यहोसु 17:5 - Sunuwar Bible

⁵ मिनु मनस्‍से कली १० ओटा रागी गेम्‍तेक्‍म। मिनु मेको कली यर्दन आ पूर्ब ङा गिलाद नु बाशान रागी यो तेम्‍शा गेम्‍तेक्‍म।

यहोसु 17:5 ပူးပေါင်းရင်းမြစ်များ

इजीकीएल 48:4

मिनु पूर्ब रे पच्‍छिम नाप्‍ताली आ सांद थिशो रू मनस्‍से आ थेरशो रू दुम्‍ब।

यहोसु 13:11

गिलाद रागी नु गेशुरी नु माकाथी आन रागी नु हेरमोन नेल्‍ल नु बाशान नेल्‍ल रे लाइश्‍शा साल्‍का सम्‍म गेशो बाक्‍त। ब्‍यवस्‍था ३:१४; २सामुएल ३:३; २सामुएल १५:८

यहोसु 17:14

मिनु योसेफ आ खिं ङा मुरपुकीमी यहोसु कली “गे मारदे आंइ कली रागी का ला गेनी? गो शुश मुर बाक्‍नीकी। मिनु परमप्रभु यावेमी आंइ कली शुश आसीक गेप्‍तु” देंतेक्‍म।

यहोसु 17:4

मेकोपुकीमी चढ़ेब एलाजर, नून आ तौ यहोसु नु ठेयब मुर आन ङोंइती जाक्‍शा “आंइ कली आंइ लोक्‍ब आन दातेमीन रागी गेचा, दे परमप्रभु यावेमी मोसा कली अरेशो बाक्‍ब” देंतेक्‍म। मिनु यहोसुमी मेको आन कली, परमप्रभु यावे आ देंशो खोदेंशो पा, आन बोडो बकान्‍छा आन दातेमी रागी गेप्‍तु।

यहोसु 17:6

मारदे हना मनस्‍से आ थर ङा तमीपुकीमी यो मेको आन तौ आन दातेमीन रागी ताम्‍तेक्‍म। गिलाद रागी चहिं मनस्‍से आ अरु तौ आन रागी दुम्‍त।

यहोसु 22:7

मनस्‍से आ उइक्‍थ थर कली मोसामी बाशानमी आंम रागी गेप्‍तु। तन्‍न अर्को उइक्‍थ थर कली यहोसुमी यर्दन आ पच्‍छिम गे मेको आन लोक्‍ब नु गेप्‍तु। मिनु यहोसुमी मेको आन कली आंम आंम खिंम सोइक्‍ची ना मेको आन कली आसीक गेप्‍तु।