यहोसु 14:15 - Sunuwar Bible

¹⁵ ङोंइती हेब्रोन कली किरयथ-अरबा देंशो बाक्‍तेक्‍म। मेको अरबा माइश्‍शो मुर अनाकीम ङा मुर आन दातेमी नेल्‍ल क्‍येङा लाइश्‍शो मुर बाक्‍तेक्‍म। मिनु मेको रागी लडाइ रे नांइसाक्‍व। गन्‍ती १३:२२; यहोसु ११:२३

यहोसु 14:15 ပူးပေါင်းရင်းမြစ်များ

उत्पत्ती 23:2

सारा कनान रागी ङा किरयथ-अरबाम बेक्‍माक्‍त। मेको कली हेब्रोन यो देंनीम। मिनु अब्राहाम सारा आ पर्बम हिंशेक पा ङाक्‍थ लमाक्‍त।

उत्पत्ती 35:27

मिनु याकूब, आ आफ इसहाक आ खिं माम्रे जाक्‍दीम्‍माक्‍त। मेको कली किरयथ-अरबा सहर नु हेब्रोन यो देंनीम। मेको अब्राहाम नु इसहाक आस बाक्‍तीक रागी बाक्‍माक्‍त।

उत्पत्ती 37:14

मिनु “लावो, इ लोक्‍ब नु क्‍यारश भेडा नेल्‍ल रिम्‍शो बाक्‍मा कों, दोदेंशो पा बाक्‍मा, कोव़थ लावो। मिनु कोव़शा, शेंदी” देंमाक्‍त। मिनु योसेफ कली हेब्रोन बेंसी रे सोइक्‍तानु, शेकेम गे लमाक्‍त। उत्‍पत्ती ३५:२७

१ इतिहास 6:4

एलाजर फिनेहास आ आफ बाक्‍माक्‍त। फिनेहास अबीशुआ आ आफ बाक्‍माक्‍त।

नेहेम्‍याह 11:25

मिनु यहूदा आ थर ङा मुरपुकी का निक्‍शी आंम आंम आन खिंम नु रूम बाक्‍शो बाक्‍तेक्‍म। मेकोपुकी किरयथ-अरबा नु मेको मेर ङा गाउंपुकी, दीबोन नु मेको मेर ङा गाउंपुकीम, येकाब्‍सेल सहर नु मेको मेर ङा गाउंपुकीम, यहोसु २०:७

यहोसु 11:23

परमप्रभु यावेमी मोसा कली देंशो खोदेंशो पा यहोसुमी रागी नेल्‍ल ग्राशा, आंम के सेल्‍तु। मिनु यहोसुमी इस्राएली आन थर थर ङा मुर आन कली कोव़शा, रागी रागी योक्‍शा गेप्‍तु। मिनु नोले रागी लडाइ रे नांइसाक्‍म। यहोसु १४:१५

यहोसु 14:14

मोपतीके मुल सम्‍म केनीज्‍जी यपुन्‍ने आ तौ कालेब आ रागी हेब्रोन बाक्‍ब। मारदे हना मेकोमी परमप्रभु यावे, इस्राएली आन परमप्रभु कली आ थुं नेल्‍लेमी आ नोले खोइश्‍शो बाक्‍त। गन्‍ती ३२:१२

यहोसु 15:13

मिनु परमप्रभु यावेमी यहोसु कली अरेशो खोदेंशो पा यहूदा आ थर ङा रागी आ दातेमी यपुन्‍ने आ तौ कालेब कली किरयथ-अरबा गेप्‍तु। मेको कली हेब्रोन यो देंनीम। मेको अरबा अनाक आ आफ बाक्‍त।

यहोसु 21:11

मिनु मेकोपुकीमी मेको आन कली यहूदा आ पहाड रागीमी किरयथ-अरबा नु आ नेक्‍था ङा योव़तीक रूपुकी गेम्‍तेक्‍म। किरयथ-अरबा कली हेब्रोन यो देंनीम। मेको अरबा अनाक आ आफ बाक्‍त। यहोसु २०:७

यहोसु 21:12

तन्‍न मेकोपुकीमी मेको सहर ङा रूपुकी नु मेकेर ङा गाउंपुकी चहिं यपुन्‍ने आ तौ कालेब कली गेशो बाक्‍तेक्‍म। यहोसु १४:३४; यहोसु १५:१३

न्‍यायाधीस 1:20

मिनु मोसामी देंशो खोदेंशो पा कालेब कली हेब्रोन सहर गेमे बाक्‍त। मिनु मेकोमी अनाक आ तौ सां आन कली मेकेर रे खेरा बाक्‍त। यहोसु १४:६-१५

न्‍यायाधीस 3:11

केनाज आ तौ ओथ्‍नीएल मबेक्‍म सम्‍म मेको रागी ४० बर्स सम्‍म लडाइ रे नांइसे बाक्‍त।

न्‍यायाधीस 3:30

मोपा मेको नाक्‍ती रे इस्राएलीम मोआबी आन कली हुकुम पामे बाक्‍त। मिनु मेको रागी ८० बर्स सम्‍म लडाइ रे नांइसे बाक्‍त।

न्‍यायाधीस 5:31

मिनु परमप्रभु यावे, इन जोरी सत्रु नेल्‍ल मोपान खतम दुम्‍मल। इन कली दाक्‍बपुकी चहिं सुनी दाप्‍शो नां खोदेंशो पा ब्रशा सक्ति पाइश्‍शो दुम्‍शा, बाक्‍मल” दे कुम्‍सो पाम्‍से बाक्‍त। मिनु ४० बर्स सम्‍म मेको रागीमी लडाइ मदुम्‍माक्‍त। ब्‍यवस्‍था ६:५

न्‍यायाधीस 8:28

मोपा मिदयान ङा मुरपुकी इस्राएली आन गुइमी दुम्‍शा, मेकोपुकीमी लेंशा लडाइ मपामे बाक्‍त। मिनु गिदोन बाक्‍म सम्‍म इस्राएल रागी ४० बर्स सम्‍म लडाइ रे नांइसे बाक्‍त। न्‍यायाधीस ३:११; न्‍यायाधीस ५:३१

१ सामुएल 30:31

हेब्रोन सहरम बाक्‍ब नेल्‍ल आन कली नु दाऊद नु आ मुर गाक्‍शो सहर गाउं नेल्‍ल आन कली कोसेली सोइक्‍तीमी बाक्‍त। ङोंइती मेकेर दाऊद नु आ मुरपुकीम मार मार पामे बाक्‍त।