यहोसु 14:12 - Sunuwar Bible

¹² मोपतीके एको डांडा ङा रागी आं कली गेने। परमप्रभु यावेमी एको आ पर्बम मेनान देंने थुम्‍तु। मिनु ‘मेकेर अनाकीम ङा मुर बाक्‍नीम। मिनु मेकेर गारो पाइश्‍शो ठेयब सहर बाक्‍नीम’ देंशो गे नेंतीनी। मिनु परमप्रभु यावे गो नु बाक्‍त हना, परमप्रभु यावे आ देंशो खोदेंशो पा गो मेको आन कली खेरने चाप्‍नुङ” देंत। यहोसु ११:२१

यहोसु 14:12 ပူးပေါင်းရင်းမြစ်များ

२ राजा 19:4

परमप्रभु यावे, इन परमप्रभुमी अस्‍सुर ङा पिपमी सोइश्‍शो मेको राब्‍शाके आ लोव़ नेल्‍ल नेंना माइ। आ होव़प, अस्‍सुर ङा पिपमी ब्रोंइशा बाक्‍शो परमप्रभु कली शुक्‍शी पथ सोइश्‍शो बाक्‍ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्‍बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्‍त। १सामुएल १७:१०; २राजा १८:३५

२ इतिहास 14:11

मिनु आसामी परमप्रभु यावे, आ परमप्रभु कली “परमप्रभु यावे, गे सक्ति पाइश्‍शो नु सक्ति मपाइश्‍शो मुर आन कली वारच पने चाप्‍नीनी। सु कली वारच पचा दाक्‍नीनी, मेकोन चाप्‍नीनी। परमप्रभु यावे, आंइ परमप्रभु, आंइ कली वारच पाइय्‍यीकी। मारदे हना गो इन कली थमा सुइक्‍नीकी। मिनु गोपुकी इन नेंमी एको इश्‍का लडाइ पाइब नु लडाइ पथ जाक्‍तक। परमप्रभु यावे, आंइ परमप्रभु, इन कली सुइ मुरुम ग्राने मचाप्‍नीम” दे पुना बाक्‍त। १सामुएल १४:६

भजन संग्रह 44:3

मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।

भजन संग्रह 60:12

गो परमप्रभु आ वारच पाइश्‍शोमी ग्रानीकी। मिनु मेकोमी आंइ जोरी सत्रु आन कली दिम्‍ब।

गन्‍ती 13:28

तन्‍न मेकेर बाक्‍ब मुरपुकी बोल्‍यो बाक्‍नीम। मिनु मेको आन सहरपुकी गारोम हिरशो नु थम ठेयब बाक्नीम। मिनु गोपुकीमी मेकेर अनाक आ मुर आन कली यो ताइतक।

गन्‍ती 13:33

गोपुकीमी मेकेर नेफीलीमपुकी यो ताइतक। अनाक आ मुर नेफीलीम रे दुम्‍शो बाक्‍नीम। मिनु गो मेको आन कली तशा, गो आंमा माले खोदेंशो तांइसाक्‍क। मिनु गो मेको आन ङोंइती यो मोदेंशोन तांइसीनय” देंतेक्‍म। ब्‍यवस्‍था १:२८; ब्‍यवस्‍था ९:२

गन्‍ती 21:34

मिनु परमप्रभु यावेमी मोसा कली “मेको नु महिंनो। मारदे हना गो मेको कली आ मुर नेल्‍ल नु मेको आ रागी यो यो इ कली गेतन। गे हेश्‍बोन ङा एमोरी आन पिप सीहोन कली पाइश्‍शो खोदेंशो पा मेको कली यो पतो” दे माइक्‍तु। भजन संग्रह १३६:१७-२२

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

ब्‍यवस्‍था 1:28

मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३

ब्‍यवस्‍था 9:1

मिनु मोसामी “गे इस्राएलीपुकी, नोफा दाइश्‍शा, नेनीन! मुल गे मेको रागी ओव़चा कली यर्दन खोला शोक्‍नीनी। इन क्‍येङा ठेयब नु सक्ति पाइश्‍शो रागी रागी, सरीङ थिचा चिक्‍शो गारो हिरशो सहरपुकी इन के सेल्‍नीनी। ब्‍यवस्‍था १:२८

ब्‍यवस्‍था 9:3

परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४

फिलिप्‍पी 4:13

आं कली सक्ति गेब आ नेंमी गो नेल्‍ल पने चाप्‍नुङ। २कोरिन्‍थी १२:१०

हिब्रू 11:33

मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।

यहोसु 15:14

मिनु कालेबमी हेब्रोन रे अनाक आ चच युइ सां शेशै, अहीमान नु तल्‍मै आन कली खेरतीमी।

न्‍यायाधीस 1:20

मिनु मोसामी देंशो खोदेंशो पा कालेब कली हेब्रोन सहर गेमे बाक्‍त। मिनु मेकोमी अनाक आ तौ सां आन कली मेकेर रे खेरा बाक्‍त। यहोसु १४:६-१५

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०