यहोसु 18:12 - Sunuwar Bible

¹² मेको सांद उत्तर गे यर्दन रे पा लाइश्‍शा यरीको आ उत्तर ङा देम्‍सीलो लाक्‍शा, पच्‍छिम गे ङा पहाड लाक्‍शा गोरशो रागी बेथ-आवेन सम्‍म जाक्‍दीश्‍शो बाक्‍त। यहोसु ७:२

यहोसु 18:12 ပူးပေါင်းရင်းမြစ်များ

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

यहोसु 16:1

मिनु योक्‍शा गेशो योसेफ आ खिं खिं ङा मुर आन रागी तेको तेको बाक्‍तेक्‍म देंशा हना, यरीको आ नेक्‍था ङा यर्दन रे यरीको खोला आ पूर्ब रे ग्‍येत्‍थ लाइब गोरशो रागी लाक्‍शा, बेथेल ङा पहाड रागी सम्‍म बाक्‍त। उत्‍पत्ती ४९:२२

यहोसु 18:11

मिनु योव़ङमेनु, बेन्‍यामीन आ खिं खिं ङा मुरपुकीमी आन रागी ताम्‍तेक्‍म। मेको आन रागी यहूदा थर नु योसेफ आस थर निक्‍शी आन दातेमी बाक्‍त। उत्‍पत्ती ४९:२७

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 3:16

इर रे यिशो ब्‍वाक्‍कु तेक्‍साक्‍व। मेको गारो खोदेंशो दुम्‍शा, मुर आन लतीके लां रे ङोन बाक्‍त। मेको ते तेक्‍सीशो बाक्‍त देंशा हना, चारेथन आ नेक्‍था ङा आदम सहर माइश्‍शोमी तेक्‍सीशो बाक्‍त। मिनु इर रे यिशो दिंम ङा अराबाह समुन्‍द्र, मेको कली हिक्‍सी समुन्‍द्र यो देंनीम, यीब ब्‍वाक्‍कु तेक्‍सीशो बाक्‍त। प्रस्‍थान १४:२१-२२; भजन संग्रह ११४:३

यहोसु 6:1

मिनु यरीको ङा मुरपुकीमी इस्राएली आन कली तशा, आन गारो ङा ठेयब लाप्‍चो चोक्‍तेक्‍म। मिनु सुइ मुर सहर रे खिंङगा लाङगा मपाम।

यहोसु 7:2

मिनु यहोसुमी यरीको रे बेथेल आ पूर्ब बेथ-आवेन आ नेक्‍था ऐ सहरमी मुर आन कली सोइक्‍ताक्‍व। मिनु मेको आन कली “गेपुकी मेक लशा, मेको रागी कली क्‍यारी पन” दे माइक्‍तु। मिनु मेको मुरपुकी लशा, मेको ऐ सहर कली क्‍यारी पाम्‍तेक्‍म।

यहोसु 8:15

मिनु यहोसु नु इस्राएली नेल्‍ल ब्रुशो खोदेंशो पा, गोरशो रागी गे प्रोक्‍खु पाम्‍तेक्‍म।

१ सामुएल 13:5

मिनु पलिस्‍तीपुकी इस्राएली नु लडाइ पचा कली बुक्‍मा बाक्‍त। मेकोपुकी नु ३० हजार बग्‍गी, ६ हजार शारा ङोइक्‍बपुकी नु समुन्‍द्र ङा बाल्‍वा खोदेंशो पा हिक्‍ने मचाप्‍चा ङा पा खोइलीम गाक्‍ब लडाइ पाइब मुर बाक्‍मा बाक्‍त। मेकोपुकी इर ग्रूशा, बेथ-आवेन आ पूर्ब गे मिकमाशम आन बाक्‍तीके सेल्‍मे बाक्‍त।