यहोसु 13:13 - Sunuwar Bible

¹³ तन्‍न इस्राएलीपुकीमी गेशुरी नु माकाथ आ मुर आन कली मखेरेम। मोपतीके मुल सम्‍म मेको गेशुरी नु माकाथी इस्राएली आन दातेमी बाक्‍शो बाक्‍नीम।

यहोसु 13:13 ပူးပေါင်းရင်းမြစ်များ

उत्पत्ती 35:22

मिनु इस्राएल मेको रागीमी बाक्‍मेनु, आ तौ रूबेन आ आफ आ मीश बिल्‍हाह नु इम्‍‍माक्‍त। मिनु इस्राएलमी मेको नेना बाक्‍त। उत्‍पत्ती ४९:४

२ सामुएल 10:6

मिनु अम्‍मोन ङा मुरपुकीमी दाऊद कली गाइक्‍पाइश्‍शो तुइक्‍तमे बाक्‍त। मिनु अम्‍मोन ङा मुरपुकीम बेथ-रेहोब, सोबाह ङा २० हजार मुर नु अराम ङा खोइलीम गाक्‍ब लडाइ पाइब आन कली गाल्‍च थाप्‍शा चाक्‍गमे बाक्‍त। मेकोपुकीम माकाह ङा पिप नु हजार का मुर नु तोब रागी रे १२ हजार मुरपुकी गाल्‍च थाप्‍शा चाक्‍गमे बाक्‍त।

२ सामुएल 3:3

मेको आ माइला तौ किलेआब बाक्‍माक्‍त। मेको आ ममा कारमेल ङा बेक्‍शो नाबाल आ मीश अबीगेल बाक्‍माक्‍त। मेको आ साइला तौ अब्‍सालोम बाक्‍माक्‍त। मेको आ ममा गेशुर ङा पिप तल्‍मै आ तमी माकाह बाक्‍माक्‍त। २सामुएल १५:१

गन्‍ती 33:55

तन्‍न गे मेको रागीम बाक्‍ब मुर आन कली इन ङोंइती रे मखेरतीनी हना, मेको लीशो मुर इन मिक्‍चीम कसीङगर नु इन कोव़खाम थोक्‍शो चू खोदेंशो दुम्‍नीम। मिनु गे ते बाक्‍तीनी हना यो, मेकोपुकीमी इन कली श्‍येत गेनीम। प्रस्‍थान २३:३१-३३; यहोसु २३:१२-१३

ब्‍यवस्‍था 3:14

मनस्‍से आ युइ याइरमी अरगोब ङा रागी नेल्‍ल, गेशुरी नु माकाथी आन सांद सम्‍म लाइक्‍तु। मेको बाशान कली आ नें हव्‍वोथ-याइर वोइक्‍तु। मेको मुल सम्‍म बाक्‍ब।

यहोसु 12:5

हेरमोन डांडा, साल्‍का, बाशान नेल्‍ल, गेशुरी आन सांद नु माकाथ आ मुर आन सांद सम्‍म नु आधा गिलाद रे लाइश्‍शा, हेश्‍बोन ङा पिप सीहोन आ सांद सम्‍म सासन पाइबाक्‍माक्‍त।

यहोसु 13:11

गिलाद रागी नु गेशुरी नु माकाथी आन रागी नु हेरमोन नेल्‍ल नु बाशान नेल्‍ल रे लाइश्‍शा साल्‍का सम्‍म गेशो बाक्‍त। ब्‍यवस्‍था ३:१४; २सामुएल ३:३; २सामुएल १५:८

यहोसु 13:12

मिनु अश्‍तारोथ नु एद्रेइमी सासन पाइब बाशान सहरम बाक्‍ब ओग माइश्‍शो पिप आ रागी नेल्‍ल गेशो बाक्‍त। मेको पिप ओग ला रेफाइम आन दातेमी ब्रोंइशा लीशो बाक्‍माक्‍त। मोसामी मेको आन कली ग्राशा, खेरशो बाक्‍त।

यहोसु 13:14

मोसामी लेवी आ थर कली ला रागी मगेवो। मारदे हना परमप्रभु यावे आ देंशो खोदेंशो पा परमप्रभु यावे, इस्राएली आन परमप्रभु कली चोशा चढ़ेशो मेको आन भाग बाक्‍ब। यहोसु १३:३३; उत्‍पत्ती ४९:५; गन्‍ती १८:२०-२१

१ सामुएल 27:8

दाऊद नु मेको आ मुरपुकी लडाइ पथ ग्रूमानु, गेशुरी, गिरजी अमालेकी आन मारेइ मारेइ रोइक्‍बाक्‍मा बाक्‍त। मारदे हना मेकोपुकी तेलाम रे शुर सम्‍म नु इजीप्‍त सम्‍म बाक्‍बाक्‍मा बाक्‍त।