यहोसु 13:11 - Sunuwar Bible

¹¹ गिलाद रागी नु गेशुरी नु माकाथी आन रागी नु हेरमोन नेल्‍ल नु बाशान नेल्‍ल रे लाइश्‍शा साल्‍का सम्‍म गेशो बाक्‍त। ब्‍यवस्‍था ३:१४; २सामुएल ३:३; २सामुएल १५:८

यहोसु 13:11 ပူးပေါင်းရင်းမြစ်များ

उत्पत्ती 37:25

मिनु शोब्‍ले जथ निस्‍सीमा बाक्‍त। मिनु कोव़ङमेनु, गिलाद सहर रे इश्‍माएल जात ङा ग्‍याप्‍ब लेयब मुर नु आन दलओंठपुकी पिशो तामे बाक्‍त। मेको आन दलओंठपुकीमी मस्‍लापुकी, ख्रेक्‍तीकपुकी नु धूप इजीप्‍तमी लेयचा कली लाइक्‍बाक्‍मा बाक्‍त।

१ इतिहास 2:23

तन्‍न गेशुर नु अराम आस राज्‍य निक्‍शीमी मेको रे हव्‍वोथ-याइर, केनाथ नु आ नेक्‍था ङा सहर ६० ओटा सहर लडाइ पा ग्राशा आस के सेल्‍से बाक्‍त। मेको नेल्‍ल माकीर आ तौ बाक्‍मा बाक्‍त। माकीर चहिं गिलाद आ आफ बाक्‍माक्‍त।

१ इतिहास 5:11

गाद आ मुरपुकी रूबेन आ मुर आन नेक्‍था बाशान रागीम साल्‍का सम्‍म बाक्‍शो बाक्‍मा बाक्‍त।

गन्‍ती 32:29

मिनु मोसाम मेको आन कली “गाद नु रूबेन आस थर ङा मुर गेपुकी नु या कुरशा, परमप्रभु यावे आ ङोंइती लडाइ पा यर्दन आइक्‍ची हांबु लाम्‍तेक्‍म हना, नु मेको रागी इन गुइम दुम नोले, गेपुकीमी गिलाद रागी मेको आन कली गेचा माल्‍नीनी।

ब्‍यवस्‍था 3:10

गोपुकी दिंम ङा सहर नेल्‍ले, गिलाद रागी नेल्‍ल, बाशान, साल्‍का नु एद्रेइ सम्‍म, बाशानम बाक्‍शो ओग आ राज्‍य नेल्‍ल ग्रातक।

यहोसु 11:3

पूर्ब नु पच्‍छिम ङा कनानी आन पिप नु एमोरी आन पिप, हित्ती आन पिप, परिज्‍जी आन पिप, पहाड रागीम बाक्‍ब यबुसी आन पिप नु रागी ङा हेरमोन डांडा आइदी मिस्‍पा रागी गे बाक्‍ब हिव्‍वी आन पिप, नेल्‍ल आन कली ब्रेश्‍शा सोइक्‍ताक्‍व।

यहोसु 13:10

मिनु हेश्‍बोन सहरम हुकुम पाइब एमोरी आन पिप सीहोन आ सहर नेल्‍ल अम्‍मोनी आन सांद सम्‍म गेशो बाक्‍त।

यहोसु 13:2

मिनु तेको तेको रागी लीशो बाक्‍तेक्‍म देंशा हना, पलिस्‍ती नु गेशुरी आन रागी नेल्‍ल, १सामुएल २७:८

यहोसु 13:25

मेको आन कली याजेर नु गिलाद ङा सहर नेल्‍ल नु अम्‍मोनी आन आधा रागी, रब्‍बाह आ पूर्ब ङा आरोएर सम्‍म गेशो बाक्‍त।

यहोसु 17:5

मिनु मनस्‍से कली १० ओटा रागी गेम्‍तेक्‍म। मिनु मेको कली यर्दन आ पूर्ब ङा गिलाद नु बाशान रागी यो तेम्‍शा गेम्‍तेक्‍म।

१ सामुएल 13:7

का निक्‍शी हिब्रू यर्दन खोला शोक्‍शा, गाद आन रागी गिलाद जाक्‍दीम्‍मा बाक्‍त। तन्‍न सावल चहिं गिल्‍गाल उइ बाक्‍माक्‍त। मेको आ नोले खोइक्‍ब नेल्‍ले थाम्‍पा हिंशा ख्रिंख्रि पामे बाक्‍त।