यहोसु 18:3 - Sunuwar Bible

³ मिनु यहोसुमी इस्राएली आन कली “गे परमप्रभु यावे, इन किकी पिपी आन परमप्रभुमी इन कली गेशो रागी आंम के सेल्‍चा कली मार रिम्‍नीनी।

यहोसु 18:3 ပူးပေါင်းရင်းမြစ်များ

हितोपदेस 10:4

सु अल्‍से बाक्‍मे, मेको प्रुङग दुम्‍ब। शुश गेय पाइब मुर चहिं शोंप पाइश्‍शो दुम्‍ब। हितोपदेस ६:६

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

हितोपदेस 15:19

अल्‍सी आन लां चूम ब्रीशो बाक्‍ब। तन्‍न रिम्‍शो थुं पाइश्‍शो मुर आन लां थेल्‍शो बाक्‍ब।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

सेफन्‍याह 3:16

मेको नाक्‍त यरूसलेम कली सियोन ङा मुर महिनीन। गे शुश गेय पने।

मत्ती 20:6

मिनु क्‍यारश चोक्‍ची सम्‍म यो गेय मथिप्‍ब आन कली तशा ‘गे सुनी रे मार गुइ फ्रेंशा बाक्‍नी’ दे हिल्‍लो पवा बाक्‍त।

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

यहोसु 1:6

गे बोल्‍यो नु महिंब दुमो। मिनु गो ङोंइती ‘इ किकी पिपी आन कली गेनुङ’ दे कसम जशो रागी, गे इस्राएली आन कली आंम के सेल्‍पाइक्‍चा माल्‍नेवे। ब्‍यवस्‍था ३:२८;

यहोसु 13:1

मिनु यहोसु शुश खाल्‍पा दुम्‍त। मिनु परमप्रभु यावेमी मेको कली “गे मुल शुश खाल्‍पा दुम्‍ते। रागी शुश इन के सेल्‍चा माल्‍शो लीशो बाक्‍नीम।

यहोसु 18:2

तन्‍न इस्राएली ७ थरपुकीमी आंम कली रागी मतशो बाक्‍तेक्‍म।

यहोसु 18:4

मुल गेपुकीमी थर थर रे सां सां मुरपुकी योव़ङीन। गो मेको आन कली रागी कोव़थ सोइक्‍नुङ। मिनु मेकोपुकी लशा, आंम आंम रागी दोदेंशो बाक्‍मे, मेको ब्रेक्‍चा माल्‍नीम। मिनु नोले आं बाक्‍तीक लेत्‍चा माल्‍नीम।

न्‍यायाधीस 18:9

मिनु क्‍यारी पाइबपुकीमी “लो, लय। मिनु मेकोपुकी नु लडाइ पय। मारदे हना मेको रागी थम रिम्‍शो बाक्‍ब। मुल मार सिक्‍सी पा बाक्‍नीनी? मुल लचा कली देश मपने। मिनु मेको रागी कली आंम के सेल्‍य।