक्‍नीसी। मोपतीके थमा सुइक्‍बपुकीमी पत्रुस लिडडा जाक्‍शो बाक्‍ब, दे यो नेंशो बाक्‍मा बाक्‍त। मिनु आन मुर निक्‍शी योव़शा, पत्रुस कली “आंइ बाक्‍तीक रीब जाक्‍शा, वारच पाइक्‍चा नकी” दे ब्रथ सोइक्‍तमे बाक्‍त।

प्रेरित 9:42

मोदेंशो दुम्‍त देंशो लोव़ योप्‍पा सहरमी बाक्‍ब नेल्‍लेमी नेन्‍मे बाक्‍त। मिनु शुशेमी प्रभु कली थमा सुदमे बाक्‍त।

प्रेरित 9:43

मिनु पत्रुस योप्‍पा ङा कुशुल नोक्‍ब सिमोन आ खिंमी शुश नाक्‍त बाक्‍माक्‍त।

यहोसु 19:45

येहुद, बेने-बेराक नु गाथ-रिम्‍मोन,

यहोसु 19:47

मिनु दान आ खिं खिं ङा मुर मेको रागी ग्राचा कली श्‍येत जाम्‍तेक्‍म। मिनु मेकोपुकीमी लेशेम सहरमी लशा, लडाइ पा तरवारमी मुर नेल्‍ल आन कली साइश्‍शा ग्रा‍तेक्‍म। मेकोपुकी मेको सहरमी बाक्‍शा, मेको कली आंम किकी आ नें दान वोइक्‍तेक्‍म। न्‍यायाधीस १८:२७-२९