यहोसु 13:7 - Sunuwar Bible

⁷ मिनु एको रागी ९ थर नु मनस्‍से आ उइक्‍थ थर कली योक्‍शा गेवो” दे परमप्रभु यावेमी यहोसु कली देंत।

यहोसु 13:7 ပူးပေါင်းရင်းမြစ်များ

भजन संग्रह 105:44

मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

इजीकीएल 45:1

मिनु गेपुकीम आंम इन शोंप सेल्‍चा कली रागी योक्‍शा गेनीनु, मेको रे परमप्रभु यावे कली १५ हजार कुबीत लाइश्‍शो नु २० हजार कुबीत ब्रेम्‍शो रू का तिल्‍चा माल्‍नीनी। मिनु मेको रू नेल्‍ल परमप्रभु यावे केन दुम्‍ब। कुबीत का ०.५ मिटर बाक्‍ब।

गन्‍ती 33:54

मिनु गे थर थर आन खिं खिं ङा मुर आन कली हिक्‍शा, रागी योव़शा, मेको रागी योक्‍सीन। शुश खिं पाइश्‍शो थर आन कली ठेयब रागी गेचा, शुश खिं मपाइश्‍शो थर आन कली आइक्‍च रागी गेचा माल्‍नीनी। सुका आ नें बाजीम कोंइबा, मेको मेको थर केन दुम्‍ब। इन किकी पिपी आन थर थर पा मेको रागी योक्‍कीन। गन्‍ती २६:५४-५५

गन्‍ती 34:13

मिनु मोसामी इस्राएली आन कली “परमप्रभु यावे आ अरेशो खोदेंशो पा फेन्‍टे आप्‍शा ९ थर नु आधा थर आन कली गेशो रागी बाक्‍ब।

यहोसु 13:6

मिनु लेबानोन रे मिस्रेपोत-माइम सम्‍म पहाड ङा मुर नेल्‍ल नु सीदोनी आन रागी लीशो बाक्‍नी‍म। गो मेको मुर नेल्‍ल आन कली इस्राएली आन ङोंइती रे ग्रुंइनुङमी। गोम इ कली अरेशो खोदेंशो पा मेको रागी इस्राएली आन कली योक्‍शा गेवो। मेको रागी आंम के सेल्‍चा कली योक्‍शा गेमी।

यहोसु 13:8

मिनु ङोंइती परमप्रभु यावे आ गेय पाइब मोसामी मनस्‍से आ उइक्‍थ थर, रूबेन आ थर नु गाद आ थर आन कली यर्दन आइक्‍ची हांबु पूर्बमी आन रागी गेने थुम्‍शो बाक्‍त। यहोसु १३:१५-३२

यहोसु 14:2

मिनु परमप्रभु यावेमी मोसा कली दोपा अरेवा, मोपा मेको ९ थर नु उइक्‍थ थर आन कली रागी योक्‍शा गेशो बाक्‍त। गन्‍ती २६:५५