यहोसु 13:22 - Sunuwar Bible

²² मिनु इस्राएलीपुकीमी मेकोपुकी नु बेओर आ तौ बालाम, लिंक्‍यु कोव़ब कली यो तरवारमी साइक्‍तेक्‍म। गन्‍ती २२:५; गन्‍ती ३१:८

यहोसु 13:22 ပူးပေါင်းရင်းမြစ်များ

गन्‍ती 23:23

थमा पा, याकूब कली राइब मारेइ मन्‍तर तन्‍तर मबाक्‍ब। इस्राएली आन कली राइब मारेइ लिंक्‍यु कोव़तीके मबाक्‍नीम। मुल याकूब नु इस्राएल आ पर्बम परमप्रभु आ पशो कोव़ङीन।

गन्‍ती 24:1

मिनु बालाममी परमप्रभु यावेमी इस्राएली आन कली आसीक गेचा थुं पशो बाक्‍त, दे तुइक्‍ताक्‍व। मिनु मेको ङोंइती ङा खोदेंशो पा परमप्रभु कली हिल्‍लो पथ मला। तन्‍न मेकोमी आ कुल गोरशो रागी गे हिरशा कोव़तु।

गन्‍ती 24:14

मुल गो आं मुर आन बाक्‍तीके लाइनुङ। तन्‍न इस्राएलीपुकीम इन मुर आन कली नोले मार पाइक्‍नीमी, मेको इन कली शेंनुङ” देंत।

गन्‍ती 31:8

मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्‍तेक्‍म। मिनु मेको नु बाक्‍ब अरु मुर यो साइक्‍तेक्‍म। मिनु बेओर आ तौ बालाम कली यो तरवारमी साइक्‍तेक्‍म। यहोसु १३:२१-२२; गन्‍ती २२:५

यहोसु 13:23

मिनु रूबेन आ थर ङा मुर आन सांद यर्दन नु आ सुर सम्‍म बाक्‍त। मेको रूबेन आ थर आन खिं खिं ङा मुर आन कली गेशो सहर नु गाउंपुकी एकोन बाक्‍तेक्‍म।

२ पत्रुस 2:15

ठीक लां प्रोंइशा, हेंथे गाक्‍शा, बेओर आ तौ बालाम माइश्‍शो मुर खोदेंशो दुम्‍तेक्‍म। बालाममी मार पशो बाक्‍त देंशा हना, मरिम्‍शो गेय पतीके रे ताक्‍शो क्‍येट शुश दाक्‍शो बाक्‍त। गन्‍ती २२:७-३५

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८

प्रकाश 2:14

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११