यहोसु 13:9 - Sunuwar Bible

⁹ तेको रागी गेशो बाक्‍त देंशा हना, अरनोन खोला आ नेक्‍था बाक्‍शो आरोएर सहर नु दिंम आ दातेमी बाक्‍शो मेदेबा सहर ङा दिंम दीबोन सहर सम्‍म ङा रागी नेल्‍ल गेशो बाक्‍त।

यहोसु 13:9 ပူးပေါင်းရင်းမြစ်များ

२ सामुएल 24:5

मिनु मेकोपुकी यर्दन खोला शोक्‍शा, आरोएर सहर नु दिंम आ दाते ङा सहर रे गाद नु याजेर गे लमा बाक्‍त। ब्‍यवस्‍था २:३६

१ इतिहास 19:7

मिनु मेकोपुकीमी ३२ हजार बग्‍गी नु माकाह ङा पिप नु आ लडाइ पाइब आन कली थाप्‍शा चाक्‍गमे बाक्‍त। मेकोपुकी जाक्‍शा मेदेबा सहर आ नेक्‍था ताम्‍बु कीङमे बाक्‍त। अम्‍मोनीपुकी आन सहर सहर रे ग्रूशा लडाइ पचा कली ठीक पामे बाक्‍त।

नेहेम्‍याह 11:25

मिनु यहूदा आ थर ङा मुरपुकी का निक्‍शी आंम आंम आन खिंम नु रूम बाक्‍शो बाक्‍तेक्‍म। मेकोपुकी किरयथ-अरबा नु मेको मेर ङा गाउंपुकी, दीबोन नु मेको मेर ङा गाउंपुकीम, येकाब्‍सेल सहर नु मेको मेर ङा गाउंपुकीम, यहोसु २०:७

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

येरमीया 48:18

ए दीबोन ङा तमी, गे ठेयब नित्‍तीके रे तोइश्‍शा, सोव़शो रागीम निस्‍सो। मारदे हना मोआब कली खतम पोक्‍ब इ कली लडाइ तोचा कली जाक्‍त। मेकोमी इ गारो हिरशो सहर नेल्‍ल खतम पोक्‍तु।

येरमीया 48:22

दीबोन, नेबो नु बेथ-दिब्‍लाथाइम आन तारी,

येरमीया 48:8

खतम पोक्‍ब सहर नेल्‍लेम जाक्‍ब। मिनु सहर का यो मप्रोंइसीब। बेंसी क्‍याम्‍‍सीब। मिनु दिंम खतम दुम्‍ब। परमप्रभु यावे आ देंशो मोदेंशो बाक्‍त।

गन्‍ती 21:30

मोपा मेको आन थेरशो रू हेश्‍बोन रे दीबोन सम्‍म खतम दुम्‍त। मिनु मेदेबा मीम नेक्‍चा क्‍येङा ङोंइती गो मेको खतम पोक्‍तका” दे कुम्‍सो पाम्‍तेक्‍म।

ब्‍यवस्‍था 2:36

अरनोन खोल्‍सा ङा दिंमम बाक्‍ब आरोएर सहर रे गिलाद सम्‍म आंइ ग्राने मचाप्‍चा ङा सहर कान मबाक्‍म। परमप्रभु यावे, इं परमप्रभुमी मेको नेल्‍ल आंइ कली ग्राचा गेप्‍तु। यहोसु १३:९; २सामुएल २४:५

ब्‍यवस्‍था 3:12

मिनु मेना तेको तेको रागी आंइ के सेल्‍तक देंशा हना, अरनोन खोल्‍सा आ नेक्‍था दिंमम बाक्‍शो आरोएर रे गिलाद पहाड आधा नु मेकेर ङा सहरपुकी सम्‍म गो रूबेन आ थर नु गाद आ थर ङा मुर आन कली गेतामी।

ब्‍यवस्‍था 3:16

मिनु गो रूबेन आ थर नु गाद आ थर ङा मुर आन कली मार गेतामी देंशा हना, गिलाद रे अरनोन खोल्‍सा आ दाते सम्‍म नु आ नेक्‍था ङा दिंम यब्‍बोक खोल्‍सा सम्‍म गेतामी। मेको अम्‍मोनी आन सांद बाक्‍ब।

यहोसु 12:2

एमोरी आन पिप सीहोन, मेको हेश्‍बोनमी बाक्‍शो बाक्‍माक्‍त। मेकोमी ते ते हुकुम पाइब बाक्‍माक्‍त देंशा हना, अरनोन खोला आ नेक्‍था बाक्‍शो आरोएर रे अरनोन खोला आ दाते रे यब्‍बोक खोला सम्‍म सासन पाइब बाक्‍माक्‍त। मेको अम्‍मोनी आन सांद बाक्‍त। मिनु मेकोमी आधा गिलाद कली यो सासन पशो बाक्‍माक्‍त। गन्‍ती २१:२४

यहोसु 13:10

मिनु हेश्‍बोन सहरम हुकुम पाइब एमोरी आन पिप सीहोन आ सहर नेल्‍ल अम्‍मोनी आन सांद सम्‍म गेशो बाक्‍त।

यहोसु 13:16

मेको आन रागी अरनोन खोला आ नेक्‍था बाक्‍शो आरोएर सहर नु मेको दिंम आ दातेम बाक्‍शो सहर नु मेदेबा दिंम आ नेक्‍था ङा रागी नेल्‍ल,

यहोसु 13:8

मिनु ङोंइती परमप्रभु यावे आ गेय पाइब मोसामी मनस्‍से आ उइक्‍थ थर, रूबेन आ थर नु गाद आ थर आन कली यर्दन आइक्‍ची हांबु पूर्बमी आन रागी गेने थुम्‍शो बाक्‍त। यहोसु १३:१५-३२